¹ Manje ngiyanikhumbuta, bazalwane, lelivangeli lengalimemetela kini, nine lenalemukela futsi nimile kulo, ² futsi ngilo lenasindza ngalo, uma nibambelela nicinise kulelivangeli lengalishumayela kini, ngaphandle nanakholelwa lite. ³ Njengoba nganetfulela lokwakumcoka kakhulu nami lengakwemukela, kutsi Khristu wafela tono tetfu njengekusho kwemibhalo, ⁴ futsi wangcwatjwa, waphindze wavuswa ngelilanga lesitsatfu njengekusho kwemibhalo. ⁵ Khristu watibonakalisa kuKhefasi, kanye nalaba labalishumi nakubili; ⁶ wase uvela kulabangetulu kwemakhulu lasihlanu sikhatsi sinye. Labanyenti babo basaphila, kepha labanye sebalele. ⁷ Wase uyavela kuJakobe, nakubaphostoli bonkhe. ⁸ Ekugcineni kwako konkhe, watibonakalisa nakimi, shengatsi uvela kumntfwana lotelwe kungakefiki sikhatsi. ⁹ Ngoba ngimi lomncane kulabaphostoli. Angikafaneli kubitwa ngemphostoli ngoba ngalitingela libandla laNkulunkulu. ¹⁰ Kepha ngemusa waNkulunkulu nginguloku lengingiko, futsi umusa wakhe kimi awuzange ube lite. Kunaloko, ngasebenta kakhulu kunabo bonkhe. Kantsi bekungasimi, kepha ngumusa waNkulunkulu lonami. ¹¹ Ngakoke, noma ngimi noma ngibo, siyashumayela ke ngako nakholwa . ¹² Nyalo uma Khristu amenyetelwa angulowavuswa ekufeni, kungani labanye benu batsi kute kuvuswa ekufeni? ¹³ Kepha uma kute kuvuswa kwalabafile, ngako naKhristu bekangeke avuswe; ¹⁴ futsi kube Khristu akavuswanga, ngako kushumayela kwetfu kulite, futsi nelukholo lwenu kanjalo lulite. ¹⁵ Futsi, sitfolakele sibofakazi bemanga nga Nkulunkulu, ngoba safakaza kutsi Nkulunkulu wavusa Khristu ekufeni. Abe angamvusanga, uma kambe vele labafile abavuswa. ¹⁶ Ngoba kube labafile abavuswa, naKhristu ngabe akavuswanga; ¹⁷ futsi uma Khristu angavuswanga, lukholo lwenu lilite futsi solo nisetonweni tenu. ¹⁸ Nalabo ke labafe bakuKhristu nabo babhubhile. ¹⁹ Uma sibekutsembela kuKhristu kulokuphila kuphela, kubantfu bonkhe besibekulilelwa. ²⁰ Kepha nyalo Khristu, lositselo sekucala kulabo labafa, uvusiwe ekufeni. ²¹ Njengoba kufa kweta ngemuntfu, nekuvuswa kwalabafile kweta ngemuntfu. ²² Njengobe ku Adam bonkhe bayafa, ngako kuKhristu bonkhe bayokwentiwa baphile. ²³ Kepha nguloyo ngendlela yakhe: Khristu, lotitselo tekucala, bese kuba ngulabo lababaKhristu bayowentiwa baphile ngekubuya kwakhe. ²⁴ Bese kuba siphetfo, mhla abuyisela umbuso kuNkulunkulu uYise, uyawucitsa konkhe kubusa nawo onkhe emagunya nemandla. ²⁵ Ngako kumele abuse adzimate abeke titsa takhe ngaphasi kwetinyawo takhe. ²⁶ Sitsa sekugcina lekumele sincotjwe kufa. ²⁷ Njengoba abeke konkhe ngaphasi kwetinyawo takhe. Kepha uma kutsi ''Ubeke konkhe,'' kusobala kutsi loku akumfaki loyo lobeka konkhe ukutfobiseni ngaphasi kwabo. ²⁸ Uma tonkhe tintfo setitfotjiselwe ngaphasi kwakhe, kanjalo nendvodzana lucobo itotfotjiswa ngaphasi kwaloyo lobeke konkhe ngaphasi kwakhe, kute kutsi Nkulunkulu abe ngiko konkhe kubokonkhe. ²⁹ Noma ke bayokwentani labo lababhabhatiselwa labafile? Uma labafile bangavuswa nhlobo, babhabhatiselelwani bona? ³⁰ Kungani ke sibe sengotini emahora onkhe? ³¹ Ngifa mihla yonkhe le! Loku kusiciniseko sekutichenya kwami ngani, lenginako kuKhristu