1 Eli ndijwi lwo Mwami lyakaza kuli Joel mwana mwalumi wa Pethuel. 2 Amuvwe eci, nobapati, ape muswilizye, nonse nomukala munyika eyi. Sena kuli nizyakacitika ezyi mumazuba enu na mumazuba abensiku? 3 Amwambile bana benu eci, ape bana benu baambile bana babo, ape bana babo baambile lunyungu lucilila. 4 Ino mpaso zyuluka zyakainka, impaso zyipati zyalya; ino mpaso zyipati zyainka, impaso zyalya; ape ezyo mpaso ncizyasiya, zyungu zyalya. 5 Amubuke, nobacakolwa, ape amulile! kulila, nonse nobacakolwa bewani, kambo wani ilwela wakasigwa. 6 Kambo cisi cakaza munyika yangu, zyinji zyitabalwi. Meno akwe ali mbuli meno omulavwu, ape ulijesi meno ali mbuli mulavwu mwanakazi. 7 Wakanyonyona munda wangu wobusansa. Wakantyolola ntabi ozyifusa; intabi zyakatuba. 8 Amulile mbuli nakalindo uzyambalidwe muci saka akambo kolufu lo muyandwa. 9 Zipo zyeseke ezipo zyokunywa zyakatimbulwa kulinywe kuzwa mu na'nda wo Mwami. Mupaizi, muzike wo Mwami, amulile. 10 Myunda yakanyongana; inyika ilalila akambo kembuto zyakanyonyonywa. Wani ntya wakayumisigwa; mafuta alatika. 11 Amulisende, nobalimi, anywibo, nobalimi be wani, kambo kenyaute emisansa. Kambo butebuzi bwemyunda bwanyonyonywa. 12 Iwani wakakuba ape omusamu wemisansa wakayuma; misamu wemicelo, ape omusamu wamalala, omusamu wemicelo-yonse misamu yomumunda wakayuma. Kambo kukondwa takuciwo kuzwa ku bantu. 13 Amuzywatike masaka mponya mulile, nywe nobapaizi! amopolole, webo nobabelesi bokucipalilo. Kamuza, amulale mumasaka masiku onse, nobazike ba Leza. Kuzipo kyembuto ezipo zyokunywa zyakajatwa kuzwa kuna'nda ya Leza wenu. 14 Amupange zuba lyokulimywa kulya, ape mwite mbunga kuti ibungano. Amubunganye bapati bonse bakala munyika omo kuna'nda wo Mwami Leza wenu, mponya mulile ku Mwami. 15 Zintu zibi zilikucitika mubuzuba! kambo buzuba bwo Mwami bulafwifwi. Mulimbubo kuyoza manyongwe kuzwa ku Mwami. 16 Nikwatalinsi kuti zilyo zesu zyakamana mumenso esu, ape okukondwa muna'nda ya Leza? 17 Imbuto zibolela mumuse, mututombo takwe cilimo. ape ezi bikilo zyakawaulwa, kambo mbuto takwe. 18 Muzinununa no'mbe! milaka yazyo elendenda mukusweka akambo koku wandola bwizu bokulya. Olo mpongo embelele zilikupenga. 19 Mwami, Ndalilila kuli yebo. Kambo mulilo watenta saka lyo munkanda, ape omulilo watenta misamu yonse yomumyunda. 20 Ape eno'mbe zyomumunda zililila yebo, kambo tulonga twayuma, ape mulilo watenta saka lyomunkanda.