¹ Nga ulelya icakulya na kateka, uleishiba bwino ifyakulya filipo. ² Nga uli ne nsala iyakuluka umulopa, uleeteka umutima. ³ Wilapupumina fyakulya ifiwamishepo ifyo akutebete, pantu limbi kuti emo akuteyeela. ⁴ Wilacululka pakuti umone ubukankala, nga u;li wa mano kusulakofye. ⁵ Ifyuma kuti wakwata nomba waluba napo file, kwati fintu fimenene amapindo nokupupukila mu mulu kwati ni kapumpe. ⁶ Wilalya fyakulya fya muntu wa bupapa, wilakumbwa fyakulya fyakwe ifya wamisha. ⁷ Pantu uutontonkanya lyonse pafyo aposelepo. kuti akweba ati, ''Akulya nokunwa,'' nomba ninshi ali nakamo akalemukolola ku mukoshi. ⁸ Ala kuti waluka nakapande ulile, nefyo wacilamulumbanya fyabula nabulole. ⁹ Wilalanda ifintu kucipuba, pantu ena teti amonemo ubusuma mufyo iwe ulelanda. ¹⁰ Wilasesha mipaka yakale iyafitungu, nangu ukwingila mu mabala yaba kashiwa. ¹¹ Pantu ndubulwila wabo wamaka, akabula umulandu wabo nokubalubulwilako. ¹² Ulebika umutima ku mano yakwishiba ifintu, kabili uleteya amatwi kufyo balekufunda. ¹³ Wilafilwa ukukalipila umwaice, ukukapa ubwembya ala tekumwipaya. ¹⁴ Wilatina ukumufyapa ubwembya, ala ekupususha umweo wakwe ku calo ca bafwa. ¹⁵ We mwana wandi umwaume umutimaovbe nga wakwata amano, ninshi naine nkatemwa icibi. ¹⁶ No mutima wandi ukanga ne nsansa, ilyo akanwa kobe kakalanda ifyalungama. ¹⁷ Wilakumbwa ababufi mu mutima obe, lelo lyonse iwe uleba na katina kuli Yawe. ¹⁸ Lyena ngefyo wakulacita, awe ninshi walala washuka, ifintu usubile fikafikilisha. ¹⁹ Umfwa kuno, we mwana wandi ala iwe uleiuluka mu fintu, uletungulula umutima obe mu nshila iisuma. ²⁰ Iwe wilaenda nabacakolwa wabwalwa, nangu abaikalila ukuipakisha inama. ²¹ Pantu bacakolwa naba katubi baiposa abene mubulanda, ukushipula nako kusapwisha umuntu. ²² Uleumfwa kuli bawiso abakufyele, iwe tecakwesha kusula banoko ilyo bakota. ²³ Icishinka, amano, ubupete, ukusalapuka, ifi fintu efyalinga ukuposelapo indalama, nomba awe tecakwesha ukufitisha iyoo. ²⁴ Wishi wamwana umuloloke alasangalala, uwafyala umwana wamano, ee alacankwa. ²⁵ Leka bawiso nabanoko balecankwa, leka nabanoko abakufyele baleanga ne nsansa. ²⁶ We mwana wandi, bika umutima obe kuli ine, na menso yaboe yasekelele mu mibele yandi. ²⁷ Pantu cilende aba ngo bucinga ubutali nomwanakashi umbi umbi aba nge cishima icinono mu bufumo. ²⁸ Cacine alabelamina nge cipondo; kaboili alenga abaume abengi ukupondoka. ²⁹ Nani uuli nobulanda? Ninani uuli namalangulushi? Ninani uuli na lubuli? Ninani uuli namasakamika? Ninani uuli ne filonda apabukla umulandu? Ninani uuli na menso ayakashika? ³⁰ Abakokola pa mwangashi abaya balefwaya fwayafye uukali. ³¹ Wilolesha umwangashi ilyo wakashika, ilyo wabengashima muli kapu, ilyo ulepita pa mukoshi. ³² Panuma uusuma nge nsoka, kabili ufumya ubusungu kwati lifwafwa. ³³ Amenso yobe yakamona ifyeni, nomutima obe ukasosa ifyabupa. ³⁴ Kabili ukba ngo uusendeme munda ya bemba, nga uusendeme pamulu wa mulongoti wa ku bwato. ³⁵ Ukatila, ''Nabampuma, lelo tafikalipe; nabanguma ukwabula nokutila njishibe. Nililali nalashibuka? Ndefwailapo naumbi.''