¹ Jeso nakabona mabungamabunga abantu, hwakatanta amulundu. ² Nakakkala anhyi, bahiciiya bakwe bakaboola kuli nguwe. ³ Wakabbamuna mulomo wakwe akubayihya, wakati, ⁴ ''Balelekwa abo bacete muya, nkaambo bwami bwakujulu mbubwabo. Balelekwa abo iboomoka, nkambo bayakumuhyiwa. ⁵ Balelekwa abo babombe, nkaambo baya kwiikona nyika. ⁶ Balelekwa abo bahwile nzala anyota nkambo kabululami, nkaambo baya kukkuta. ⁷ Balelekwa abo bali aluse, nkaambo baya kuyana luse. ⁸ Balelekwa abo basalala mu moyo, nkaambo baya kumubona mwami. ⁹ Balelekwa abo babamba luumuno, nkaambo baya kwiitwa kuti mbana ba leza. ¹⁰ Balelekwa abo ibapezhyewa nkambo kabululami, nkaambo bwami bwakujulu mbubwabo. ¹¹ ''Mwalelekwa mwebo bantu nobamutukana akumupenhya akumwaamba bubi bwakubeja nkaambo kandime. ¹² Amusekelele akukkomana, nkambo bulumbu bwenu mbupati kujulu. nkaambo mbubona obuya bantu mbokabapezhya bahinhimi bakutaanguna kuli ndimwe. ¹³ ''Ndimwe mwino w nyika. Pele naa mwino waleka kulula, ino inga wabambwa buti kuti ube mwino alimwi? Taciboti limbi alimwi pele buyo kusowa pele buyo kusowa akulyataukwa amatende abantu. ¹⁴ Ndimwe mumuni wanyika. I dolopo liyakilwe atala amulundu talikonhyi kuhyiswa ¹⁵ Nokuba kuti banyu bamunika ilambe akulibikka kunhyi a cinzuma. pele bala libikkila acibikkilo lyandilyo, akumunikila boonse mun'ganda. ¹⁶ mumuni wenu kaumunika kubantu muzhyila imwi kutewa babone milimo yenu mibotu balumbaizhye uso uli kuzeulu. ¹⁷ ''Mutayeeyi kuti ndaboola kujaya mulawo nobaba ba hinhyimi. Hindaboolela kubayaya pele kubazuzukizhya. ¹⁸ Mahimpe ndamwaambila ccita ijulu anyika zhyikamane, kunyina kabbala kahyoonto nokaba kabbala kainda kuceya ku hyoonto katikagwihyiwe kumulaw, kuhyikila zhyoonse hyintu zhyikacitike. ¹⁹ Aboobo oyo utyola kalawo kahyoonto ka mulawo akuyiiha bamwi kucita mbubo uyakwiitwa kuti muhyoonto mubwami bwa kujulu. Pele oyo uyibamba akwiiyihya uyakuba mukando mubwami bwakujulu. ²⁰ Nkaambo ndamwambila kuti cita bululami bwenu bukainde kubululami bwa balembi aba ma falisi, tamukanjili mubwami bwakujulu. ²¹ Mwakanhwa obo mbobakambilwa mumazhuba akaindi kuti, 'Utajayi' alimwi 'Oyo ujaya ulelele kubetekwa.' ²² Pele ndamwambila kuti uyo unyemene munyina ulelele kubetekwa; alimwi wamba kumunyina, 'Onyina cohwa!' ulelele kunjila mulubeta lukando; alimwi ayooyo uwamba kuti, 'Unyina maanu!' ulelele kunjila mulilo wa gehena. ²³ Aboobo kuti naa upa cipego cako acipaililo pesi naa wayeeya munyoko wakakulubizhyile, ²⁴ kohyiya cipego cako kumbele acipaililo, unke munhila yako. Amukaktangune kulekelelana amunyoko, alimwi upiluke kuuzhyopa cipego cako. ²⁵ Kohwambaana kuhwumina ahyimulandu nyoko nomucili munhyila kuya kunkuta, ibuyo