1 Ono umwi muntu uli a zhyina lya Lazalo wakaciswa. Wakali kuzhwa ku Beteni, munhi wa Maliya alimwi amucizhyi wakwe Maata. 2 Wakali Maliya wakananika Mwami mahuta alimwi akulila kutehya misozhyi maulu aakwe akupukuhya masusu akwe, uli amwanaakwabo Lazalo wakaciswa. 3 Bamacizhyi bakatuma izwi kuli Jesu, balaamba, "Mwami, bona, ooyu ngoyanda ulaciswa." 4 Ciindi Jesu nakanhwa, wakaamba, "Obu bulwazhyi tabuli bwaluhwu, pele mbwa bulemu bwa Leza kwaamba kuti Mwana a Leza alemekehyewekuli kaaka." 5 Jesu wali kubayanda ba Maata a mucizhyi wakwe a Lazalo. 6 Nakanhvwa kuti Lazalo waciswa, Jesu wakakkala mazuba obile ambi kubusena nkwakabele. 7 Nokwa kainda eeci, wakati kuli bahiciiya bakwe, "Atweende ku Judea alimwi." 8 Bahiciiya bakaamba kuli nguwe, "Mwiyi, cino ciindi bama Juda basola kukuuma mabwe yebo, uyanda kuunka alimwi nkukona?" 9 Jesu wakahwuwa, "Hena takuli mawoola ali kumi abili amumuni mukati kabuzuba? Kuti umwi kayenda mubuzuba, takali humpuli, nkaambo ubona a mumuni wanyika. 10 Nokuba boobo, kuti naweenda mahiku, ulalihumpula nkaambo mumuni tauli muli nguwe." 11 Wakamba zhyintu zyoonse eezhyi, nakamana zhintu zyoonse, wakati kuli mbabo, "Mwenzuma Lazalo woona, nokuba bobo ndaunka nkamubuhe kuzhwa kutulo." 12 Bahiciiya aboobo bakati kuli nguwe, "Mwami, nakuti walala kutulo, 13 ulabuka."Jesu wali kwaamba luhu lwakwe, balo bakayeya kuti wali kwaamba koona kwakulyokezhya. 14 Jesu wakaamba cantangalala, "Lazalo uli hwile. 15 Ndakkomana, kaambo kandinywe, kuti hindaliko kutiwa muhyome. Atuunke kuli nguwe." 16 Thomas, wali kwiita Didymus, wakaamba kuli bahiciiya nyina, "Atuunke aswebo kutewa tukahwe a Jesu." 17 Jesu nakahika, wakayana kuti Lazalo ulikale mucihwene kwa mazuba one. 18 Bethany wakali munhi munhi a Jelusalema, ikumi atuswanu kulapa kuhvwa wayo. 19 Bama Juda banji bakaboola kuli Maata a Maliya, kubaumbulizhya kuluhu lwa mwanaakwabo. 20 Maata, nakahwa kuti Jesu ulahika, wakaunka kuya kumutambula, Maliya walo wakalihite mung'anda. 21 Maata wakati kuli Jesu, "Mwami, kuti nooliko, mwana kwesu natahwa. 22 Nokuba boobo, ndilizhi kuti kuhumbwa nchoolomba kuli Leza, ulakupa." 23 Jesu waka mwaambila, "Mwana kwenu ulabuka alimwi." 24 Maata wakati, "Ndilizhi kuti ula buka mububuke kubuzuba bwa mamanino." 25 Jesu wakati, "Ndime bubuke a buumi; oyo uhyoma muli ndime, nokuba kuti ahwe, uya kupona; 26 awalo upona akuhyoma muli ndime yakahwi. Hena ulahyoma oobo?" 27 Wakati kuli nguwe, "Inzhya, Mwami, ndahyoma kuti diwe Klisto, Mwana a Leza, wakaboola munyika." 28 Nakamana kwaamba ceci, wakaunka kuya kwiita mwanaakwabo Maliya kunso. Wati, "Mwiiyi wahika wiita bdiwe." 29 Nakahwa, wakaumuka cakuhwambaana akuunka kuli nguwe. 30 Pele Jesu takaninga njila mumunzhi wakacili abusena mpobaka swanganina a Maata. 31 Iciindi bama Juda, bakali anguwe mung'anda alimwi bakali kumuumbulizhya, bakabona wanyamuka Maliya cakubindaana akuhvwa, bakamucilila, kabayeeya kuti uya kunamaumbwa kuya kulila. 