¹ Amapinda yakwa Solomoni umwana mwaume wakwa David, imfumu ya bena Israel. ² Aya mapinda yakufunda amano yacifyalilwa ne nkonka, nokufunda icebo ca mucetekanya, ³ ukuti mwingapokelela inkonka mumutende mukwikala abacishinka, abamulinganya kabili aba tambalala. ⁴ Aya mapinda kabili yapela amano yacifyalilwa ukucenjela, nokubapela amano nokulingulula ku mulumendo. ⁵ Lekeni umuntu uwa mano omfwe nokulanda ifyo asambilila, nokuleka umuntu uwa mucetekanya akwatilemo ubutubululo. ⁶ Ku kumfwa amapinda, insoselo, namashiwi ya muntu aba mano neficoleko fyabo. ⁷ Akatina kakuli Yawe entendekelo yakwishiba amano elyo aba welewele basula amano ya cifyalilwa. Nefyakukonka we mwana wandi umwume. ⁸ We mwana wandi umwaume, kutika ifyakukonka fya kwa wiso kabili wisula amafunde yakwa noko. ⁹ Pantu ifi ecisote ca maluba icayemba ku mutwe obe na kamungololo aka kufwala ukufuma mu mukoshi obe. ¹⁰ We mwana wandi umwaume, nga ba bembu ba kutunka ukuwila mulubembu lwabo, wisumina nokukonka bena. ¹¹ Nga batila, ''Isa kuli ifwe, lekeni tubelamine umulopa, lekeni tufisamine abakaele nokubepaya abantu ababula umulandu. ¹² Lekeni ifwe tuba mine aba mweo, pamo nge nshinshi iisenda abatuntulu, nokulenga bena kwati nyabo abatentemukila ku cilindi. ¹³ Tukasanga imisango yonse iya fyuma ifya kosa umutengo; natwisushe amayanda yesu kufyo twaiba umufuma kuli bambi. ¹⁴ Icakupendwilapo cobe poneshe mufyesu; tufwile uku kwatafye tumba umo uwakuposamo bonse. ¹⁵ Mwana wandi umwaume, wienda nabo, wileka ulukasa lobe lukumye umo baleenda. ¹⁶ Amakasa yabo nikububi eko yabutukila nokwangufyanya mukusumya umulopa. ¹⁷ Pantu waicusha fye nga wateya ubukonde elyo icuni cilemonako. ¹⁸ Aba bantu bafisama nokulolela umulopa wabo babelamina abakaele pakuti babepaye. ¹⁹ Kanshi efyaba imibele yabonse abo aba sanga ubunonshi mubucenjeshi; ubucenjeshi bwabo bupoka ubumi bwaba bwikatila. ²⁰ Amano yacifyalilwa yacila ukubikisha mumusebo, mumansa yasansula ishiwi lya yako; ²¹ ku mpela ya musebo ukwaba impooma yalabilikisha, muminshi ya mpongolo sha musumba yalasosa. ²² ''Mukafisha lilali, mwe bantu mwe mpelwa amano, mukatemwaa ukubulwa amano? Kufika lilali, mwe batumfya, ilyo mukasaminwa mukutumfya, elyo nililali, imwe mwe fipuba, mukafisha ukupata amano? ²³ Umfwileni ukufunda kwandi nokuleka ukucita ifyabipa, elyo nkapongololwela amatontonkanyo yandi kuli iwe; nkalenga amashiwi yandi ukwishibikwa kuli imwe. ²⁴ Nalimwita, naimwe mwakene ukumfwa; natambike ukuboko kwandi, lelo takwali nangu umo uwaposeleko amano. ²⁵ Lelo imwe musula fyonse ifyakukonka fyandi nangula umo uuposako amano mukulungika kwandi. ²⁶ Nka museka mukucula kweu, nka mutumfya ilyo ica kucinya cikesa. ²⁷ Elyo icakumumfwisha umwenso cikesa nge nkunta kwati ni nkuba nobonaushi, ²⁸ Elyo bakalila kuli ine, naine nshakasuke; bakafwaya ukwita pali ine, lelo tabakansange. ²⁹ Pamulandu bapatile amano nokukana sala akatina kakuli Yawe, ³⁰ lelo bakene ukukonka ifya kukonka fyandi basulile nokulinguluka kwandi konse. ³¹ Bakalya ifisabo ififuma mubibele yabo, nefisabo ifya mumapange yabo efyo bakekuta. ³² Pantu ukupilibuka kwa bapelwa amano kukabepaya, ukupusana kwa fipuba kuka bonaula bena. ³³ Lelo uukomfwa kuli ine akekala umutelelwe no kutusha umutnde ukwabula ukutina icinkunka.''