¹ Hena mazwanga akwiimpana akati kenu anhwila kuli? Hena tanhwi munhiyanza mhyanyika nhyileta kulwana muli ndinwe. ² Mulayandihya, pele kunyina ancomukwete, mulajaya akuba amunyono, pele kunyina ncomuyana. Mulalwana akuzwangana. Tamuyani nkaambo tamulombi. ³ Mulalomba pele tamupewi nkaambo kulomba kwenu takululeme, kutewa munhibelehe mukuyanda kwenu. ⁴ Mwebo noba hibwaamu, ''Tamunhyi kuti kupanga cilongwe anyika nkuzangila Leza? Oyo usala kuba acilongwe anyika walibamba kubahinkondo nyina a Leza. ⁵ Hena muyeeya kuti mangwalo aamba cakubeya kwaamba kuti, ''Moza ngwaka bamba kuti ukkale mulindiswe ulikwete munyono''? ⁶ Pele Leza ulapa lunhyalo lunji, nkaambo mangwalo aamba kuti, ''Leza ulabakanha balisumpula, pele ulapa lunhyalo kuli baabo balitola anhi.'' ⁷ Amulibombye kuli Leza,Amumukazhye mubi, eelyouykumutiya ⁸ Amuboole munhi-munhi a Leza, awalo uyakuboola munhi munhi lyenu. Amusazhye matahi eenu nwebo nobahinhibi, akusalanhya myoyo yenu nwebo nomukwete mizeezo yobile. ⁹ Amuungumane, amoongolole akulila! Kuseka kwenu akube kulila akusekelela kwenu akube kuusa. ¹⁰ Amulibombye kuli leza, eelyo uya kumusumpula. ¹¹ Bakwesu mutaambi twaambo tubi kuli umwi. Ooyo waamba bubyaabi nokuba kubeteka munyina nkokuti wakabandika bubi bwamulawo alimwi abubetehi bwa mulawo. Na wabeteka mulawo, nkokuti toli hikucita mulawo, pele waba mubetehi. ¹² Alike buyo ngoupa mulawo alimwi ngomubetehi. Alikke nguukonhya kunhuna alimwi akunyonyoona. Ino ndiwe ni, webo obeteka himukobonyoko? ¹³ Ono koteelela, webo owamba kuti, ''Sunu naa cihumo tuyakuunka ku dolopo, tukakale mwaka omwe okuya tukacite makwebo akubamba impindu.'' ¹⁴ Ngoni unhi ciyakuctika cihwumo, ino buumi bwako ninhi? Nkaambo webo uli mbuli hikunku ulibonya buyo kwaciindi kahyoonto ndilyona wamana. ¹⁵ Anu kuti, weelele kwaamba kuti, '' Naa mwami wayanda, tuyakupona akucita ceeci aceciya.'' ¹⁶ Pele ono mulalikankainhya amizeezo yenu yakulisumpula. Kulisumpula boobo nkubi. ¹⁷ Ooyo unhi kucita bubotu pele tabucita nkokuti wabohya.