¹ Lolu luhla lwebaholi bemindeni yaka Israyeli, tindvuna tetinkhulungwane kanye nemakhulu, kanye netiphatsi mandla letatisebentele inkhosi ngetindlela letahlukene. Lilinye libutfo labelisemsebentini inyanga ngenyanga umnyaka wonkhe. Lilinye libutfo lalinemadvodza labekatinkhulungwane letingemashumi lababili nakune. ² Enyangeni yekucala libutfo laliphetfwe nguJashobeam indvodzana yaZabdiel. Elibutfweni lakhe kwakungemadvodza latinkhulungwane letingemashumi lamabili nakune. ³ Yena abesitukulwane saPerez phindze asikhulu satotonkhe tindvuna temabutfo ngenyanga yekucala. ⁴ Enyangeni yesibili libutfo laliphetfwe nguDodai lophuma esitukulwaneni sa Ahoah. Mikloth abewesibili esikhundleni. Ebutfweni lakhe kwakungemadvodza latinkhulungwane letingemashumi lamabili nakune. ⁵ Indvuna yemphi enyangeni yesitsatfu kwakunguBenaiah indvodzana yaJehoida umpristi lomkhulu lophindze abe ngumholi. Ebutfweni lakhe kwakunemadvodza latinkhulungwane letingemashumi lamabili nakune. ⁶ Lona nguloBenaiah labekadze angumholi walabangemashumi lamatsatfu futsi angetulu kwalo 30. Ammizabad indvodzana yakhe abeyincenye yalelibutfo lakhe. ⁷ Indvuna yelibutfo enyangeni yesine kwakungu Asahel umnakabo Joab. Zebadiah indvodzana yakhe yalandzela yaba yindvuna emvakwakhe. Ebutfweni lakhe kwakunemadvodza latinkhulungwane letingemashumi lamabili nakune. ⁸ Indvuna yelibutfo enyangeni yesihlanu kwakungu Shamhuth umtukulu wa Izra. Ebutfweni lakhe kwakunemadvodza latinkhulungwane letingemashumi lamabili nakune. ⁹ Indvuna yelibutfo enyangeni yesitfupha kwakungu Ira indvodzana ya Ikkesh waseTekoa. Ebutfweni lakhe kwakunemadvodza latinkhulungwane letingemashumi lamabili nakune. ¹⁰ Indvuna yelibutfo enyangeni yesikhombisa bekunguHelez umPelonite wasesiveni sa Ephraim. Ebutfweni lakhe kwakunemadvodza latinkhulungwane letingemashumi lamabili nakune. ¹¹ Indvuna yelibutfo enyangeni yesiphohlongo kwakunguSibbekai umHushathite, wasesitukulwaneni saZerah. Ebutfweni lakhe kwakunemadvodza latinkhulungwane letingemashumi lamabili nakune. ¹² Indvuna yelibutfo enyangeni yemfica bekungu Abiezer um-Anathothite, wasesiveni saBenjamini. Ebutfweni lakhe kwakungemadvodza latinkhulungwane letingemashumi lamabili nakune. ^{13 14 15} Indvuna yelibutfo enyangeni yelishumi bekunguMaharai wasedolobheni laseNethofa, esiveni sesitukulwane saZera. Ebutfweni lakhe kwakunemadvodza latinkhulungwane letingemashumi lamabili emadvodza. ¹⁴ Indvuna yelibutfo enyangeni yelishumi nakunye bekunguBenaiah wasedolobheni lasePirathon lophuma esiveni sa Ephraim. Ebutfweni lakhe kwakungemadvodza latinkhulungwane letingemashumi lamabili nakune. Indvuna yelibutfo enyangeni yelishumi nakubili bekunguHeldai wasedolobheni iNethofa wesive sesitukulwane sa Othniel. Ebutfweni lakhe kwakungemadvodza latinkhulungwane letingemashumi lamabili nakune. ¹⁶ Laba bekubaholi betive taka Israyeli: Esiveni sakaReuben umholi bekungu Eliezer indvodzana yaZichri. Esiveni sakaSimeon umholi bekungu Shephatiah indvodzana yaMaakah. ¹⁷ Esiveni sakaLevi umholi bekunguHashabiah indvodzana yaKhemuweli, Zadok wahola sive saka Aroni. ¹⁸ Esiveni sakaJuda umholi bekungu Elihu, abengulomunye webanakabo Davide. Esiveni saka Issachar umholi bekungu Omri indvodzana yaMichael. ¹⁹ Esiveni sakaZebulun umholi bekungu Ishmaiah indvodzana ya Obadiah. Esiveni sakaNaphtali umholi bekunguJerimoth indvodzana ya Azriel. ²⁰ Esiveni saka Ephraim umholi bekunguHoshea indvodzana ya Azaziya. Esiveni lesiyincenye yakaManasseh umholi bekunguJoweli indvodzana yaPedaiah. ²¹ Esiveni lesiyincenye yakaManasseh eGilead umholi bekungu Iddo indvodzana yaZechariah. Esiveni saka Benjamini umholi bekunguJaasiel indvodzana ya Abner. ²² Esiveni sakaDeni umholi bekungu Azarel indvodzana yaJerohami. Laba bekubaholi betive taka Israyeli. ²³ Davide akababalanga labo benginyaka lengemashumi lamabili kuya phasi budzala, ngoba Simakadze bekadze atsembise kwandzisa Israyeli njenge tinkhanyeti esibhakabhakeni. ²⁴ Joab indvodzana yaZeruiah yacala kubala lamadvodza kodvwa ayizange icedze. Ngaloku intfukutselo yehlela ku Israyeli. Lolubalo alutange lubhalwe encwadzini yemilandvo yenkhosi Davide. ²⁵ Azmaveth indvodzana ya Adiel bekunguye lophetse tindlu tengcebo tenkhosi. Jonatani indvodzana ya Uzi bekunguye lobuke tindlu tekugcina sivuno lemasimini nasemadolobheni , kanye nasemibhoshongweni. ²⁶ Ezri indvodzana yaKelubi bekabuke balimi labo bebalima umhlaba. ²⁷ Shimei umuRama bekabuke tinsimu temagilebisi, naZabdi umShiphmite abuke emagilebisi netindzawo tekugcinela liwayini. ²⁸ Baal-Hanan abuke tihlahla temincumo kanye netemakhiwa eGeder, lobuke tindlu tekugcina emafutsa bekunguJoash. ²⁹ Imihlambi leyayidliswa eSharon beyibukwe nguShitrai waseSharon, imihlambi leyayisetihosheni beyibukwe nguShaphat indvodzana ya Adlai. ³⁰ Emakamela bekabukwe ngu Obil um-Ishmaelite, lobuke timbongolo letinsikati bekunguJehdeiah waseMeronoth. Tinkhukhu betibukwe nguJaziz umHagrite. ³¹ Jaziz umHagrite bekabuke tinkhukhu. Tonkhe letindvuna leti tatiphetse timphahla tenkhosi Davide. ³² Jonathani uyise lomncane waDavide bekangumeluleki, ngoba bekayindvodza lehlakaniphile futsi ingumbhali. Jehiel indvodzana yaHakmoni beyinaka emadvodzana enkhosi. ³³ Ahithofeli bekangumeluleki wenkhosi, naHushayi um Arkite abengumeluleki wenkhosi lofihlakele. ³⁴ Sikhundla sa Ahithophel satsatfwa nguJehoiada indvodzana ya Abiathar. Joab bekayindvuna yemabutfo enkhosi.