¹ Ono mumazuba aayo, kwaboola kuti Caesar Augustus wakapa mulawo kwaamba kuti kubalwa kwa bantu bapona boonse munyika. ² Eeci cakali ca kutaanguna kubalwa muciindi ca Quirinius kali mukando wa dolopo iya Syria. ³ Ono awa boonse ba kaunka muma dolopo abo kuti ba kalilembhye kuti bakabalwe. ⁴ Joseph awalo wakaunka muzeulu kunhvwa mu Galileya, kunhwa mu dolopo iya Nazaleta, kuya ku Judea, kuhikila ku dolopo iya David, yalo iitwa kuti Bethlehem, nkaambo wakali wa wa mung'anda alimwi uwamukowa wa David. ⁵ Wa kaunka kulya kuya ku lilembya antomwe a Maliya, uwakahyabilwe kuli nguwe alimwi wakali ku minhi. ⁶ Ono cakali kuti kabacili kokulya, ciindi cakanhika cakwe ca kutumbuka mwana. ⁷ Wakatumbuka mwana musankwa, ngo mwana wakwe wakutaanguna, baka muhwuungaila muhisani izhyamyeengu hilahwu aku mulanhyika mu cizuma, nkaambo kwakanyina ng'anda iya kuti bajile. ⁸ Kwakali beembezhyi mucihi bakali ku kkala mu myuunda, ku gatela banyama babo mahiku. ⁹ Mungele wa Mwami wakalibonya kuli mbobo, alimwi abulemu bwa Mwami kutondezhyewa akati kabo, bakazula kuyoowa kukando. ¹⁰ Mpona mungele wakaamba kuti kuli mbabo, "Mutayoowi, nkaambo ndamuletela makani mabotu aatilete kukkomana kukando kubantu boonse. ¹¹ Sunu muhwutuli wahyalwa mu dolopo lya David! ngo Klisto Mwami! ¹² Eeci nce citondezhya citipewe kuli ndimwi mulajana mwana uhwungaililwe mu nhisani izhya myengu myeengu alimwi ulilele mu cizuma." ¹³ Kaindi kazhyoonto antoomwe a mungele maunda mauna kuwa kwi zeculu, kuhumbaizhya Leza akwaamba, ¹⁴ "Bulemu kuli Leza uusumpukile, alimwi akube luumuno munyika akati ka bantu abo mbakomanina. ¹⁵ Cakacitika kuti bangele nobakanhwa kuli mbabo kuya kwi zeulu, bembenhyi bakaambaulu muli cabo, "Ono antuunka ku Bethlehem alimwi tukabone cacitika, calo Mwami cayanda kuti cinhyibwe kuli ndiswe." ¹⁶ Ba kahwambaana kuunka aku mujana Maliya, Joseph, a mwana, walo wakalele mu cisuma. ¹⁷ Nobakamana ku mubona, bakacibika antangalala cikali kwaambwa kuli mbabo a mwana ooyu. ¹⁸ Boonse baka teelela baka kankamana cakali kukananwa kuli mbabo a banyembezhyi. ¹⁹ Pele Maliya wakali kuyeeya zhintu zhyoonse zhyakatelela. ²⁰ Beembezhyi bakapiluka, kulemeka akulumbaizhya Leza kuzhyintu zhyoonse zhyobakateelela akubona, mbubona mbuli mboba kaambililwe. ²¹ Nobwakahika kumamanino buzuba bwa lusele, naka palulwa, wakaulikwa kuti Jesu, izhyina ndyakapewa a mungeli katana mitwa. ²² Mazuba aku salahyiwa naakainda, kweendelanya, amulawo uwa Muusa, bakamuleta ku tempele mu Jerusalema kumutondezhya ku Mwami. ²³ Mbubona mbuli mbokulembelwe mu mulawo wa Mwami, "oonse mulombwana uwajula cizhtalilo weelele kubikwa ambali mu Mwami. ²⁴ Aboobo bakapa citulo kweendelana acakaambwa mumulawo wa Mwami, "Zhyitwalene nzhyiba naa tobile twana zwa nkwilimba." ²⁵ Amulange, kwakali mulombwana mu Jerusalem wazhina lya Simiyoni, aboobo muntu ooyu wakali kusalalihya alimwi kalipele. Wakali kulindila kumbulizhyiwa kwa Israel, alimwi a Moza usalala wakali ali nguwe. ²⁶ Cakali tondezhelwe