Jesu iNkhosi yetfu. ³² Ngizuza ini, ngekwebantfu, nangabe e Efesu ngalwa nalokutsiwa tilo, nangabe labafile abavuswa? ''Asidleni sinatseni, ngoba kusasa sitawufa.'' ³³ Ningayengeki: ''Bangani lababi bonakalisa similo lesihle.'' ³⁴ Sangulukani! Philani ngekwetsembeka! Ningachubeki nekona. Ngoba labanye benu abamati Nkulunkulu. loku ngikusho khona nitewuba nemahloni. ³⁵ Kepha lomunye utawutsi, ''Labafile bavuswa njani, futsi beta bangumtimba lonjani?'' ³⁶ Silima-ndzini! Lokuhlanyelako wena ngeke kucale kukhula ngaphandle kufe. ³⁷ Futsi lokuhlanyelako angeke kube ngulomtimba, kepha luhlavu loluphatsekako. Kungaba ngukolo nome lokunye nje. ³⁸ Kepha Nkulunkulu utakunika umtimba njengoba akhetsile, futsi eluhlavini ngalinye linemtimba walo. ³⁹ Akusiyo yonkhe inyama lefanako. Esikhundleni, kunenyama yinye yebantfu, nalenye inyama yetilwane, nalenye inyama yetinyoni, nalenye yetinhlanti. ⁴⁰ Kunemitimba futsi yasezulwini nemitimba yasemhlabeni. Kepha inkhatimulo yemtimba wasezulwini luhlobo lunye futsi lenkhatimulo yalomhlaba ingulenye. ⁴¹ Kunenkhatimulo yinye yelilanga, nalenye inkhatimulo yenyanga, nalenye inkhatimulo yetinkhanyeti. Nguleyo nkhanyeti yehluke kuletinye tinkhanyeti ngenkhatimulo. ⁴² Kukanjalo-ke kuvuswa ekufeni. Lokuhlanyelwe kuyabola, futsi lokuvusiwe akuboli. ⁴³ Kuhlanyelwa ngekudzeleleka; kuvuswe enkhatimulweni. ⁴⁴ Kuhlanyelwa emtimbeni lobutsakatsaka; kuvuswe emtimbeni wakamoya. Uma kunemtimba wendalo, kukhona nemtimba wakamoya. ⁴⁵ Ngako futsi kubhaliwe," Umuntfu wekucala Adamu waba ngumphefumulo lophilako." Lowekugcina Adamu waba ngumoya lonika kuphila. ⁴⁶ Kepha lowakamoya aketanga kucala kepha ngulowendalo, futsi kwase kuba ngulo wakamoya. ⁴⁷ Umuntfu wekucala wemhlaba, wakhiwe ngelutfuli.Lowesibili umuntfu wabuya ezulwini. ⁴⁸ Njengaloyo lowakhiwe ngelutfuli, banjalo nalabo labakhiwe ngelutfuli, futsi anjalo nemuntfu wasezulwini, banjalo nalabo lababasezulwini. ⁴⁹ Njengoba sitelwe saba ngumfanekiso walomuntfu welutfuli, sitophindze sibe ngumfanekiso waloyo wasezulwini. ⁵⁰ Nyalo naku lengikushoko, bazalwane, lenyama nengati angeke kulidle lifa lembuso waNkulunkulu. nalokubolako angeke kulidle lifa lekungaboli. ⁵¹ Buka! Nginitjela liciniso leliyimfihlo: Angeke sife sonkhe, kepha sitawuguculwa sonkhe. ⁵² Sitawushintjwa ngesikhashana, ngekuphatima kweliso, ekukhaleni kwelicilongo lekugcina. Njengoba licilongo litokhala nalabafile batovuswa bangasenakubola, natsi siyawuguculwa. ⁵³ Ngako lomtimba lobolako kumele umbatsiswe kungaboli, nemtimba lofako kumele umbatsiswe kungafi. ⁵⁴ Kepha uma lomtimba lobolako sewembetse kungaboli, futsi uma lomtimba lofayo sewumbatsiswe kungafi, kutawuba sekugcwaliseke lokushiwo ngumbhalo kutsi," Kufa kumitwe kuncoba." ⁵⁵ " Kufa, kuphi kuncoba kwakho? Kufa, luphi ludvonsi lwakho?" ⁵⁶ Ludvonsi lwekufa sono, nemandla esono ngumtsetfo. ⁵⁷ Kepha siyambonga Nkulunkulu, losinika kuncoba ngeNkhosi yetfu Jesu khristu! ⁵⁸ Ngako-ke, bazalwane bami labatsandzekako, manini nicine futsi ninganyakatiswa. Ngaso sonkhe sikhatsi nente umsebenti waNkulunkulu, ngoba niyati kutsi umsebenti wenu kuNkulunkulu awusilo lite.