¹ Mpoona Jesu wakasololelwa a Moza usalala kuya mu lukula ukutempaulwa kuli ndyaboli. ² Nakamana kuliimya kulya kwa mazuba aali makumi one alimwi amakumi one mahiku, wakahwa inzala. ³ Hikumusunka wakaboola akwaamba kuti kuli nguwe, "Naa uli Mwana a Leza, ambilila mabwe aya cibe cinkwa." ⁴ Pele Jesu wakaingula akwaamba kuti kuli nguwe, "Cililembelwe, 'muntu taponi a cinkwa calo, pele ulapona kuhwumbwa izwi lihwa mumulomo wa Leza."" ⁵ Aboobo satani waka mutola ku dolopo likando wamutanhyika alululi lulahwu lwa tempele moba pailila, ⁶ Akwaamba kuti kuli nguwe, ''Kuti koli uli mwanaa Leza, koli hwusa lwako anhyi, 'mbuli mbokulembelwe, ''uya kwaambila bangele bakwe kuti bakukwabilile,' 'Baya kukubwezha mmuma tahyi abo, kutewa uta kaumwi maulu ako amabwe.''' ⁷ Jesu wakati kuli nguwe, "Alimwi cililembelwe , 'Utasunki Mwami Leza wako." ⁸ Alimwi, satani wakamutola muzeulu ku cilundu cilahwu alimwi aku mutondezhya bwami bwaanyika a bulemu bwayo. ⁹ Wakaamba kuli nguwe, "Zhyoonse ezhyi zhyintu zhyoonse ndakupa, kuti wandihwu ngamina wamana wandilemeka." ¹⁰ Mpoona Jesu wakati kuli nguwe, "Kohwa ono, satani! Mbuli mbokulembelwe, 'Uya kumulemika Mwami Leza wako, alimwi umubelekele alike."' ¹¹ Mpoona dyabooli wakamuhiya, mpoona alya, bangele bakaboola ku mu hwuna. ¹² Ono Jesu nakatelela kuti Johwani waangwa, wakapiluka ku Galilee. ¹³ Wakahwa mu Nazaleta akunka kuya ku kkala ku Capernum, yalo iili mu mbali a lwizhyi lwa Galilee mu busena bwa Zebulun alimwi a Naphtali. ¹⁴ Eeci cakacitika kuzuzuzkizhya cihyomyo ca kaamba Isaiah munhinhimi, ¹⁵ "Munyika iya Zebulum alimwi amunyika iya Naphtali, kumbali ku lweenge, kwiindilila Jordan, Galilee iya ba Gentiles! ¹⁶ Bantu bakali kukkala mu munhize babona mumuni mukando, abalo baka kkele munyika iya cihwule ca luhwu, abalo mumuni uya kuba munikila." ¹⁷ Kuhwa ceeco ciindi Jesu wakatalika kukambauka akwaamba kuti, "Sanduka, nkaambo bwami bwa kuzeulu bwa ba afwaafwi. ¹⁸ Mbuli mbwakali kuya bwendeenda ku lweenge lwa Galilee, wakabona bana bakwabo bobile, Simoni wiitwa kuti Peter, alimwi a Andrew munyina kababika kanyandi mu lweenge, nkaambo bakali ba zhehyi ba inswi. ¹⁹ Jeso wakati kuli mbabo, '' Amuboole, amuncilile, ndakamubamba kuba ba zhenhi ba bantu.'' ²⁰ Mpoona kuhwambaana baka hiya tunyandi akumucilila. ²¹ Jesu nakali kweenda kuhwa kooko wakabona bambi babunyina bobile basankwa, James mwana a Zebedee a Johwani munyina. Bakali mubwato antomwe a Zebedee nhyi kababamba tunyandi twabo. Wakabaita, ²² alimwi cakufwambana bakabuhiya bwato aba unhyi bakacilila nguwe. ²³ Jeso wakaunka Galilee yoonse, kuyihya mu hyikombelo, kukambauka mulumbe wabulelo akuponya mulwahyi aandeene akati kabantu. ²⁴ Mpuwo yakaanda yakwe siliya yoonse, abalo bantu bakaleta kuli nguwe boonse bakali kuciswa malwahyi aandeene andeene aacisa, abaabo baka njililwe myoza mibyaabi, banhinhinsenda, kasuntu abatakali kweenda, Jeso wakaba hyilika. ²⁵ Mabunga mabunga abantu aka mucilila kuhwa ku Galilee, Decapolis, Jerusalema, aku Judea, alimwi akunzhe a Jordan.