¹ Ono cakacitika ciindi bantu nibakali kuboola mubunji kuli Jesu aku teelela kuzwi lya Mwami Leza, mukuti wakali kwiihvwi afwaafwi a lweenge lwa Gennesaret. ² Wakabona mato obile nkaakwelwa kumbali a cito. Bahiciiya bakali kuvwule anze amato bakali kusazhya tusabwi. ³ Jesu wakajila mukati kabwato bumwi, bwakali bwa Simiyoni akumwaambila kuti abubike mu meenda alaale kuhwa a nyika. Kumane wakankala akuyiihya bantu asengwe abwato. ⁴ Kamanine kukanana, wakati kuli Simiyoni, "Kobutola bwato mumeenda malahu kwamana uwaale kasabwi kako kutewa uce iswi. ⁵ Simiyoni wakaingula akuti, "Himalelo aangu, kunyina acakwatwa pele kwiinda muzhwi lyako, ndatubika tusabwi mumeenda." ⁶ Nobakamana kucita boobu, bakayaya iswi hinji, tusabwe twabo twaka talika kuyauka. ⁷ Kumana boobo bakatalika kwiita beezhyina bakali mubwato bumwi kuti beelele kuboola akubayo hzwa. Bakaboola aku zuzhya oonse mato, cakuti bakatalika kubbila. ⁸ Pele Simiyoni Peter, nakabona boobo, wakawa kumaulu a Jesu, kati, "Konhwa ali ndime, nkaambo ndimubihi, Mwami. ⁹ Mukuti walo abaabo boonse mbobakali limwi bakakankamana kujata nswi zhyalo zhyoba kabweza. ¹⁰ Abalo James a Johoni, bana ba Zebedee, bakali antoomwe a Simiyoni. Jesu wakati kuli Simiyoni, "Utayoowe, nkaambo kuhwa ono uli kuzela nswi." ¹¹ Nobakaleta mato aabo kucito, bakahiya zhyoonse akumutobela. ¹² Kumane cakacitika oobu ciindi naakali mu dolopo limwi, mulombwana wakazhwile cisenda wakaliko okuya. Naakamubona Jesu, wakawa akubinka bushu bwakwe ahi akumulomba Jesu, kati, "Mwami, naa ulayanda, ulakozhya kundi salazhya." ¹³ Poona Jesu wakatandabika tahi lyakwe aku mukwata, kaamba kuti, "Ndayanda. ko salala, "Mukuhwambaana cisenda cakamana. ¹⁴ Wakamulailila kuti atakaambili muntu naba omwe pele waka mwaambila, kuti, "Koya muzhyila yako, alimwi ukalitondezhye kubapaizhyi akuya kupa citulo cakuli salazhya, kweendelana a cakailila Moses, cakulyaambilila kuli mbabo." ¹⁵ Pele twaambo twakamwaika mule mule cakusakana, aboobo bantu banji bakaboola antoomwe kuzhwa nkwayiiha akuzhyi kuponyezhewa kumalwanhyi aabo. ¹⁶ Nokuba boobo zhiindi zhyinji wakali kuzanduka akuya mumasena anyina bantu akuya kupaila. ¹⁷ Cakazhi kuboola mumazuba aayo kuti wakali kuyiihya, alimwi kwakali bama Pharisees abamayi bamulawo kabakele okuya balo bakahwilile mumizhyi minji ya Galileya a Judiya aku Jelusalemu. Nguzu zhya Mwami zhyakali aali nguwe kuti aponye. ¹⁸ Ono bamalombwana bamwi bakaboola kababwezhele mulombwana amuseme walo watakali kweenda kumbele a Jesu. ¹⁹ Bakabula mbobakali kukozhya kujana akumwiizhya akaambo kakuhwula kwabantu, aboobo bakaunka atala ang'anda akumuleta ahi kwiinda acipako, antala a museme kuhikila akati