¹ Josefa wkatolwa ku Ijipiti. Potifala, ulemekwa wa Falawo, wali mupati pati waba sikungandels omuna Ijipiti, bakamula kuzwa kuli bana Ishimayeli, kubamutolide ako. ² Mwami wali o Josefa mponyina wakaba mwalumi uzwidilide. Wali kukala munganda yasimalelo akwe mu- ijipiti. ³ Simalelo akwe wakabona kuti mwami uli anguwe ape kuti mwami wakazwidilizya zyense zyali kucita. ⁴ Josefa wakajana colwe kuli nguwe. Wakabelekela Potifala. Potifala wakamubika kuti abe mupati munganda yakwe, a zintu zyense zyajesi, wakazibika mumanza akwe. ⁵ Cakacitika kuti kucindi nakamubika kuti abe mupati wenda yakwe, okulubino lwense ndwajesi, kuti mwami wakaleleka ganda muna Ijipita kambo ka Josefa. Maleleko ya mwami ali azintu zyense zyajesi Potifala munganda omu munda. ⁶ Potifara wakabika zyense zyajesi mumanza a Josefa. Takwe cimwi calili kuyeya ati cilyo cali kulya. Ino Josefa walimubotu okwebeka. ⁷ Cakacitika kuti mwanakazi wa simalele wakavundula menso kuli Josefa okwamba kuti,'' lala amibo.'' ⁸ Pele wakakaka okwamba kuti mumwanakazi wasimalelo akwe,'' langa, simalelo wangu tabikili mano kuli zyecita zyense munganda, ape wakabika zyense zyajesi mumanza angu. ⁹ Takwe umwi mupati muno munganda winda mebo. Takwe candisisila pele yebo, kambo ulimwanakazi akwe. Ino ninga ndacita buti cibi xipati okubisizya mwami leza?'' ¹⁰ Walikwambola kuli Josefa buzuba obuzuba, kono wakakaka kulala anguwe na kuba anguwe. ¹¹ cakacitika kuti buzuba bumwi na kainka munganda kobeleka milimo yakwe. Takwe balumi baganda baliwo anganda. ¹² Wakamujata azizwato zyakwe okwamba,'' lala amibo,'' wakasiya zizwato zyakwe mumanza akwe, kucija, okwinka anze. ¹³ Kwakaba kuti, nakabona kuti wasiya zizwato zyakwe mumanza akwe okucijila anze, ¹⁴ Wakaita balumi baganda yakwe okubambila,'' amulange, Potifara waketa muna Hebulayo kuzotufubazika. Waza kulimebo kuzolala amibo, mponyina ndaongolola. ¹⁵ Kwakaba kuti nakavwa ndakwila, wakasiya zizwato zyakwe mumanza angu, wakacija, okwinka anze.'' ¹⁶ Wakabika zizwato zya Josefa ambali ezyakwe kusikila nakapiluka simalelo akwe munganda. ¹⁷ Wakamwambila obu bupanduluzi,'' muzike waba Hebulayo nguwaketa kuliswebo, wakaza kundizondifubazika. ¹⁸ Kwakaba kuti nindakaongolola, wakasiya zizwato zyakwe mumanza angu okucijila anze.'' ¹⁹ Kwakaba kuti, simalelo wakwe nakamvwa bupanduluzi mbwakamupandulwida mwanakazi akwe,'' enzi zyacita muzike wako kulimebo,'' wakanyema loko. ²⁰ Simalelo wa Josefa wakamutola okumubika muntolongo, mucibaka munbabikidwe baange ba mwami. Wakakala muntolongo. ²¹ Pele mwami wali o Josefa oku mutondezya cizuminano cobushomezi kuli nguwe. Wakamupa colwe mumenso asikulanganya bange. ²² Sikulanganya bange wakabika bange bense mumanza a Josefa. Kufumbwa zibali kucita kuya Josefa nguwali kwendelezya. ²³ Mupati wabange takwe nalikubilaila kuli zyense zyali mumanza akwe kambo mwami wali anguwe. kufumbwa zyakacita, mwami wali kuzizwidilizya.