38 Bahwumpi bobile bakabambulwa anguwe, omwe kulubahwu lwa ku lulyo lwakwe alimwi omw ku lumwenhi. 39 Abo bakali kwiinda bakali kumutukana, kabazungaanya mitwe yabo 40 alimwi akwaamba, ''Webo okali kukonzhya ku mwaya cikombelo alimwi akuciyakulula mumazuba otatwe, koli hwutula kuti koli Mwana wa Leza, koseluka kuhwa waawo mpobele aci ciingano!'' 41 Muciimo ncicoa bapaizhi bakando bakali kumucapa walo, antoomwe aba lembi alimwi aba maalu, alimwi akuti, 42 ''Wakali kuhwutula bamwi, pele takonzhi kuli hwutula lwakwe mwini. Ngo Mwami wa Israel. Anhwe aalya aci ciingano, mpoona tula hyoma muli nguwe. 43 Hyoma muli Leza, amumuleke Leza amuhwutule ono, na Leza uli bambila kumwaangulula walo. Nkaambo wali kulyaamba kuti, ''Ndimwana a Leza.'''' 44 Munzhila njiyona ba hwumpi bakabambulwa anguwe bakali kumutukana walo. 45 Ono kutalikila mu hwoola yacisambomwe muhinze wakahika wakahwumba nyika yoonse kuhikila mwi hwoola lya hwuka. 46 Kuya mwi hwoola lya hwuka, Jesu wakawompolola azwi likando alimwi akwaamba kuti, ''Eli, Eli, Lama Sabakatani?'' Calo cipandulula kuti, O Leza wangu, O Leza wangu, nkaambo nzhi nconhiila mebo. 47 Ono bamwi babaabo bakali kwiinhwi alya nobakanhwa oobu, bakati, ''Wiita Elijah.'' 48 Mpoona mpoona omwe wabo wakatiyana alimwi akubweza munganganga, wakantoba mu waini usasile, wakamupa kuti anywe. 49 Bunji bwabo bakati, ''Komuleka alike, atubone na Elijah ulahika kuhi kumuhwutula walo.'' 50 Ono Jesu wakompolola alimwi azwi likando mpoona wakapa moza wakwe. 51 Amulange, mulembo wa mucikombelo wakazapuka kwaandaana kuhwa atala kuhikila kunhi, alimwi ayalo nyika ya kazungaana, eelyo mabwe akapandauka mutupaanzhi. 52 Zhyuumbwe zhyakajaluka, eelyo mibili ya baluleme bakoona yakabuhiwa. 53 Bakahwa muzhyumbwe nakamana kubuka, bakanjila mu dolopo lisalala, alimwi akuli bonya ku banji banji. 54 Ono nakabona hikalumamba mukando alimwi abaabo bakali kuli ndilila Jesu bakabona nyika yaka zungaana alimwi azhintu zhyaka citika, bakajilwa bukandu cini cini alimwi akwaamba, ''Kahimpe ooyu wali Mwana wa Leza.'' 55 Banji bamakaintu bakamutobela Jesu kuhwa ku Galilaya bakali kuyanda kugwahiwa bakaliko ooko kabebela alanhwu. 56 Akati kabo kwakali Maliya Magadalena, Maliya banyina Jakobe alimwi a Josehwa, alimwi abanyina basankwa bana Zebedi. 57 Nokwakaba mangolezhya, kwakahika muntu muhwubi kuhwa ku Arimathea, wahina lya Josehwa, walo wakali hiciiya wa Jesu. 58 Wakaunka kuli Pilato alimwi akulomba mubili wa Jesu. Mppona Pilato wakalailila kuti bamupe nguwe. 59 Josehwa wakambweza mubili, wauzambaila mumulembo mupya, 60 alimwi wakaulahika mucuumbwe cakwe calo cakakosola kubwe. Mpoona waka kunkulihya ibwe likando wajazhya amulyango wa cuumbwe amane wakaunka. 61 Maliya Magadelena alimwi a Maliya umwi bakaliko kulya, kabakele kulubahwu lwa cuumbwe. 62 Buzuba bakacilila, bwalo bwakali buzuba nokwakamana kuli bambila, bamapaizhyi bakando alimwi a Falisi bakali kubungene antoomwe a Pilato. 63 Bakati kuli nguwe, ''Omweendelehi, twayeeya kuti ulya mucengi nakali kupona, wakati, 'Kwakwiinda mazuba otatwe uya kubuka alimwi.' 64 Aboobo kolailila kuti cuumbwe acikabambililwe cini cini kuhikila mubuzuba bwa tatu, ubuyo buyo ba hiciiya balakahika alimwi akumulomba bamana bakaambile bantu, 'Wabuka kuhwa kubahwu,' aboobo lucengo lwa mamanino luya kubihya kwiinda lwakutaanguna.'' 65 Pilato wakati kuli mbabo, ''Amutole mulindihi. Kamuya alimwi amukabambe mbuli mbomuhi kucita.'' 66 Eelyo bakaunka alimwi akubona kuti cuumbwe cakwabililwa, kuli hinka ibwe alimwi akubika mulindihi.