¹ Cakaba kuti nizyakamana ezi zintu, sikuyamina komoki ya mwami oku Ijipiti o sikujikila mwami bakabisizya simalela abo, mwami oku Ijipiti. ² Falawo wkanyemena balemekwa bakwe bobile mupati wabasikunyamuna komoki zyabami o mupati wabasikujika. ³ Wakababika mucitokisi muganda yabapati pati babasikugadela, muntolongo yomwi kwangilidwe Josefa. ⁴ Mupati waba sikugadela wakabapa kuli Josefa, mponyina wakabedelezya bakakala mucitokisi kenoko. ⁵ Beense bakalota ciloto-sikunyamuna komoki o sikujikila mwami o ku Ijipiti babikidwe muntolongo-ngwaya mwalumi wali aciloto cakwe masiku aswana, mponyina ciloto aciloto cali obupanduluzi bwaco. ⁶ Josefa wakaza nibwakaca kuzobabona, langa, balinyemide. ⁷ Wakubuzya balemekwa ba Falawo balianguwe mucitokisi munganda ya simalela akwe, kwamba,''Ino ninzi muboneka kunyema sunu?'' ⁸ Wakati kulinguwe,'' twense twalota ciloto mponyina takwe unga wacipandulula.'' Josefa wakati,''bupanduluzi tabwisi bwa leza na? mundambilile ndakombelela.'' ⁹ Mupati waba sikunyamuna nkomoki wamba ciloto cakwe kuli Josefa. Wakati kulinguwe,'' muciloto cangu, langa, musansa wali kunembo lyangu. ¹⁰ Musansa kwali ntabi zyotatwe. Nizyavungana, malubaluba akazwa mponyina makoto emisansa akabizwa mponyina awo. ¹¹ Komuki ya Falawo yali mumanza angu, ndakabweza misansa okwisinina munkomoki ya Falawo, mponyina ndakabika komoki mujanza lya Falawo. ¹² Josefa wakati kulinguwe,'' mbabupanduluzi bwaco. Itabi zyotatwe mazuba otaywe. ¹³ Mumazuba otatwe Falawo uyonyamuna mutwe wako okukupilusya a mulimo wako, uyobika komoki ya Falawo mujanza lyakwe, mbonya niwali sikunyamuna komoki yakwe. ¹⁴ Kono ukandiyeye kabotu iyibo, ndakomba utondezye luse kulimebo. Ukandindome kuli Falawo okundigwisya muno muntolongo. ¹⁵ Kambo ndakasiswa kuzwa kucibaka caba Hebulayo. Kuno ape takwe cindacita kuti bandibike muno mucigodi.'' ¹⁶ Awo mupati wabasikujika wakabona kuti bupanduluzi bwali bubotu, wakambila Josefa,'' Amibo ndajesi ciloto mponyina, langa, zizuma zyotatwe zyezikwa zyali amutwe wangu. ¹⁷ Mucizuma cali atala kwali yense mushobo yezintu zyajikidwe zya Falawo, kono bayuni bakazilya-kuzwa mucizuma catala omutwe wangu.'' ¹⁸ Josefa wakataba okuti,'' obu mbobupanduluzi. Zizuma zyotatwe mazuba otatwe. ¹⁹ Mumazuba otatwe Falawo uyonyamuna mutwe wako kuzwa kuliyebo okukwangilila acisamu bayuni bayolya mubili wako.'' ²⁰ Kwakaba kuti mubuzuba bwatatu bwali buzuba bokuzyalwa kwa Falawo. Wakapanga pobwe lya babelesi bense. Wakanyamuna mutwe mu bapati pati wabasikunyamuna komoki omupati pati waba sikujika, akati kababelesi bakwe. ²¹ Wakapilusya mupati pati wabasikunyamuna komoki kumilimo yakwe, mponyina wakabika komoki mujaza lya Falawo ape. ²² Pele wakangilila mupati pati wabasikujika, mbuli Josefa mbwaka pandulula kuli mbabo. ²³ Kono mupati pati waba sikunyamuna komoki takwe nakamuyeya Josefa, pele wakamuluba.