¹ Davide wakhuluma netindvuna letatihola tinkhulungwane nemakhululu temabutfo, nayoyonkhe indvuna. ² Davide wakhuluma kulolonkhe lelibandla laka-Israel watsi, ''Nakubonakala kukuhle kini, nanangabe loku kuchamuka kuSimakadze Nklunkulu wetfu, asitfumeleni titfunywa yonkhe indzawo kubanaketfu labasele kutotonkhe tifundza taka-Israel, nakubaPristi nemaLevi lakasemaveni awo. Abatjelwe bahlanganyele natsi. ³ Asibuyiseni kitsi libhokisi lesivumelwano sNkulunkulu, ngoba asikayibuti intsandvo yakho ngesikhatsi sembuso waSawula.'' ⁴ Lonkhe libandla lavumelana ngaletincumo, ngoba emehlweni tawonkhe umuntfu betibonakala tinguletikahle. ⁵ Ngakoke Davide wahlanganisa onkhe em-Israyeli kanye kanye, kusukela emfuleni iShihor eGibhithe kuya eLebo Hamath, kutsi bayolandza libhokisi lesivumelwano saNkulunkulu eKiriath Jearim. ⁶ Davide na-Israyeli wonkhe benyuka baya eBaalah, lokuyi, Kiriath Jearim, yemaJuda, kulandza libhokisi lesivumelwano saNkulunkulu, lelibitwa ngelibito laSimakadze, lohlala esihlalweni sebukhosi tikwekherubim. ⁷ Ngakoke lelibhokisi lesivumelwano saNkulunkulu balifaka encoleni lensha. Balikhipha endlini ya-Abinadab. Uzzah na-Ahio bebagadze lencola. ⁸ Davide kanye nawo onkhe ema-Israyeli bebajabula bagidza embikwaNkulunkulu ngemandla lamanengi. Bebahlabela ngehaphu, nemaluthi, emathamborini, nemasimbali, nemacilongo. ⁹ Batsi ngekufika ebaleni lekubhulela laseKidoni, Uzzah welula sandla sakhe etama kubamba lelibhokisi lesivumelwano, ngoba lenkhabi yagileka. ¹⁰ Lwabese lulaka lwaSimakadze luyamvutsela Uzzah, ngakoke Simakadze wambulala ngoba Uzzah welula sandla sakhe etama kubamba lelibhokisi lesivumelwano. Wafa lapho embikwaNkulunkulu. ¹¹ Davide watfukutsela ngoba Simakadze wabulala Uzzah. Lendzawo ibitwa ngekutsi kusePerze Uzzah nanamuhla. ¹² Davide wamesaba Nkulunkulu ngalelolanga. Davide watsi, ''Ngingalibuyisa kanjani lelibhokisi lesivumelwano saNkulunkulu ekhaya kimi?'' ¹³ Ngakoke Davide akaliyisanga lelibhokisi lesivumelwano saSimakadze edolobheni lakhe, ngakoke waliyisa eceleni endlini ya-Obed-Edom umGithite. ¹⁴ Lelibhokisi lesivumelwano saNkulunkulu lahlala endlini ya-Obed-Edom tinyanga letintsatfu. Ngakoke Simakadze wabusisa indlu yakhe nakokonkhe bekanako.