¹ Nobayandwa, mutaihvwumini myoza yoonse. Mweelele, kwiisunkasunka myoza kutewa mubone kuti naa ihvwa kuli Leza, nkaambo bahinhyimi bakubeja banji bamwaya kuya munyika. ² Mbobuya mbomunga mwauzhyiba Moza wa Leza- ikuhwumbwa moza uuhvwumina kuti Jeso Klisto wakaboola munyama uhvwa kuli Leza, ³ alimwi kuhwumbwa moza uutahvwumini Jeso tauhvwi kuli Leza. Uyo ngomoza wahikulwana Klisto, Ngomwakanhvwa kuti ulaza, alimwi ono nkwali kale munyika. ⁴ Mwebo mwakahvwa kuli Leza, nobana, alimwi mwabakoma balo, nkaambo uyo uuli muli ndimwe mukando kwiinda ooyo uuli munyika. ⁵ Bakahvwa munyika; nkakaambo ncobaamba izhya munyika, ayalo inyika ilateelela kuli mbabo. ⁶ Twakahvwa kuli Leza. Kuhwumbwa umuzhyi Leza ulatuteelela swe. Uyo uutahvwi kuli Leza tatuteeleli swe pe. Muli kaako motu zhyiba moza wamuhimpe amoza wakubeya. ⁷ Nobayandwa, atuyandane umwi aumwi, nkaambo luyando luhvwa kwa Leza, alimwi oonse uukwete luyando uzhyalwa kwa Leza alimwi ulimuzhyi Leza. ⁸ Muntu uunyina luyando tamuzhyi Leza, kayi Leza ngu luyando. ⁹ Nkaambo kayaaya luyando lwa Leza ncolwaka yubununwa akati kesu, kuti Leza watuma mwanaakwe alike munyika kutewa swe tupone akaambo kakwe. ¹⁰ Oomu muli luyando, kutali kuli swebo twakayanda Leza, pele kuti ngu wakatuyanda, akuti wakatuma mwanaakwe kuzakuba cituuzhyo camilandu yesu. ¹¹ Nobayandwa, naa kuti Leza wakatuyanda, aswebo tweelele kuyandana muli cesu. ¹² Kunyina iwakabona kale Lesa. Naa twayandana Leza ulakkalilila muli ndiswe, aluyando lwakwe lulalondoka muli ndiswe. ¹³ Obuya inga twazhyiba kuti tulimulinguwe awalo uli mulindiswe, nkaambo watupa umwi moza wakwe. ¹⁴ Alimwi , twakabona akulungulula kuti Taata wakatuma mwanaakwe kuza kuba mununi wanyika. ¹⁵ Kuhwumbwa uyo uuhvwumina kuti Jeso ngo mwanaa Leza, Leza ulakkalilila muli nguwe awalo ulakkalilila muli Leza. ¹⁶ Alimwi, twakaluzhyiba akuluhyoma luyando ndwakwete Leza kuli ndiswe. Leza ngo luyando, alimwi ooyo uukkalilila mu luyando oolu ulakkalilila muli Leza, awalo Leza ulakkalilila muli yooyo. ¹⁷ Nkaambo kaceeci, luyando oolu lwalondolwa akati kesu, kutewa tuka kwate kaanzambwene mubuzuba bwa lubeta, nkaambo mbubona mbwabele, aswebo mbubona mbotubele munyika iino. ¹⁸ Kunyina bukandu mu luyando. Kakuli, luyando lwini lwini lulatanda bukandu, nkaambo bukandu bweenda acisubulo. Pele ooyo uukanduka tana kululamwikwa mu luyando. ¹⁹ Tulayanda nkaambo Leza ngu wakataanguna kutuyanda swe. ²⁰ Kuti umwi waamba, "Ndamuyanda Leza" pele ulasula munyina, ooyo mubehyi. Kayi ooyo uutayandi munyina, ngwabona, takonzhyi kuyanda Leza, ngwatana kubwene. ²¹ Alimwi, ooyu ngomulawo ngotwakayaana kuli akuyanda munyina.