¹ Kamulanga mbolubele oolu luyando ba Taata ndobatupa swebo, kuti tubandwe kuti tuli bana ba Leza, alimwi mbotubele. Muli kaaka, inyika taituzhyi pe, nkaambo tiyakamuzhyi. ² Nobayandwa, ono tuli bana ba Leza, kwamana takuna kuyubululwa mbotuya kuba. Tuli zhyi kuti walo Klisto wapompa, tuyaakuba mbuli nguwe, kayi tuya kumubona umbona mbwabele. ³ Ikuhumbwa yooyo uukwete bulangizhyi obu ulalisalazhya ulwakwe mwini mbubona mbwasalala. ⁴ Oonse uyo uubihya ucita micito yakubula mulawo, nkaambo cinyonyoono nkusotoka mulawo. ⁵ Ncomwizhyi kuti Klisto wakayu bwininwa kuti abweze zhyinyonyoono, alimwi walo muli nguwe kunyina cibi. ⁶ Kunyina naba omwe uukalilia muli nguwe uunga wazumanana kubihya. Kunyina naba omwe uuzumanana kubihya iwakamu bona nokuba kumuzhyiba. ⁷ Nobana, mutaleke naba omwe kumusowa. Uyo uucita zhyiluleme nguu luleme, mbuli Klisto mbwaluleme. ⁸ Uyo uucita zhyinyonyoono uhvwa kuli dyabooli, nkaambo dyabooli wakabihya kuhvwa kumakankilo. Nka kaambo aaka Mwana a Leza ncaka yubwininwa, kutewa aze kuyaye milimo ya dyabooli. ⁹ Ooyo oonse uzhyelwe kuhvwa kuli Leza tazumanani kubihya, nkaambo inseke yakwe Leza ilakalilila muli nguwe. Takonzhyi kuzumanana kubihya nkaambo waba muzhyale kwa Leza. ¹⁰ Muli kaaka bana ba Leza abana ba dyabooli moba zubulilwa: Kuhwumbwa yooyo utaciti zhyiluleme tahvwi kuli Leza, nokuba yooyo utayandi munyina. ¹¹ Nkaambo uyu ngo mulumbe nkumwakateelela kuhvwa kuma kankilo: Kuti tweelele kuyandana. ¹² Tutakoyi mbuli Cain, uwakahvwile kumubyaabi naa kayaya munyina. Ino wakamuyayila nzhyi? Nkaambo milomo yakwe walo yakali mibyaabi yalo ya munyina yakali kululeme. ¹³ Mutakankamani, nobakwesu, naa inyika ya musula mwebo. ¹⁴ Tulizhyi kuti twakainda kuhvwa kuluhwa kunjila ku buumi, nkaambo tula bayanda ba kwesu. Uyo oose uutayandi ulahyaala muluhwu. ¹⁵ Kuhwumbwa yooyo uutayandi munyina mujayi. Mwebo mulizhyi kuti kunyina mujayi uukwete buumi butamani muli nguwe. ¹⁶ Mbobo buya mbotuluzhyiba luyando, nkaambo Klisto waka tuulila ndiswe buumi bwakwe. Aswebo tweelela kutuulila bakwesu maumi eesu. ¹⁷ Pele kuhwumbwa uukwete lubono lwa munyika, wamana wabona munyika wabula, naa wajala moyo wakwe walubomba kuli nguwe, ino inga luyando lwa Leza lwakala buti muli nguwe? ¹⁸ Nobana bangu, katutayandi buyo mukwaambana a mulomo, pele atuyande mumicito amumahimpe. ¹⁹ Mbobolya mbotunga twazhyiba kuti tuhvwa kukahimpe, alimwi tulahyomezhya myoyo iyesu kumbele lyakwe. ²⁰ Kayi kuti naa myoyo iyesu yatu hinganya swe, Leza mukando kwiinda myoyo iyesu, kwamana ulizhyi zhyintu zhyoonse. ²¹ Nobayandwa, naa kuti myoyo iyesu kaita tuhinganyi, tukwete kaanzambwene kuli Leza. ²² Kuhwumbwa ncotulomba tuyakupewa kuhuwa kuli nguwe, nkaambo tulabamba milawo yakwe akucita zhyintu izhyimubotela kumbele lyakwe. ²³ Ngooyu mulawo wakwe: kuti tweelele kuhyoma muzhyina ilya Mwana akwe Jeso Klisto akuti katuyandana umwi aumwi, mbubona mbwaakatupa mulawo uyu. ²⁴ Uyo uubamba milawo ya Leza ulakalilila muli nguwe, awalo Leza ulakalilila muli nguwe. Mbobuya mbotuzhyiba kuti ulikalilile muli ndiswe, kwiinda mu Moza ngwakapa kuli ndiswe.