¹ We mwana wandi umwaume, nga wapokelela amashiwi yandi no kusunga amafunde pamo naiwe, ² lenga amatwi yobe yakwate ukumfwa ifyamano nokwalula umutima obe kukwiluka. ³ Nga walila kukumfwikisha nokwimya ishiwi lyobe pali ici, ⁴ nga wafifwaisha kwati fintu wingafwaya silfere kabili wafwailisha pakumfwikisha kwati fintu winga fwailisha ifyuma fyafiswa, ⁵ elyo ukeluka akatina kakwa Yawe kabili uli nokusunga amano yakwa Lesa. ⁶ Pantu Yawe apela amano, ukufuma mukanwa kakwe mufuma ukwishiba nokwiluka. ⁷ Asungila amano yene yene pai bonse abapapata ena; nikwele pali bonse abenda muli bumpofu; ⁸ Alonda inshila sha bupingushi kabili akacingilila inshila sha abo ababa abacishinka kuli ena. ⁹ Elyo uli nokwiluka ubulungami, ubupingushi nobufuma cumi, nenshila yonse iisuma. ¹⁰ Pantu amano yakesa mumutima obe, kabili ukwishiba kukaba icisuma mumweo obe. ¹¹ Ukulingulula kukakulinda, ukwiluka kukakucingilila. ¹² Fikakupususha ukufuma munshila shabipa, ukufuma kuli bonse abalanda ifintu fyakupulula, ¹³ abafuma ku nshila sha cine nokwenda munshila sha mfifi. ¹⁴ Basekelela ilyo bacita ifyabipa nokubekelwa mukupuluka kwa bipa. ¹⁵ Ba konka inshila shapetama, nokubomfya ubucenjeshi balifisa inshila shabo. ¹⁶ Amano nimibele iisuma fikakupususha ku mwanakashi umucende, ukufuma kumwanakashi umbi umbi na kumashiwi yakwe ayakubeleleka. ¹⁷ Alilaba nefibusa fyakuli bumusepela bwakwe nokulaba icipangano cakwa Lesa wakwe. ¹⁸ Pantu ing'anda yakwe itungululwa ku mfwa ne nshila shakwe shikatungulula iwe kuli bonse abali mumanda. ¹⁹ Bonse abaya muli ena tabakabwele nakabili nokusanga inshila sha mweo. ²⁰ Eico uli nokwenda mu nshila sha bantu abasuma nokukonka inshila shabantu abalungami. ²¹ Pantu bonse abacita ifisuma bakakula amayanda mu calo, na bonse abampofu abakekala muli cena. ²² Lelo ababifi bakaputulwa ukufuma mu calo, nabasha bacishinka bakaputulwa ukufuma muli cena.