¹ Kwiindi hye mazuba obile kakwiindi mulalilo ne popwe lye cinkwa citafutidi. Bapaizi munene ha balembi bakali kuyanda kwaanga Jesu kuti bamujayi. ² Bakali kwaamba ukuti, ''Kutali ciindi ce popwe, kuti kutakabuki coongo kubantu.'' ³ Jesu wakali ku Bethany mun'anda ya saimoni sicinsenda, mbuli mbwakali kupumuna atebulu, kwasika mukaintu wakwete mafuta mucibikilo anunkila omuuno muneene, mafuta akali ecenice. Wakajaya cibikilo watila mafuta amutwi wace. ⁴ Bamwi bakakalala. Bakalya mbozta baamba ukuti, ''Wanyonyoonena cci? ⁵ Iyi nsende niyauzigwa niyajana maliku myanda yotatwe ya masheleni, nokupa batakwete.'' Bakamukalalila mukaintu. ⁶ Walo Jesu wakamba, ''Amumulece wenci. Mumupezyezya cci buya? wacita cintu cibotu kuli ndime. ⁷ Batakwete munakuti amwi lyonsele. Na ka muyanda inga mwabacitila zyintu zibotu na nwebo. Pele me sinti mbe nanwe bo lyonsele. ⁸ Wacita ncalozya walo. Wananika mubili okwangu mukuzikwa. ⁹ Ceniceni ndamwambila, mulumbe wakukaambokwa munyika yonsele, uyu mukaintu ncacita ciya kwaambwa, mukuyibaluka nguyo.'' ¹⁰ Lino Juda sikaliyoti uwa baabo bali kkumi na babili, wakaunka kuba paizi banene kuti amwaabi kuli mbabo. ¹¹ Bapaizi banene nibakavwa, bakabotelwa nokushomezya amali. Wakatalika kukapoola inzila yokuti amwabi kuli mbabo ¹² Mubuzuba butaanzi bwecinkwa citafutidi, nibakapo umuyasilo ya mbelele, basiciya wace wakamba kuli nguyo, ''Nkuli nkuyanda ukuti tukabambili nkuko, kuti tkalidi nkuko?'' ¹³ Wakatuma basiciya bace bobile nokwamba, ''Kamuya mucisi, mulabona mulombwana uyumwidi intesho ya meenzi ulamuswanganya. Mumucilili. ¹⁴ Nkwati anyi kun'nda, mumucilili mwaambi kuli namweni n'anda, 'Kuti mwiyi waamba ukuti, ''Nkuli nkuti tukalidi kun'anda yabeenzu na basiciya bonkwengu?'' ¹⁵ Uya kumutondezya n'anda neenene ya mujulu ibambidwa. Mubambi mumona umo.'' ¹⁶ Basiciya bakaunka mucisi. Bakajana mbubona mbwakaamba kulimbabo, naliwmi bakabamba mulalilo. ¹⁷ Nakaba mangolezya, wakaza bali kkumi na babili. ¹⁸ Lino nibakasika atebulu kuti bakkali kulya, Jesu wakamba ukuti, ''Ndasinyinya ndamba ukuti, umwi wanyu awa ngutulya waza kungaba.'' ¹⁹ Bakaunsa bonsele. omwi omwi bakaamba kuli nguyo, hyena sili ndime?'' ²⁰ Jesu wakavwiila waamba kulimbabo, ''Wabamwi bali kkumi na babili, uyo nguwecha uti bwenje ndabwenga hye ati nguyo. ²¹ Imwana omuntu ulaunka mbubona hye mbucakalembwa kuli nguyo. Pele maawe kuli yoyo muntu uti amwabi! nicakabota kuli nguyo natakazyalwa hye.'' ²² Mbuli mbubakali ukulya, Jesu wakabweza cinkwa, wacileleka, nokucikomoona. Wabapa waamba ukuti, ''Bweza icci. Uyu ngumubili okwaangu.'' ²³ Wakabweza nkapu, wapakulumba,wabapa, bonsele bakanwa kuzwa kuli nciyo. ²⁴ Wakaamba kulimbabo, ''Ubu mbubulowa bomulongo, bulowa bululamete bwaba njinji. ²⁵ Cokusinyinya ndamba kuli ndinwe, lino nsikamwi nalimwi uyu mucelo wamumuunda mpaka ubo buzuba nindiya ukunwa bupya mubulelo bwa Leza.'' ²⁶ Lino awo bakaimba nolwiimbo, bakaunka kumulundu wa Olivisi. ²⁷ Jesu wakaamba kulimbabo, ''Nyonsele muya kutiga nokuunka , nkaambo cakalembwa ukuti, 'Njakuuma mwembezi ne mbelele zyiya kumwaika.' ²⁸ Pele ndakubusigwa, njakuunka kumbele lya ngu mu Galilaya.'' ²⁹ Petulo waamba kuli nguyo, ''Nikuba kuti bamwi batinga, me ndakashaala.'' ³⁰ Jesu waamba kuli nguyo, ''Ceniceni ndakwaambila, sunu-lyeni, aya masiku-ngoona mukombwe katoma lila kobile una kutamidi kale ziindi zyotatwe.'' ³¹ Pele Petulo waamba, ''Ime ndafwa hye noobo, shikutami pe.'' Bonsele bakaamba kaambu kokushomezya. ³² Bakaza kubusena bwiitwa ukuti Gethsemane, Jesu wakamba kuli basiciya bace, amukkali waano me ukakombi.'' ³³ Wabweza Petulo, Jemusi, na Johani moyo okwace wakausa nokupenga. ³⁴ Waamba kuli mb abo, ''Moyo okwangu wausa buusu buneene, wanjeezya hye ukufwa. Amushaali ano nokulindila.'' ³⁵ Weenda hye afwifwi, Jesu wakawa ansi nokukomba ikuti nicali kukozyeka ici ciindi nicanyinda. ³⁶ Waamba kuti Abba, Taata, zyonsele ko kwako zilacitika. Inkupu iyi ikusha kuli ndime. Kutabi kuyanda ko kwangu, pele kokwako.'' ³⁷ Wakazyoka wabajana baliladdi, waamba kwa Petulo, ''Saimoni hye oona? tokozhyi kulanga oola lyomwi hyee? ³⁸ Kolanga nokukomba ukuti mutanjili mumasukusho. Walo moza wasinyinya, pele mubili walo wakaka.'' ³⁹ Nalimwi wakaunka kukomba, mazwi ngona ngakasebezya, ⁴⁰ Nakazyoka nalimwi, wakabajana balona, meso abu akalema. Taku ncibaka kwete cookwamba kuli nguyo. ⁴¹ Wakaza twatatu waamba kulimbabo, ''Hyena nalimwi mucoona nokulyokezya? ciindi casika! kolanga mwana omuntu uyanda kwaabwa mumatashi aba sizinyonyoono. ⁴² Ima; Atweende.Langa, uyu uyanda kungaba uli afwifwi.'' ⁴³ Nakacili ukwamboola, Judasi, wababo bali kkumi na babili, wakasika, ne nkamu yabantu na maceba ne minsaku, kuzila ku bapaizi menene, na balembi, na banene bemilawo. ⁴⁴ Lino uyo sikwaabo wakabapa citondezyo, waamba, ''Ngunti shonte hye nguyo. Bakamukwata bamulonda. ⁴⁵ Asici hye Judasi, wafwambana waamba kuli Jesu, ''Mwiyi,'' ngoona wamushonta. ⁴⁶ Ndiyona bakamukwata. ⁴⁷ Lino umwi wakaivwi ambali wakabweza ceba no kuuma mutwaanga womupaizi munene wamukosola kutwi. ⁴⁸ Jesu wakamba kuli mbabo, ''Hena mwaze inga ndimubbesi. Na maceba ne minsaku kuti mu nkwati me? ⁴⁹ Onsele mazuba ndakali na nwebo