hyikaambo nyoko inga wakutola kubabetehyi, awalo mubetehyi uyakukutola kuli hyimulawo, aboobo uya kutolwa muntolongo. ²⁶ Mahimpe ndamwambila kuti kunyina notikahwe mulya kuhikila ukabbadele mali oonse ngokwete. ²⁷ ''Mwakanhwa mbokwakaambwa, 'Utalaliki.' ²⁸ Pele ndamwaambila kuti kuhwumbwa yooyo ulanga mukaintu icakumunyonokela nkokuti walalika kale anguwe mumoyo wakwe. ²⁹ Kuti na iso lyako lya ku lulyo lyakulebya, likuhye akulisowa kuhwa kuli nduwe. Nkaambo ncibotu kuti umwi wako wanyonyooka kwiinda kuti mubili wako woonse ukasowelwe mu gehena. ³⁰ Ikuti naa tahyi lyako lyakululyo lyakulebya, kkuli gonka akuli sowa kuhwa kuli nduwe. Nkaambo ncibotu kuli ndiwe kuti umwi wako wanyonyooka kwiinda kuti mubili wako oonse kuyakusowelwa mu gehena. ³¹ Alimwi kwakaambwa kuti, 'Kuhwumbwa yoyo utanda mukaintu wakwe, amupe citupa cakulekana.' ³² Pele mebo ndamwaambila kuti kuhwumbwa yooyo waleka mukaintu wakwe, cita buyo mukaambo kankwela, nkokuti wmucitizya mamambe. kuhwumbwa yooyo utikamukwate kakuli ulilekelwe kale nkokuti wacita mamambe. ³³ ''Alimwi, mwakanhwa mbocakaambwa kuli ba hikale kuti, ''Utahyomezhyi cihyomezhyo cakubeya, tula zhyihyomezhyo zhyako ku mwami. ³⁴ Pele ndamwambila, utahyomezhyi pe, nokuba kwizeulu nkaambo ngamakkalilo a Leza; ³⁵ nokuba munyika, nkaambo ncecibikkilo ca maulu akwe; nokuba ku Jerusalema, nkaambo ngomunhyi mupati wa mwami mu pati. ³⁶ Nokuba amutwe wako, nkaambo tokohyi kubamba kasusu komwe kuti katube naa kahiye. ³⁷ Pele kwaamba kwako akube 'Inhya, inhya,' nokuba 'Peepe, peepe.'kuhwumbwa ciindilila waawa cinhwila ku mubyaabi. ³⁸ ''Mwakanhwa kuti cakaambwa kuti, 'Liso kuliso, alimwi a Lino ku lino.' ³⁹ Pele ndamwaambila, muntu mubi mutamukanhyi. Pele oyo ukuuma kusaya lyakululyo, kocenguluka akume akumwi akwalo. ⁴⁰ Ikuti naa muntu uyanda kukupa mulandu akukunyanga cikobela cako, mulekele cibaki cako acalo acitole. ⁴¹ Oyo ukusungilinhya kweenda muhyinzho wa maile yomwe, weenda anguwe ba maile bobile. ⁴² Kuhwumbwa yooyo ukulomba komupa, alimwi alimwi utabakahyi abo bayanda kukweleta kuli ndiwe. ⁴³ ''Wakanhwa mbokwakaambwa kuti, ' koyanda hyimukobo nyoko pele hyinkondo nyoko umusule.' ⁴⁴ Pele ndamwaambila , amuyande bahyinkondo nyoko akupailila baabo bamupenhya, ⁴⁵ kutewa kuti mukabe bana bauso wenu uli mwizeulu. Nkaambo ubamba zuba lyakwe kuti lipole kubabyaabi akubabotu, aakupa inhwula yakwe kubalulami. ⁴⁶ Nkaambo naa mwayanda baabo bamuyanda ,ino mbulumbu nhyi mbomwayana? Hena imbo aba himutelo mbobacita? ⁴⁷ Kuti naa mwanhya buyo bana bakwenu, hena kuli cimbi candeene ncomwacita? Hena abalo bamahyi tabuhyi mbobacita? ⁴⁸ Aboobo amusalale, mbubona mbuli uso wenu wakuzeulu mbwasalala.