kuli nguwe a Moza usalala kuti kunyina nati kabone luhwu katana mubona Mwami Jesu Klisto. ²⁷ Kasololelwa a Moza, Simiyoni waka boola mu tempele. Ciindi bama zhali nobakaleta Jesu kali muzhwanda, kuti azhikucitwe kweendelanya aka nhyiya nhiya ka mulawo, ²⁸ wakamu bweza mumatanhi aakwe akulumba izhya Mwami, akwaamba kuti, ²⁹ "Ono leka muzhike wako aunke muluumuno, Mwami, kweendelanya a mazwi aako. ³⁰ Nkaambo meso aangu abona luhwuhutuko lwako, ³¹ lwalo ndokabamba kubuhyu bwa bantu boonse: ³² Mumuni walitondezhya kuli ba Gentiles alimwi abulemu kubantu bako ba Israel ³³ Baushi aba banyina bakakankamana kuli cakaambwa anguwe. ³⁴ Simiyoni wakabaleleka akwaamba kuti kuli Maliya banyina, "Amulange, ooyu mwana uli nanikilwe kukuzhwa akubuka kwabantu banji ba Israel alimwi akucitondezhyo cikakilwe- ³⁵ iceba iyakuyasa mubili wako kutewa mizeezo yabanji amyoyo iyakuzubululwa. ³⁶ Munhinhimi witwa kuti Anna wakaliko okuya. Wakali mwana munhimbi wa Phanuel kuhwa ku mushyobo uwa Asher. Wakali sumpukile mumazuba akwe, wakali kupona a mulumi wakwe kwamyaka ili chiloba kuzhwa kubuhimbi bwakwe, ³⁷ alimwi wakali mukamuhwu kwamyaka ili makumi lusele ayine. Kunyina nakahiile tempele pele wakali kubeleka mukupaila amukuliimya, mahiku ama hikati. ³⁸ Muwoola ndilyona wakaboola kuli mbabo alimwi akupa kulumba kuli Leza, alimwi wakali kwaamba mwana kuli boonse bakali kulindila lununuko lwa Jerusalema. ³⁹ Ciindi nobakamanizha zhyoonse kwakayandika kucita kweendelana amulawo wa Mwami, bakapiluka ku Galilaya, ku ndolopo lyabo lya Nazaleta. ⁴⁰ Mwana wakakomena akuba hinsana; wakazwile busongo, aluse lwa Leza wakali ali nguwe. ⁴¹ Bazhyali bakwe bakali kuunka lyoonse mu Jelusalema kupobwe lya Pasika. ⁴² Naakaba amyaka nkumi mwabili, alimwi ba kaunka mu zeulu ku ciyanza ciindi ca muswaangano. ⁴³ Nobakakkala mazuba aankwana mazuba apobwe, bakatalika kupiluka kumuzhi. Pele mwana musankwa Jesu wakahyala munhi mu Jelusalema bamazhali bakwe kabatanzhi. ⁴⁴ Nkabayeeya kuti wakali ankamu yakali kweenda ambabo, aboobo bakeenda buzuba boonse. Kumana waawo bakatalika kumukapula kabotu kabotu akati kabamukowa abalongwe. ⁴⁵ Pele nobatakamuyana, bakapiluka ku Jelusalema akutalika kumuyandaula cakabotu kabotu okuya. ⁴⁶ Cakaboola kuti nokwakayinda mazuba otatwe bakamuyana mu tempele, ulinkele akati kabamayi, kateelela mbabo a kubabuzha mibuzhyo. ⁴⁷ Boonse bakamuteelela bakaka nkamana mukuteelela akwiingula kwakwe. ⁴⁸ Nobakamubona, bakakankamana. Banyina bakaamba kuli nguwe, "Mwana angu, nkaambo nhi ncotucita bo buya? Langa, bauso andime twali pengele kukapaula ndiwe." ⁴⁹ Wakaamba kuli mbabo, "Nkaambo nhi ncomwali kundikapaulila? Hena tamunhi kuti jelele kuba a Taata mumilimo? ⁵⁰ Pele tobakateelela cakali kwaamba amabala aaya. ⁵¹ Aawo wakaunka kung'anda ambabo ku Nazaleta akuya kukkala cabulemu ambabo. Babanyina bakazhiyobola eezhi zhyintu mumoyo wabo. ⁵² Aboobo Jesu wakazumanana kukomena mubusongo amububambe, akwiindilizhya kugwaahya muli Leza a bantu.