¹ Paulo, mutumwa wa Jesu Klisto kwiinda mu kuyando kwa Leza, alimwi Timoti mwana wakwesu. ² Kubantu ba Leza basalala alimwi aba kwesu bahyomeka bali ku Colossae. Luse alube kuli ndimwe, alimwi luumuno kuvwa kuli Leza Taata wesu. ³ Twapo kulumba kuli Leza, wihi wa Jesu Klisto, alimwi lyoonse tulamupailila. ⁴ Twakaluvwa luhyomo lwenu muli Klisto Jesu, alimwi aluyando ndomukwete lwa boonse bantu ba Leza basalala, ⁵ nkaambo kabulangizhyi bubambililwe ndimwe mujulu, ndomwakanvwa mwizwi lyakahimpe, mumulumbe. ⁶ Lyahika kuli ndimwe. Munhyila njiyona oyu mulumbe ula zhyala micelo alimwi ulakomonena munyika yoonse - mbubona mbuli mbocali kucitika akati kenu kuvwa buzuba nomwakalivwa alimwi akuteelela lwa Leza mukahimpe. ⁷ Oyu ngomulumbe ngomwaiya kuvwa kuli Epaphras, mutwangama uyandika himilimo, uli mutwanga uhyomeka wa Klisto mulubavwu lwesu. ⁸ Epaphras watuzhyibya swebo luyando lweni mu Moza. ⁹ Nkaambo kaluyandu olu, kuvwa buzuba notwakanvwa kunyina notwakaleka kumupailila. Tupaila kuti muzule aluhyibo lwa kuyanda kwakwe mubusongo boonse alimwi akuteela kwa moza. ¹⁰ Kutewa mweenda muciimo eco ceelela ku Mwami alimwi icimukomanihya munhyila zhyoonse: kwiinda mukuzhyala micelo mubu belehi bubotu alimwi akukomana muluzhyibo lwa Leza, ¹¹ kwiinda mukuyumizhyiwa ansana zhyoonse, kweendelana abubotu bwa nsana zhyakwe, kutewa mube akukalila kukando alimwi akubikilila, alimwi aku komana ¹² kupa kulumba kuli Taata, wakacita kuti mukozhye kuba a cibeela mulukono lwa bantu ba Leza basalala mumumuni. ¹³ Watugwihya mu bweendelezhyi bwa muhinze akututola swebo ku bulelo bwa Mwana wakwe uyandika musankwa, ¹⁴ muli nguwe motukwete lununuko, kulekelelwa kwa zhyinyonyoono. ¹⁵ Mukozhyano wa Leza uutabonwi, mutaanhyi wa malenge oonse. ¹⁶ Muli nguwe zhyintu zhyoonse zhyakalengwa, eezhyo zhyili mujulu azhyeezhyo zhyili anhyi, zhyibonwa azhyitabonwi, naiba minhyini nabuba bweendelezhyi naba malelo nazhiba insana, zhyintu zhyakalengwa kwiinda muli nguwe alimwi zhyizhyokwe. ¹⁷ Walo lwakwe mutaanhyi kuli zhyoonse, alimwi muli nguwe zhyintu zhyoonse mozhyikamantana antoomwe. ¹⁸ Ngomutwe wamubili, cikombelo. Ngamatalikilo, mukando kuvwa akati kabotu, aboo uli kwete busena bwakutaanguna akati kazhyoonse. ¹⁹ Elyo Leza wakakondwa kuba akuzulila kwakwe koonse kukala mu Mwana, ²⁰ alimwi kwiinda mu Mwana kuhumizhya zhyintu zhyoonse kuli nguwe, mukubamba luumuno kwiinda mu bulowa bwa aciciingano, nohyiba zhyintu zhyamunyika nozhyiba zhya kujulu. ²¹ Kuciindi cimwi amwebo mwakali liswaanganyinye alimwi abuzangi mu mizeezo alimwi amukucita bubi. ²² Pesi ono wamu swaanganya amubili wakwe kwiinda mukuhwa kumupa mwebo mbuli basalala, banyina butongo, alimwi atala akutamikizhyeiwa kumbele kwakwe, ²³ naa ncoboni mwazumanana muluhyomo, kuzunyana aku zhyandamana, kuta ngwihiwa kubu langizhyi bwa mulumbe oyo ngomwakavwa, walo wakakananwa kumuntu woonse mulenge anhyi ajulu. Oyu ngomulumbe mebo ndi, Paulo, ngwinda kabelele mutwangwa. ²⁴ Ono ndakomana mukupengela ndimwe, alimwi ndasumpula mubuyani bwangu eco cibulile mukupenga kwa Klisto kaambo kamubili, icili ncikombelo. ²⁵ Nci kombelo eci ncibelele mutwanga, kweendelana abuyobozhyi kuvwa kwa Leza obo bwa kapewa kuli ndime, mu kuzuzukizhya izwi lya Leza. ²⁶ Aya maseseke aka hisilwe kwa misela alimwi amazhyalana pesi ono ca zubululwa ku bantu ba Leza basalala. ²⁷ Nkukuli mbabo Leza mbayanda kuzhyibya buhubi bwa bulemu bwa mahise aya akati kaba Gentiles, uuli ngu Klisto uuli muli ndimwe, bulangizhyi bwa bulemu. ²⁸ Tula mwaamba, ku cenjezhya muntu oonse alimwi akuyiihya muntu oonse abusongo, kutewa tupe muntu oonse kuli Klisto kahimine. ²⁹ Kuli ceeci ndabeleka alimwi akukakatila ku nsana zhyakwe ezhyi zhyili mukubeleka muli ndime mu nsana.