¹ Amuboole ono, nwebo nomunhubile, amulile akweema nkaambo makatanhyo alaboola ali ndinwe. ² Bunhubi bwenu bwabila, nhyikobela nhenu nhyaligwa mapempya. ³ Ingolide ansiliva nhenu nhyaliwa senke alimwi isenke nhyanhyo nhiyakumubeda bakamboni. Nhiya kwiilya mibili yenu mbuli mulilo. Mwayobola lubono lwenu kumazuba akumamanino. ⁴ Amubone, ibbadi nhyomwatakabapa babelehi bakali kumutebwida mumyuunda yenu nhyamulilila. ⁵ Ikulila kwabatebunhyi kwahika kumatwi amwami wamakamu. Mwapona mukulikkomanihya munyika akulisanina cakukkuta. ⁶ Mwaneneeha myoyo yenu mbuli buzuba bwa pobwe. Mwasulaika akujaya muntu ululeme. Watakamukanhya. ⁷ Amubikkilile, ono, nobakwesu, kuhikila kukuboola kwamwami. Amubone mbuli mulimi mbwalindila mucelo mubotu kunhwa kubulongo kakwete kubikkilila muli nguwe, kuhikila watambula invula taanhi ainhula ncaalinhi. ⁸ Mwebo, mbubona, amubikkilile. Amuyumye myoyo yanu nkaambo kuboola kwamwami kwaswena. ⁹ Mutatongooki, nobakwesu, kuli umwi aumwi, kutewa mutakabetekwi. Amulange mubetehi uliinhwi amulyango. ¹⁰ Amubwenhe mukonhyanyo, nobakwesu, kunhwa kukupenga akubikkilila kwa ba hinhimi, aabo ibakakanana mu nhyina lya mwami. ¹¹ Amubone, tulabalemeka ibakakatila kuti mbaleleke. Mwakalunhwa lukakatilo lwa Jobo, alimwi mbomuunhi muzeezo wa mwami, mbuli mbwali hilubomba ahilunhyalo. ¹² Atala anhyoonse, nobakwesu, mutakonkenhi, nokuba mujulu naaba anhyi, nociba cikonke cili buti. ''Kunhumina'' kwenu akube ''Kunhumina'' ''Akukaka'' kwenu akube ''Kukaka kutewa mutakabetekwi. ¹³ Hena akati kenu kuli upengele? Oyo apaile. Hena kuli usekelela? Aimbe cakulumbainha. ¹⁴ Hena akati kenu kuli ucisilwe? Aite baalu bacikombelo, bamupailile. Abamunanike mahuta munhina lya mwami. ¹⁵ Mupailo wa luhyomo ulaponya balwanhyi, aboobo mwami ulamubuhya. Naa wakalibihile, Leza uya kumulekelela. ¹⁶ Amulyaambe nhyibi nhenu kuli umwi aumwi alimwi mupaililane kutewa mukaponenhewe. Muli inguzu nhyinji mumupailo wamuntu ululeme. ¹⁷ Elijah wakali muntu mbubona mbuli ndiswe. Wakapaila cakuhininha kuti itawi inhula, aboobo tiyakawa munyika kwa myaka yotatwe amyenhi cisambomwe. ¹⁸ Elijah wakapaila alimwi. Ijulu lyakapa nhula, nyika yakapa micelo. ¹⁹ Nobakwesu, naa umwi wenu waleya mukahimpe, naa umwi ulamupiluha, ²⁰ oyo muntu anhibe kuti kuhumbwa yooyo upiluhya hinhibi kunhwa kubulubinhi bwa nhila yakwe wamuhutula kunhwa kuluhu alimwi uyakuhutula nhinyonyoono nhinji.