¹ Jobo bilu atambula nji, ² ''Nibalelo kubilaela kwange kame kulemine kulwa, e likaa likalile beulu yange kame lifipelisa o kutonga kwange.'' ³ Mawe, konilimuka oko nita kumuwana, omo nita kubitela balubala no lubona lwae! ⁴ Koni nungahanya eyaamba yange balubala lwae, kanwa kange kaiyale a mabaka. ⁵ Abo kame nita kulimuka eyaambo yae eyino kuni tambula, ni yupe esata ku niambela. ⁶ Kakuli kama ata kuni zekisa ni maata ae oshe, kokuulwa! Kono kama ata kuteteta eyange. ⁷ Ababo oyuno niti kama ata ku pumenenwa ku zeka nae, ni lukululwe kwa muatuli wange, kuta-kutelela. ⁸ Mumone! Simba nita kwa upa, kasako; nite ku wilo kanimuwana. ⁹ Yonyene simba ata oka sebeza kwa mutulo kanita ku mumona ko; simba apateha ku mboela sitaa kumuwana! ¹⁰ Simbangeso kame ulimukile miendelo yange, simba ani liko, kame nita kutunda nikalile oyuno kukena kwanyi gauda. ¹¹ Elikondo lyange na li kulyata mu mwanda wae, sina kweenda mundila yae kame kamasitundamo. ¹² Kamasiitukulula milao ina kutunda mu kanwa kae, kame ni tokumele e yaambo itunda mu kanwa kae kubita eilya ni yoya. ¹³ Kono yonyene kama puluke e saambo simweya feela! Anyine so musikulula? esi sisingiwa ku mucima wae ni sonyene ata ku tenda. ¹⁴ Esa yambuta kwameene, kama ata kunitenda sonyene, kame eyaambo no ngeeso niya kupula kwayonyene. ¹⁵ Nisonyene sini ngangamisa balubala lwae, aba ni mupuluka kame ni mucima oyi. ¹⁶ Kakuli Mulimu na kunicola o mucima, oyuno-maata-oshe kama ana kunizieza. ¹⁷ Nisonyene sini yupisa o kulema; kasa lififi, kamba kwilola kwiiya ba miyo ange.