¹ Umwangashi wa miponto ne cakunwa icamaka ca mpoma;ilyo onse uupumbukilako taba na mano. ² Icintinya ca mfumu caba ne cintinya ca musepela wankalamo iilebuluma; umo ilyo alenga ena ukukalipa abembukila ubumi bwakwe. ³ Bukata kuli onse ukutaluka ku kukansana, lelo umuwelewele onse acilukilamo. ⁴ Umuntu umunang'ani talima pa mwela; alombelesha ifisabo panshita yakusombola lelo takakwate nangu cimo. ⁵ Icikalamba ica mu mitima wa muntu caba kwati menshi ayashika, lelo umbifye uwailuka eukatapamo. ⁶ Abantu abengi onse abila icikuku cakwe, lelo uwingasanga umo uwacishinka? ⁷ Umuntu umulungami endela muli bumpomfu bwakwe, na bana bakwe abakonka pali ena ba kapalwa. ⁸ Imfumu iikele pacipuna caiko ilebomba incito ya kwa kapingula ilelekanya na menso yaiko ububi bonse ubli panuma yaiko. ⁹ Nani engatila, ''Nisunga umutima wandi uwapwililika; Nisunga ukufuma ku lubembu lwandi?'' ¹⁰ Ifyakupiminako ukufina ne fipimo ifyapusana Yawe alifipata fyonse. ¹¹ Nangufye umwaice eshibikilkwa ku micitile yakwe, nga cakutila ifyo acita nga fyalipwililika no kulungama. ¹² Amatwi ayomfwa na menso ayamona Yawe ewapangile fyonse. ¹³ Wilatemwa kulala epali waisaba mucipowe; isula amenso yobe elyo ukakwata ifingi ifyakulya. ¹⁴ ''Cibi! Cibi!'' efyatila kashita, lelo nga aya alaitakisha. ¹⁵ Kuli golde elyo na mabwe ayashishitwa, lelo imilomo yakwishiba fipe fyaumo mutengo. ¹⁶ Bula icakufwala ca umo uyo wabika ubucingo pa mweni, nokucikata mu cilayo nga cakuti abika ubucingo pa mwanakashi umbi umbi. ¹⁷ Umukate uwakukwata mu kubepa umfwika uwalowa, lelo panuma akanwa kakwe kesulamo insakalabwe. ¹⁸ Amapange yeshibikwa mukupandwa amano elyo ni kubutungulushi bwa mano mwingapimina ubulwi. ¹⁹ Uwalwambo asokolola inkama eico mwiampana na bantu abalanda sana. ²⁰ Nga cakuti umuntu atipa wishi nangu nyina, inyali yakwe ikashima pakati kakufita. ²¹ Ifyakupyaninina ifyakunonka mulubilo pakutampa fikabomba ububi pakulekelesha. ²² Witila, ''Ndi nokubwekesha pali ubu bubi!'' Lolela Yawe nao akakupususha. ²³ Yawe apata ifyakupiminako ukufina ifyamisango ibili na sekelo iishili yacishinka ta yawama. ²⁴ Intampulo sha muntu shitungululwa na Yawe; nga kanshi kuti ailuka shani inshila yakwe? ²⁵ Citeyo ku muntu ukupama ukutila, ''Ici cintu camushilo,'' no kutampa ukutontonkanya pafyo cilepilibula ilyofye apanga umulapo wakwe. ²⁶ Imfumu ya mano ilalekanya ababifi kabili ipilibula kwati mupeto pali bena. ²⁷ Umupashi wa muntu ni nyali yakwa Yawe, uufwaya monse mufipande fyakwe ifyamukati. ²⁸ Icikuku ne cinshika filinde mfumu; ne puna caiko icabufumu capangwa no bucingo bwa kutemwa. ²⁹ Ubukata bwaba lumendo maka yabo no bucindami bwa bantu abakote nimfwi sha mushishi wabo. ³⁰ Ifikwebaulwa ifipanga ifilonda ukuwamya ifibi elyo impumo shipanga bwino ifipande fya mukati ubusaka.