¹ Kumatalikilo, Leza wakalenga ijulu e nyika. ² Inyika taakwe niyajesi ciimo cobubambe ape takwe cali mulinjiyo. Mudima wali atala amanzi. Muuya wa Leza wali kweendeda atala lya maanzi. Muuya wa leza wali kwendenda atala lya maanzi. ³ Leza wakati,'' Akube mumuni,'' mponya kwakaba mumuni. ⁴ Leza wakabona mumuni kuti wali mubotu. Wakaanzanya mumuni kuzwa kumudima. ⁵ Leza wakaita mumuni kuti buzuba,'' mponya kusiya wakakwita kuti masiku,' oku kwali kujolezya okuseni buzuba bokusanguna. ⁶ Leza wakateti,' Akube mwenya akati kati kamanzi, okuti wanzanye manzi kuzwa kumanzi nyina.' ⁷ Leza wakapanga mwenya okwanzanya manzi ayo ali munsi okwanzanya kuzwa kumanzi ayo ali atala lyawo. Icakaba namu. ⁸ Leza wakaita mwenya julu.' Okukwali kujplezya oku seni buzuba bwabili. ⁹ Leza wakateti,' Akube manzi munsi ejulu abungane antomwi kubusena bomwi okuti nyika njumu iboneke.' mbucakaba. ¹⁰ Leza wakaita insi njumu'nyika,''mponya manzi a bungene wakaita kuti,lwizi.' Wakacibona kuti ncibotu. ¹¹ Leza wakateti,'' inyika ayisyusye saka: zizyala nseke e musamu izyala zizyalo zijesi nseke muci zyalo, kwindila kuli cimwi ecimwi mbucibede.' mbucakaba. ¹² Inyika yakamena saka zizyalo nseke eimwi mbuli mboibede emisamu izyala zizyalo zili enseke zili mukati, kuzwa kubube bwazyo. Leza wakabona kuti cali cibotu. ¹³ Oku kwali kujolezya oku seni, izuba lyatatu. ¹⁴ Leza wakati,'Akube mumuni mujulu yanzaye sikati kuzwa ku masiku akuti zibe zitondezyo zye zindi zyamazuba emyaka. ¹⁵ Akube mimuni mujulu ape mumuni anyika,' Mbucakaba. ¹⁶ Leza wakaanza mimuni mipati yobile, mumuni mupati isindilizya yendelezya sikati, o mumuni muce wendelezya masiku. Wakaanza e nyenyezi. ¹⁷ Leza wakazibika mujulu kupa mumuni kunyika, ¹⁸ okwendelezya sikati a masiku, okwaanzanya mumuni kuzwa kumudima. Leza wakabona kuti ncibotu. ¹⁹ Eci cali cokujolezya oku seeni, buzuba bwane. ²⁰ Leza'wakati,'' mumanzi amube ezintu zinji zipona abayuni bauluka atala enyika muluwo lwe julu.'' ²¹ Leza wakaanza banyama bapati bo mumanzi, mbonyina buyo mbuli cilenge cili ceense cipona kuzwa kubube bwaco, zilenge ezyo zyeenda zizwide mumaanzi kwense, ape kufumbwa ali amababa kuzwa kubube bwakwe. Leza wakabona kuti ncibotu. ²² Leza wakabaleleka, kati,''Amuzyalane okuvuzyana, okuzuzya maanzi mulwizi. Ambabo bayuni bavule munyika.'' ²³ Eci cali cokujolezya okuseni, buzuba bwasanu. ²⁴ Leza wakati,'' Amumo munyika akube zilenge zyumi ecimwi kwiindila mumushobo waco, banyama bavubwa, zintu zikokoba, banyama bapati bomu nyika kwindilila mumushobo wazyo. Mbucakaba. ²⁵ Leza wakalenga banyama bapati bomusaka zyeense kwindilila mumishobo yabo, banyama bavubwa kwindilila mumishobo yabo, ezyo zikokoba ansi kwindilila kumishobo yazyo. Wakabona kuti ncibotu. ²⁶ Leza wakati,'' Atulenge muntu muci kozya cesu, Abe mboonya mbuli mbutubede. Ababe obwami bokwendelezya nswi zyo mumanzi kubayuni bomujulu, kubanyama bavubide, enyika yeense, oku cintu cikokoba cili ceense eco cikokoba anyika.'' ²⁷ Leza wakalenga muntu mucikozyano cakwe. Mucikozya cakwe wakamulenga. Mwalumi o mwanakazi wakabalenga. ²⁸ Leza wakabaleleka kuti kuli mbabo,'' Amuzyalane, okuvuzyana. Muzuzye nyika, oku yendelezya.Amube obweendelezi bwenswi zyomu lwizi, bwabanyama bomujulu. Oku zintu zyeense zipona ezyo zyenda atala enyika.'' ²⁹ Leza wakati,'' Amubone, ndamupa musyobo yeense yezisyango zizyala nseke ezyo zili ztala lyenyika yeense, ape kufumbwa musamu ujesi mucelo oyo alye nseke muli nguwo ziyoba zilyo zyenu. ³⁰ Kumunyama uli weense wenyika, ku muyuni uli wense wo mujulu, okucintu cili ceense eco cikokoba atala enyika, oku cibumbwa eco cijisi buumi bokuyeka ndakapa cisyango ceense ce nyanzabili kuti cibe cikulya,'' Cakaba namu. ³¹ Leza wakabona zyeense nzyakapanga. Amubone cali kabotu loko. Kwali kujolezya okuseni, buzuba bo