¹ Meene mulome ana kumona eyi iyupisa kukola mu tupa no kutweba kwa Minya-upilo. ² Nakumiendisa ni kumitwala muuwi kasa muliseli. ³ Luli nakunilwisa alemine kunishatolela lokaa lyaye kwa mene kame ni kame, liywa lyoshe. ⁴ Nakukuluba ngama yange ni situmba sange; nakucola ifuba yange. ⁵ Nakuumbela liuba no kunilwisa, kama amibekile mukaci no kulula kwanyi nyoko ni kuinokungola. ⁶ Nakunitenda nji niyoye mwiibaka no uwi, kwanyi ano kufakale. ⁷ Nakunibeka mu lukwakwaa nji ni ndiswe kutunda mo liwenge ananungu nalyo nilya kulema ⁸ kame aba nikuwa ni kukumbela kutusiwa kame ukana kukumbela kwange. ⁹ Tindila tange naku tisendela ni mawe; na kubiula tindila tange. ¹⁰ Kama fekile bere itateteele kuniyowamana, nde oko kwa monwa. ¹¹ Nakuni kelusa mu tindila tange, na kunisiya mu umweya. ¹² Na obamisa uta waye ni kunitenda pakana no masho. ¹³ Masho no musipusu saye nakwakondela mu mbunda yange. ¹⁴ Sina kubiluka oyu ashekisa kwa aanu oshe, mene lusima lwawo liywa lyoshe. ¹⁵ Nakani lisa mwaati nakuni kuni ikutisa mutando no kulula. ¹⁶ Kame nakunicola maeo ni tuwe tunyonyo, nakunifuka mufuse. ¹⁷ Nakuyumena moyo wange kozo; sina kupulama nji okuketa ni sike. ¹⁸ Cwale kame naamba nji maata ange naabu ni sipo yange kwa Minya-upilo.'' ¹⁹ Upuluke omo sina kuyupela kukola ni ku nyandiswa niyi no kulula ni nyoko. ²⁰ Yenito pulukanga kame ni moyo wange kame ukoyoka. ²¹ Kono esenita kuyambuta mu mucima wange ese sitamkuni sepisa niisi: ²² Maneka nakwaabwa a Minya-upilo ni sishemo nakwabwa, ²³ Kama monahala ubya masiku oshe; ku sepahala kowe ni kunene. ²⁴ ''Minya-upilo ni uswa wange, '' mowaambela moyo wange, mulibaka elyo nita kukusea. ²⁵ Minya-upilo kama twite musa kwawo amusepa kwa moyo wa uyo amusaela. ²⁶ Nikwakuwaba nji munu a sepe nitutatela kuyoyisa kwa Minya-upilo yo ondokile. ²⁷ Nikwakuwaba nji munu abekiwa ku joko asili owanuke, ²⁸ mumulesele aikale yofoci yoondokile, nji mwana kulaelela Minya-upilo. ²⁹ Nangu abeke kanwa mu lukungu -mwendi sepo mbaimonahala. ³⁰ Nangu asikekele oyu amumbakula kulitama lyaye kame atwaela ku nyaziwa. ³¹ Kakuli mbumu kaata kutulesela kuta kutelela, ³² simba ayupisa kukola naibo usitufela tineke mu sishemo saye sinene. ³³ Kakuli mucima waye ka usingi kuyupisa aana anu kukola kamba kwaikata mu kuena. ³⁴ Eya kulyatingela ni makondo mapantiti oshe mu litunga, ³⁵ niya kuyumena munu titukelo taye balubala lwa muambakani-no-beulu, ³⁶ niya kuatu sambo sa munu ni silibonda-eyo, mbumu kaisingi! ³⁷ Nanyine so amba ni kutenda sambo, nji mbumu kasi laela? ³⁸ Ka mukanwa ka Mwambakani no beulu kutunda iwa ni iyi? ³⁹ Munu usiyoya nisike sa bilaele? Sikene munu aba abilada ba ibi yaye? ⁴⁰ Tukutatube mwendelo yetu twisinganyeke ni kuukela kwa Minya-upilo. ⁴¹ Twinule micima yetu ni makaa etu kwa mulimu mu liwihi: '' ⁴² Natuku tenda sibi no kukumusa, kono kawasitulemena. ⁴³ Kame unokufuka ni kutweba bilu utushenja, nukutuibaa kakwisa kuyupela kukola. ⁴⁴ Nukufuka wefoci ni likumbi nji kukumbela kwetu kulese kubita kwawenen. ⁴⁵ Nukutu tenda kwanyi manyalala mukacino aanu. ⁴⁶ Lla yetu yoshe kame isinga kulwa netu, ⁴⁷ kunjanja ni mukoti netuwana, bamweya ni kushandola ni kusinyehelwa. ⁴⁸ Miyo ange kama shuhila maeti no miyoti libakano kusinyeha kwa aanu. ⁴⁹ Miyo ange alemine kwisheka miyoti kame kaibu, ⁵⁰ konji Minya-upilo kutunda muliwila abasa aale ni kumona. ⁵¹ Miyo ange kame liyupis mucima wange libakano aana oshe no akati a mundi wange. ⁵² Kame sina kuzumiwa kayunyi kwaila yange; nakuni zuma kwaasa libaka. ⁵³ Nakupatula upilo wange mu mukoti, nakukondela liwe beulu yange, ⁵⁴ meyi seli anipukela ni mutwi. Bilu naamba nji, 'Sina kupatulwa!' ⁵⁵ Sina kwisana balitina lyowe, Minya-upilo, kutunda mu mukoti no kutunga. ⁵⁶ Nukuyupa liywi lyonge aba sina kwaamba nji, ' ulese kusindela kutwi yowe kwa kulila kwange ku saela tuso. ⁵⁷ 'Nikwiya bebi ni mene lilywa sino kwiisan; nikwamba nji, ' Ulese kucila.' ⁵⁸ Mbumu, ni kwiimela muzeko no moyo wange, nukuliulula upilo wange! ⁵⁹ Minya-upilo, nu mono omoninyandela, uni atulele sambo sange mu niti. ⁶⁰ Nukumona lutimbo loshe lwaonyene, no kulwanange. ⁶¹ Nuyupu tinyefulo tosho tawo ni mifumbo yoshe Minya-upilo, kwa mene. ⁶² Nitunwa twawo anikubunela ni mifumbo yooo no kulwa nage liywa lyoshe. ⁶³ Wa likete omwaikalela no mwa imanena; mene lusimo loo. ⁶⁴ Wene Minya-upilo wausete mupuzo ukumanine ni musebezi no makaa awo. ⁶⁵ Waabe micima no kuongola! ⁶⁶ Wacite ni kutweba wa manise mushi no liwilu, lya Minya-upilo!''