¹ Cawamapo ukukwata umutende no bufungau bwa mukate ubwauma ukucila ing'anda iyaisulamo umutebeto no bunkalwe. ² Umubomfi wa mano akateka umwana uulenga insoni kabili akakana ne cakupyaninina nga umo uwa mubana ba ng'anda ³ Icakwengulwilapo cabelapo silfere ne lungu ilyabelako golde, lelo Yawe euwamya mu mitima. ⁴ Incita tubi iteya amatwi ku milomo ya mubifi; uwabufi apepeka ukutwi ku lulimi lwa bonaushi. ⁵ Onse uupumya umubusu atuka uwamumpanga no uusangalala pe shamo lya munankwe takabe uwakaele. ⁶ Abeshikulu e cilongwe cabakote na bafyashi baleta ubucindami ku bana babo. ⁷ Ukulanda kuwacindama takwawamina cipumbu; pali bufi imilomo ya bufi tayawamina intungulushi. ⁸ Ifisa kanwa lyaba nge libwe lya bucenjeshi kuli cibinda waliko uubomba konse uko ayalukila. ⁹ Onse uusula ku cilubo afwaya icitemwiko, lelo uwibusha umulandu alekanya icibusa. ¹⁰ Ukukalipila kwingila mukati ka muntu uwiluka ukucila ukuma umwanda umo mu cipumbu. ¹¹ Umuntu uucita ububi afwayafye bucisanguka eco inkombe iyabunkalwe ikatumwa kuli ena. ¹² Cawamapo ukukumanya bere uo bapoka abana ukcila ukukumanya icipumbu mu bupumbu bwa ciko. ¹³ Ilyo umuntu umo abwesha ububi pa busuma, ububi tabwakashe ing'anda yakwe. ¹⁴ Ukutendeka kwa ntulubundi kwaba nga umo uuleka amenshi ukuya konse konse, eco taluka ku kumana libe takulatendeka ¹⁵ Umuntu uupela umubifi insambu no muntu uupela umulungami umulandu bonse ba muselu kuli Yawe. ¹⁶ Cinshi icipumbu cingapelela ulupiya pa kusambilila ukuba na mano, ilyo tacikwete umutima waku sambilila ukuyakwata? ¹⁷ Icibusa citemwa mu nshita shonse kabili munyina afyalilwa inshita shamafya. ¹⁸ Umuntu wabula amano alaibika mu mulandu wa munankwe nokuba umwine wa misha ya mwina mupalamano. ¹⁹ Onse uwatemwa intulubundi atemwa ulubembu; umutnu uwatemwa ukuitutumuna afwaya ukufunaulwa. ²⁰ Umuntu wa mutima wa bupondamishi tasanga icisuma; uwakwata ululimi lwa bufi aponena mu bwafya. ²¹ Onse umufyashi wa cipumbu ailetelela ubulanda; kabili wishi wa cipumbu takwata ku sansamuka. ²² Umutima wa nsansa muti uusuma; lelo umupashi uwafunshika umika amafupa. ²³ Umuntu umubi alapoka ifisakanwa mubumfisolo pakupondamika inshila sha bupingushi. ²⁴ Uwiluka alosha icinso cakwe pa mano, lelo amenso ya cipumbu ya lolesha mu mpela ye sonde. ²⁵ Icipumbu ca mwana bulanda kuli wishi kabili cakulungulusha ku mwanakashi wa mufyele. ²⁶ Kwena, tacingaba icisuma uku kanda umuntu umulungami; nangu ukusansa intungulushi sha mano. ²⁷ Uwakwata ukwishiba abomfya amashiwi yanono no wakwata ukwiluka alateka umutima. ²⁸ Ne cipumbu cine cibikwa uwa mano nga nacikala tondolo; nga caisala akanwa kaciko cilingwa ukuba uwacenjela.