32 Ono Maliya naakaboola kubusena Jesu nkwakabele akumubona, wakawila anhi kumaulu akwe akwaamba kuli nguwe, "Mwami, naakuti nooliko, mukwesu naatahwa." 33 Eelyo Jesu nakabona nkalila,alimwi abama Judamibakahika anguwe abalo bakalila, wakapengana mu moza akunyongana. 34 Wakati, "Hena nkukuli nkomwa muhikila? Bakati kuli nguwe, "Mwami,boola ubone." 35 Jesu wakalila. 36 Ba Juda bakati, "Amulange mbwali kumuyanda Lazalo!" 37 Pele bamwi bakati, "Hena muntu oyu takozhi, wakajula meso a mohu, nkucita kuti muntu oyu atahwi?" 38 Jesu alimwi, mbwakalinhwa muli nguwe lyakwe, wakaunka ku chihwenu. Yakali mpako, yakahwunikilwe bwe. 39 Jesu wakaamba, "Amukuhe imbwe eeli." Maata, mucizhyi wa Lazalo, wakahwa, wakaamba Jesu, "Mwami, cino ciindi mubili wabola, nkaambo kwiinda mazuba one kahwile." 40 Jesu wakati kuli nguwe, "Hena nhinda kwambila kuti, naawahyoma, ulabona bulemu bwa Leza?" 41 Bakali nguhya ibwe. Jesu wakalugumana akuti, "Taata, ndalumba kuti wanditeelela. 42 Ndilizi kuti lyoonse ulanditeelela, pele nkaambo kabantu aba bainhwi kunhinguluka ndime nchindambila boobo, kutewa bahyome kuti ndiwe okandituma." 43 Nakamana kwaamba yaaya, wakalila azwi ikando, "Lazalo, kozwa." 44 Imuntu uhwile wakahvwa, hyituta zhyakwe alimwi amatanhi akangilwe a zhyisani, alimwi buhyu bwakwe bwakangilwe azhyisani. Jesu wakaamba kuli mbabo, "Amumwaangulule alimwi aunke." 45 Kumane bunji bwaba Juda bakaboola kuli Maliya akubona Jesu ncakacita, bakahyoma muli nguwe. 46 Pele bamwi babo bakaunka kuba Falisi alimwi akubaambila zhyintu Jesu nzhyakabacitila. 47 Kumane bapaizhyi bakando alimwi aba Falisi bakabungana a nkaambe antoomwe akwaamba kuti, "Tulacita buti? Ooyu muntu wacita zhyiyambya zhyinji. 48 Naa ywamuhiya mwini muciimo eeci, boonse balahyoma muli nguwe; ba Looma bayakuhika akubweza boonse abusena bwesu alimwi acihi cesu." 49 Nakuba boobo, umwi mulombwana akati kabo, Caiaphas, wakali mupaizhyi mukando mumwakamooyo, kwaamba kuti, "unyina ncozhyi. 50 Timwa kalanganya kakuti cilabota kuti muntu omwe ahwile bantu kwiinda kuti mukowa oonse uhwillilile." 51 Lino eeci wakacaamba kutali lwakwe mwini, mukuti kuba mupaizhyi mukando mwaka ooyo, wakanhinhima kwaamba kuti Jesu welele kuhwila mukowa; 52 Pele kutali mukowa walo, pele kwaamba bana ba Leza ibamwaikile kwamba kuti baswaangane kube bomwe. 53 Eeno kuhvwa mubuzuba obu akuya kumbele bakaba amizeezo mbobanga bamuyaya Jesu. 54 Tanakacili kweenda antangalala akati kaba Juda, pele wakabahiya kuhvwa mucihi cili mumbali mbali alukula mu dolopo lya Efulaimu, OOko nkwakakala abahiciya bakwe. 55 Lino Pasika lyaba Juda lyakali munhi munhi alimwi banji bakaunka ku Jelusalema kuhvwa kucihi kakutanaba Pasika lyalo ndyobayelele kulisalazhya bamuka mwini. 56 Bakali kuyandaula Jesu, alimwi akukanana kuli omwe a omwe mbuli mbobakaima mu tempel, "Muyeeya buti? Kwaamba kuti atabooli ku muswaangano." 57 Ono bapaizhyi bakando alimwi aba Falisi bakapewa malailile akuti naa nkuhwumbwa uzhyi Jesu nkwabele, weelele kutwaambila kutewa akakwatwe.