nokuisha mutempele, taku ndimwaka nganga. Pele aya acitwa ukuti malembo alulili.'' ⁵⁰ Abo bonsele mbubali amwi Jesu bakamusiya batiya. ⁵¹ Umwi mukubusi wakasamidi icisani che myengwe ico cakazambeelwa kuzinguluka nguyo, wakancilila Jesu. Balombwana niba kamukwata. ⁵² Wakacisiya cisani cokwace watiga hye cintanda. ⁵³ Bakamusololo Jesu kumupaizi munene. Uko kwakabunyani bonsele bapaizi nkume nkume na banene, nalimwi na balembi. ⁵⁴ Nalo Petulo wakali kuciilila lwalaale. Cokuti wakali hye lwalale inga mucimpetela comupaizi munene. Wakakkala ali bamalonda, bakali afwifwi womulilo bakali kuyota. ⁵⁵ Lino bapaizi banene na ba Juda bakali kukapoola imilandu iyokumubikka Jesu ukuti ba mujayi. Pele taku nibaka mujanina. ⁵⁶ Bakamu lambeeka twambu tobubesi, pele uto twambu taku nitwakazuminana. ⁵⁷ Bamwi bakaimuka nokwaamba utwambu utobubesi alinguyo; Baamba ukuti, ⁵⁸ ''Twakamuvwa kaamba uti, ''Njakwiyaka iyi tempele yakayakwa na matashi, pele mumazuba hye otatwe njakuyaka imbi itali yamatashi.'' ⁵⁹ Nikuba boobo twambu twabu taku nitwakaloma. ⁶⁰ Mupaizi munene wakaima alimbabo wamubuzya Jesu, ''Hyena toovwili? sa aya ngubaamba aba balombwana ulyazukwidi?'' ⁶¹ Wakalyamwidi taku ncakavwiila. Nalimwi mupaizi munene wabuzya waamba ukuti, ''Hyena ndiwe Kilisitu, mwana ulelekedwa weci?'' ⁶² Jesu wakaamb, ''Yee ndime nalimwi muya kubona mwana omuntu mbwayokukkala kulilyo lwetashi nenguzu nati akaze mumakumbi akujulu.'' ⁶³ Mupaizi munene wakazapoola zisani zyace nokwaamba ukuti, ''Hyena tuciyanda bakamboni? ⁶⁴ Mwakuvwa kusampoola. Mutaleeka cci?''Bonsele bakamuyazya hye lufu. ⁶⁵ Bamwi bakatalika kusipa ali nguyo nokusinka bushu bwace nokuuma mbayi nokwa ukuti kulinguyo, ''Konsisima!'' Basilikani baka mwimuna nokutalika kuuma. ⁶⁶ Lino Petulo ansi mucipetu, umwi muzike wabashimbi bo mupaizi munene wakaza kulinguyo. ⁶⁷ Wakabona Petulo uyota mulilo, wakamutongomwe na afwifwi waamba kulinguyo, ''Mwakali antoomwi na Jesu wa Nazaleta.'' ⁶⁸ Wakaka, waamba, ''Taku indazukula nokuvwa ncuwamba.'' Lino wakaunka amulyangu. Lino mukobwe wakalila. ⁶⁹ Nalimwi mushimbi wakamubna wakali kwambila bakalivwi awo, ''uyu mulombwana nguwabaabo!'' ⁷⁰ Wakaka naliwmi. Kwiindi kaindi kashoonto abo bakaliivwi bakaamba kuli Petulo, ''Ceniceni ndiwe wabaabo, kayi nobo uli waku Galilaya.'' ⁷¹ Wakatalika kulibika kulisinganya nokulumbila, ''Shimuzukwidi uyo mulombwana ngumu waamba.'' Mukombwe cokufwambana wakalila ciindi cabili. Lino Petulo wayeeya mazwi ayo Jesu ngakaamba kuli nguyo: ⁷² ''Mukombwe natanalila kobile, una kuuntamidi kale kotatwe,'' wakacooka ansi wabiiza.