¹ Nyanda kuti muzhyibe bukando bwaku kakatizhya mbundakwete kuli ndimwe, kuli baabo bali ku Laodicea, alimwi kubanji batana bwene buhyu bwangu mubuyani. ² Ndabeleka kutewa myoyo iyuminhyiwe kwiinda mukuletwa antoomwe mu luyando alimwi amu buvwubi boonse bunzwile kuhyomezhyewa kwa kuteelela, mu luhyibo lwa maseseke aa Leza, oyo ngu, Klisto. ³ Muli nguwe boonse buyobonhyi bwa busongo alimwi aluhyibo molu hisilwe. ⁴ Ndaamba boobo kutewa kubulenaba omwe umucenga akwaamba kwa kukwelelezhya. ⁵ Nakuba kuti nhyeli andinywe mubuyani, pesi ndi andimwe mumoza. Ndatangala kubona bube bweni bubotu alimwi akuyuminhyiwa kwa luhyomo lwenu muli Klisto. ⁶ Mbuli mbomwakatambula Klisto Jesu Mwami, mweende muli nguwe. ⁷ Amube amiyanda muli nguwe, amuyakwe alinguwe, amuhime muluhyomo mbubona mbomwakayiihiwa alimwi mwaangwe mukulumbaizhya. ⁸ Mubone kuti kubule uumubwezya mwebo kwiinda mubupampu alimwi amulucengo lwabuyo, kweendelanyana atunhyiyanhyiya twabantu, kuhumina kumywoza yamanimani yanyika, alimwi kutali kuhumina kuli Klisto. ⁹ Nkaambo mulinguwe boonse buzulile busa Leza bupona muciimo camubili. ¹⁰ Mwazuhiwa mulinguwe, uuli ngumutwe wa buleli alimwi abweendelezhyi boonse. ¹¹ Mulinguwe mwa kapalulwa a lupalulo lutacitwa abantu kwiinda mukuguhya buyani bwa mubili, pesi mubupalule bwa Klisto. ¹² Mwakazhyikkwa anguwe mukubbizhyiwa, alimwi mulinguwe mwakabuhiwa kwiinda muluhyomo munsana zhya Leza, walo wakamubuhya kuhwa kubahu. ¹³ Nomwakahwile munsotoko zhyenu alimwi a mukutapalulwa kwa buyani bwenu, wakamupa buumi antoomwe anguwe alimwi wakatulekelela swebo nsotoko zhyesu. ¹⁴ Waka mwaya bulembo bwakalembelwe bwamilandu yabuzangi kulindiswe amalailile aayo. Wakaiguhya kwiinda mukugagailwa a ciingano. ¹⁵ Wakanyanga baleli alimwi abeendelezhyi alimwi wakacita antangalala cuuso cabo, kubakoma balo kwiinda mu ciingano. ¹⁶ Aboobo, akubule naba omwe uumubeteka mukulya naa mukunywa, nakuba kumapobwe nouba mwezhyi upya, nokuba kukwatikizhya mazuba aa nsabata. ¹⁷ Eezhyi zhyinvwule zhyahyintu zhyiboola, pesi mubili ngu Klisto. ¹⁸ Akubule naba omwe uuyanda buntu alimwi akukomba bangele amubeteke mwe kuhwa kubulumbu bwenu. Muntu wamuhyobo ooyo unjila munzyintu zhyabona alimwi watukumuka kakunyina kaambo kwiinda mukuyeeya kwa buyani bwakwe. ¹⁹ Takwatilili kumutwe. Nkuhwa kumutwe amubili woonse kwiinda muma nungo aawo alimwi amilambi yaswaanganya antoomwe, ila komena abukomehyi bupewa a Leza. ²⁰ Kuti wakahwa antoomwea Klisto kumyoza mibi ya nyika, nkaambo nhyi ncopona mbuli uuswaangene anyika: ²¹ "Utabo nonguma, nokuba kulabila, nokuba kukwata"? ²² Zhyoonse hintu eezhyi hiyakumana mukubeleka, buli mulawo alimwi akwiihya kwa ba malombwana. ²³ Milawo eeye injisi mukabone bwa busongo, amabambe abo mukupaila kwabo mu buntu alimwi akubamba mibili yabo. Pele banyina kusumpuka kwa manyama.