¹ Mumwaka wakumi aisanu yabulelo bwa Tiberius Caesar- walo Pontius Pilate kali mweendelezhyi wa Judea, Herod wakali mweendelezhyi wa Galilee, mwanakwabo Philip kali mweendelezhyi wa kooko ca Iturea a Trachonitis, a Lysanias wakali mweendelezhyi wa Abilene, ² muciindi ca bupaizhyi bukando bwa Annas a Caiaphas-ijwi lya Leza lyakakika kuli Johani mwana wa Zakaliya munkanda. ³ Wakaunka mumasena oonse ahyingulukile Jordan, kakambauka lubizhyo lwa kusanduka mululekelelo lwa hyinyonyoono. ⁴ Mbuli mbocilembelwe mwibuku lya mazwi a Isaiah muhinhimi, "Izwi lya yooyo ulila cakoongolola mukanda, 'Ubamba zhila ya Mwami, kwibamba cakoololoka. ⁵ Misena yoonse iya kuzuhyiwa, amalundu onse atulundu tuya kunhwinhiwa, amigwagwa ipilingene iya kulondolohewa, amasena ataluleme aya kubambwa kuba migwagwa, ⁶ ayalo inyama yoonse iya kulubona luhutuko lwa Leza."' ⁷ Elyo Johani wakaamba kumabunga ababo bakali kuboola kubihiwa kuli nguwe, "Nywebo noluhubo lwa ba cipile! Ngoni wakamucenjezhya kuti mutiye kubukali buboola? ⁸ Mboboobo, amuhyale michelo iyelele kusanduka, mutakanki kulyaambauzhya nobeni, kuti, 'Tulikwete Abraham mbuli taata,' nkaambo ndamwaambila kuti Leza ulakonzhya kubuhya bana ba Abraham kuhwa ku mabwe aya. ⁹ Olo ono keembe kalibikilwe kumiyanda ya hyisamu. Kuhumbwa cisamu citahyali michelo mibotu ciya kugonkwa akuwaalwa mumulilo." ¹⁰ Pele mabunga akazumanana kumubuzhya kwaamba, kuti, "Hene ono twelele kucita buti?" ¹¹ Wakahwuwa akwamba kuli mbabo, "Naumwi kakwete ingubo zhyobile amwaabanye oyo unyina, ayooyo ukwete cakulya acite mbubona." ¹² Abahimutelo abalo bakaboola kuti babihyiwe, akwaamba kuli nguwe, "Omwiiyi, ino swebo tucite buti?" ¹³ Wakaamba kuli mbabo, "mutali kukobololi mali manji kwiinda ngomwaka ambililwe kuti mukobolole." ¹⁴ Bamwi bahikalumamba abalo bakamubuzhya, kuti, "Ino swebo mbuti? Ino tucite buti?" Wakaamba kuli mbabo, "Mutali kubwezi mali ku muntu uli oonse kunguzu, alimwi mutatami muntu uli oonse kukubinja. A mube a bulumbu. ¹⁵ Ono mbuli bantu mbobakali kulangila cakuyandihihya kubona kuti Klisto ulaboola, boonse bakali katahiwa mumyoyo yabo amakani a Johani, ambweni inga ulaba ngo Klisto. ¹⁶ Johani wakahwuwa kwiinda mukwaamba kuli mbabo boonse, "Pele mebo ndamubizhya amenzhi, pele umwi ulaboola ulaanguzu kwiinda ndime, alimwi mebo nhelele akwaangula intambo zhya mpato zhyakwe. Uyakumubihya amoza usalala alimwi a mulilo. ¹⁷ Ciululuzhyo cakwe cili mutanhyi lyakwe, kuti asalazhye lubuwa lwaku ululwila kutewa abungike maila, mumatala akwe. Pele bungu uya kubuumpa amulilo utakozhyi kuhyimwa." ¹⁸ Muku kombeleza kunji kunji, Johani wakaambilizhya a makani mabotu kubantu. ¹⁹ Mbuli Heroda mwami mbwakabwetelwa akaambo kakutwala mukaintu wamwana akwabo Herodias, ahyimwi hyintu zhya bubyaabi Herod zhyzkacita, ²⁰ wakasanganya ezhyi kuli mbabo boonse, akujalila Johani muntolongo. ²¹ Elyo cakaba obu, bantu bakabihyiwa, Jeso awalo wakabihyiwa, elyo nakacili kupaila, majulu akajaluka, ²² mpoona Moza Usalala muciimo ca mubili waka boola alinguwe mbuli inhyiba, aizwi lyakaboola kuhvwa kujulu, ""Ndiwe Mwana wangu uyandika. Mulindiwe mwekomanina." ²³ Jeso nakatalika mulimo wqbukambauhi bwakwe, wakali amyaka ili makumi yotakwe. Wakali Mwana (mbuli mbocakali kubikilwe) wa Joseph, mwana wa Heli, ²⁴ mwana wa Mattthat, mwana wa Levi, mwana wa Melchi, mwana wa Jannai, mwana wa Joseph. ²⁵ Joseph waka mwana wa Mattathias, mwana wa Amos, mwana wa Nahum, mwana wa Esli, mwana wa Naggai, ²⁶ mwana wa Maath, mwana wa Mattathias, mwana wa Semein, mwana wa Josech, mwana wa Joda. ²⁷ Joda wakali mwana wa Joanan, mwana wa Rhesa, mwana wa Zerubbabel, mwana wa Salathiel, mwana wa Neri, ²⁸ mwana wa Melchi, mwana wa Addi, mwana wa Cosam, mwana wa Elmadam, mwana wa Er, ²⁹ mwana wa Joshua, mwana wa Eliezer, mwana wa Jorim, mwana wa Mattat, mwana wa Levi. ³⁰ Levi wakali mwana wa Simeon, mwana wa Judah, mwana wa Joseph, mwana wa Jonam, mwana wa Eliakim, ³¹ mwana wa Melea, mwana wa Menna, mwana wa Mattatha, mwana wa Nathan, mwana wa David, ³² mwana wa Jesse, mwana wa Obed, mwana wa Boaz, mwana wa Salmon, mwana wa Nahshon. ³³ Nahshon wakali mwana wa Amminadab, mwana wa Admin, mwana wa Arni, mwana wa Hezron, mwana wa Perez, mwana wa Judah, ³⁴ mwana wa Jacob, mwana wa Isaac, mwana wa Abraham, mwana wa Terah, mwana wa Nahor, ³⁵ mwana wa Serug, mwana wa Reu, mwana wa Peleg, mwana wa Eber, mwana wa Shelah. ³⁶ Shelah wakali mwana wa Cainan, mwana wa Arphaxad, mwana wa Shem, mwana wa Noah, mwana wa Lamech, ³⁷ mwana wa Methuselah, mwana wa Enoch, mwana wa Jared, mwana wa Mahalalel, mwana wa Cainan, ³⁸ mwana wa Enos, mwana wa Seth, mwana wa Adam, mwana wa Leza.