¹ Umutima wa mfumu mulonga wa menshi mu minwe yakwa Yawe; autwala konse uko alefwaya. ² Inshila ya muntu onse yalilungama mu menso yakwe, lelo ni Yawe uumona imitima. ³ Ukucita icalungama nokucefya cili icapokelelwa kuli Yawe ukucila ilambo. ⁴ Amenso ya cilumba no mutima uwayanga ni nyali yabubifi lubembu. ⁵ Amapange yawacenjela yamutwalafyeku kufikilisha, lelo uyo onse uutita mukwangufyanya cimuletafye ku kubulwa. ⁶ Ukunonka ifyuma mululimi lwakubepa cimwela cilepupusha kabili citeyo ico icipaya. ⁷ Icimfulunganya cababifi cikabaletelela, pantu balakana ukucita icalungama. ⁸ Inshila ya muntu uwamilandu yaba iyanyongana lelo uyo uwasanguluka acita icalungama. ⁹ Cawama ukwikala pacifutu ca mutenge ukucila ukwikala mu ng'anda nomukashi uwabulake. ¹⁰ Ici icilaka camubifi cifwaisha ifyabipa; umwina mupalamano tasangamo ukulangulukilwa mu menso yakwe. ¹¹ Ilyo uupumya bamukanda, imbulwa mano eko shicenjelela, kabili ilyo umuntu uwa mano bamupela ifyakukonka alalundapo ukwishiba. ¹² Umuntu uwalungama abebeta ing'anda ya muntu umubifi; aleta abantu ababifi kukucula. ¹³ Uyo uucilika amatwi kukulila kwa mulanda, nao akalilisha, lelo takasukwe. Icabupe camubumfisolo cinasha ubukali. ¹⁴ Nefisa kanwa lya cabupe lya kupelwa ukukosha icipyu. ¹⁵ Ilyo umutende wacitwa, uleta ukusekelela ku muntu umulungami, lelo uleta ifyabipa kuli ncita tubi. ¹⁶ Umo uufuma mu nshila ya mano, akatusha mulukuta lwa bafwa. ¹⁷ Onse uwatemwa umusamwe akaba umupina; umo umo uwatemwa umwangashi namafuta takabe umukankala. ¹⁸ Umuntu umubifi ecakulubwilako umuntu umulungami, kabili umuntu incenjeshi ecakulubwilako abantu. ¹⁹ Cawama ukwikala mu ciswebebe ukucila nokulaka nomukashi uwakalipa. ²⁰ Icuma icisuma namafuta fisungwa mubwikalo bwa wamano, lelo umuntu umuwelewele akafyonaula fyonse. ²¹ Umo uucita icalungama kabili uwacikuku uyu muntu akasanga umweo; ubulungami nobukata. ²² Umuntu uwamano nanyina umusumba wabamo abamaka, nokuleta panshi icakosa ico bacetekelamo. ²³ Uulama akanwa kakwe nolulimi aisungilila umwine kubulanda. ²⁴ Ukwanga no muntu uwacilumba ''Uupumwa'' ²⁵ Ukukabila kwa munang'ani kukamwipaya, pantu iminwe yakwe ilakana ukubomba. ²⁶ Akasuba konse afuluka ifyo afwaisha, lelo umuntu umulungami alapela kabili tapokolola. ²⁷ Ilambo lyababifi cabunang'ani; ilyo ²⁸ Inte yabufi ikafwa, lelo uumfwa akalanda inshita yonse. ²⁹ Umuntu umubifi apanga icinso cakwe ukukosa, lelo umuntu umulungami alungika imibele yakwe. ³⁰ Takwaba amano, takwaba ukwishiba, kabili takwaba kupanda amano ayengemininako kuli Yawe. ³¹ Kabalwe aipekanya pabushiku bwa nkondo, lelo ubulumbuka kwaba kuli Yawe.