kabantu, kwini kumbele kwa Jesu. ²⁰ Naakabona lushomo lwabo, Jesu wakati, 'mulombwana, zhibizhako zhalekelelwa." ²¹ Balembi abana Pharisee bakatalika kubuzhya eeci, akuti, "Nguni ooyu uukanana zhyitonda? Uukozhya kulelelela zhinyonyoono pele Leza alike?" ²² Pele Jesu, wakazhyia zhyobakali kuyeeya, wakazhuwa akwaamba kuti kuli mbabo, "Nkaambo zhi comubuzhya zhintu eezhi mumyoyo yenu? ²³ Nchili cintu cuubauba kwaamba, "Zhunyonyoono zhako zhalekelelwa na kwaamba kuti, konyamuka weende? ²⁴ Pele kutewa muzhibe kuti Mwana a muntu uli kwete insana anyika kulekelela nhinyonyoono,-"Wakaamba kumuntu mulema- "Ndakwaambila, konyamuka, bweza museme wako uunke kwako kung'anda." ²⁵ Mukufwambana wakanyamuka kumbele lyabo alimwi akubweza museme oyo ngwakali kulele. Mpona wakaunka kung'anda yakwe, kalumbaizhya Leza. ²⁶ Boonse bakakankamana ba kalumbaizhya Leza. Bakazwile kuyoowe, baamba, "Twabona zhintu zhyandeene buno buzuba." ²⁷ Nikwaamana kucitika zhyintu eenzhyi, Jesu wakazhwa mubusena obuya alimwi wakabona himutelo uuli azhyina lya Leevi ulikele acivwuka ica himutelo. Wakaamba kuli nguwe , "Konditobela." ²⁸ Aboobo Leevi wakanyamuka akumutobela, kuhiya zhyoonse munhi. ²⁹ Mpoona Leevi wakatamba pobwe kumuzhi wakwe lya Jesu. Kwakali bantu bahimutelo banji okuya abantu buyo bambi balo bakali kusekelela akulya ambabo. ³⁰ Pele bama Pharisee aba Lembi babo bakali kutongooka kuli bahiciiya, kabamba kuti, "Nkaambo nhi colya alimwi akunwa aba himitelo alimwi aba zhizhinyonyoono?" ³¹ Jesu wakabaingula kuti, "Bantu bataciswi tabayandi muhilihi; balike buyo abo baciswa. ³² Hindaka boolela kwiita balulami, pele bahimu cita zhibi kuti basanduke. ³³ Bakaamba kuli nguwe, "Balo bahiciiya ba Johwani zyiindi azyiindi bala liimya akupaila, abalo bahiciiya bama Pharisee balacita oobo. Pele bahiciiya bako balalya akunywa." ³⁴ Jesu wakaamba kuti kuli mbabo, "Hena umwi ulakozha kubamba bantu basekelela lutwalo lwa hibwiinga kuliimya kakuli hibwiinga ucili ambabo? ³⁵ Aboobo mazuba alakahika walo hibwiinga naya kubwezwa kuzhwa kuli mbabo akutolwa, ndendilyo eeli mumazuba aayo nobaya kuliimywa." ³⁶ Nakamana Jesu wakaamba kaano kuli mbabo akuti, "Kunyina uukwamuna kasani kuhwa kucisani cinyowana akukabelehya kugambika cisani cakaindi. Kuti wacita boobo, ula kwamuna cisani cinyowana akalo kagamba kuhwa kucisani cinyowana taciti endelane acisani cakaindi. ³⁷ Kunyina ubika waini muzhisalu zhakaindi. Kuti wacita boobo, waini munyowana ulakwamuna zhisalu, poona waini ulalita, azhyalo zhisalu zhilakwamauka. ³⁸ Pele waini mupya welele kubikwa mu ciyobwelo cipya. ³⁹ Kunyina unga wamana kunwa wakaindi waini wayanda munyowana, nkaambo waamba, ubwakaindi mbubotu.