¹ Ono noyakamana Nsabata, mbuli mbobwa kali kuya buca kunjila mubuzuba bwa kutaanguna bwa nhwiki, Maliya Magadalena alimwi a Maliya umbi bakahika kuzhi kulanga cuumbwe. ² Amulange, kwakaba muzuzumina akuzungaana kwa nyika kukando, nkaambo mungele wa Mwami wakaseluka kuhwa kwizeulu, wakahika eelyo wakali kunkulihya kuli kwihya ibwe, wamana wakali kala. ³ Kulibonya kwakwe kwakali mbuli lulabo, alimwi hikobela zhyakwe zhyakali kutuba buu mbuli caanda. ⁴ Balindihi bakazunganyiwa abukandu alimwi bakakozhya mbuli bantu bahwile. ⁵ Mungele waka bandika abamakaintu alimwi akwaamba kuli mbabo, "Mutayoowi pee, nkaambo ndizhyi kuti mukapaula Jesu, walo ooyu wakabambulwa. ⁶ Tako okuno, pele wabuka, mbuli mbwakali kwaamba. Kamuza mulange abusena alo aawo Mwami mpakalele. ⁷ Kamuunka cakuhwambaana alimwi mukabaambile bahiciiya bakwe, 'Wabuka kuhwa ku bahwu, kamulanga, waunka kumbele lyenu kuya ku Galilaya. Uko mukamubone walo. 'Amulange, ndamuhimwina mwebo.'' ⁸ Bamakaintu cakuhwambana bakahwa a cuumbwe abukandu pele akukomana kukando cini cini, alimwi bakalukankile kukwaambila ba hiciiya bakwe. ⁹ Amulange, Jesu wakaakuswaangana ambabo alimwi akwaamba, ''Ndamwaazhya!'' Bamakaintu bakahika, nakakwata hituta zhyakwe alimwi akumukomba walo. ¹⁰ Mpoona Jesu wakati kuli mbabo,''Mutayoowipee. Kamuya mukabahimwine bana bakwesu balombwana kuti bayumuke kuya ku Galilaya. Uko balakambona mebo.'' ¹¹ Ono mbuli mbobakali kuya buunka bamakaintu, amulange, bamwi balindizhi bakaunka mu dolopo alimwi akuya kwaambila bama paizhi bakando zhyoonse hintu mbuli mbozhyali kucitika. ¹² Ono bamapaizhi nobakaswaangana aba maalu alimwi akukanana twaambo ambabo, bakapa mihingaya mali kuli bahikalumamba ¹³ alimwi akubaambila balo, ''Amwaambe kuli bamwi, 'Bahiciiya ba Jesu baliko mahiku alimwi akubbamubili swebo notwali koona. ¹⁴ Ikuti ootu ywaambo yukahike kumweendelehi, tuya kumukombelezhya walo kutewa ayakataliki kupenzhya ndimwe. ¹⁵ Aboobo ba hikalumamba bakatola mali alimwi akucita mbubona mbuli mbakalaililwa. Twaambo ootu twaka mwaika cimwaike akati kaba ma Juuda alimwi tucizumanana asunu. ¹⁶ Pele bali kumi mumwi bahiciiya bakauunka ku Galilaya, kumulundu walo ooyu Jesu ngwakabalailila balo. ¹⁷ Ono nobaka mubona walo, bakamukomba walo pesi bamwi bakaba amanjenzhyeeeeezhya akuta hyoma. ¹⁸ Jesu wakahika alimbabo balo alimwi akwambaula ambabo alimwi akuti, ''Inguzu zhyoonse zhyapewa kuli ndimwe mukati kazeulu alimwi amunyika. ¹⁹ Kamuya aboobo alimwi mukabame bahiciiya ba mali oonse. Amuka ba papatizhye muzhina lya Taata, alya Mwana, alimwi alya Moza Usalala. ²⁰ Amukabaihye kuteelela zhyoonse zhyintu zhyalo nhinda kamulailila nywebo. Amulange, Ndaandimwe lyoonse, mane kuhikila kumamanino amisela.''