¹ Ubukombe bwa palwa Ninefe. Icitabo ca cimomwa cakwa Nahumu, umwana Elkoshite. ² Yawe ni Lesa wabufuba kabili alalandula; Yawe alalandula kabili aisulamo icipyu; Yawe acita icilandushi pa balwani bakwe, kabili atwalilila ubukali pa balwani bakwe. ³ Yawe alakokola ukukalipa kabili mukulu mu maka; takaleke ababi ukuba abakaele. Yawe apanga inshita yakwe muli kankungwe na mu cipupu, kabili amakumbi elukungu lwa makasa yakwe. ⁴ Alakalipila bemba nokumulenga ukukama; alakamya imimana yonse. Bashani ali uwanaka kabili na Karmele cimo cine; amaluba yamu Lebanoni naya bonsa. ⁵ Impili shilatenkana pa cinso cakwe, notupili tulasunguluka; isonde lilabongoloka pa cinso cakwe, mu ciine icalo na bantu bonse abaikalamo. ⁶ Nani uwingeminina ku cipyu cakwe? Nani engashansha ku cifukushi ca bukali bwakwe? Icipyu cakwe cipongololwa ngo mulilo, na mabwe yalatobaulwa kuli ena. ⁷ Yawe musuma lishintililo lyesu mu bushiku bwa macushi, kabili alaasuka abo abafisama muli ena. ⁸ Leelo akabila impela iyafikopo ku balwani bakwe ku lyeshi ilikalamba; akabakonka mu mfimfi. ⁹ Bushe mwe bantu mapange nshi yabubi mukwatile Yawe? Akabika impela iyafikapo kuli ici, ubucushi tabwakene imuku iyalenga ibili. ¹⁰ Nge myunga iyakobama kabili nge cakunwa caba cakolwa, bakocewa nge fyani fyauma. ¹¹ Ukufuma muli iwe, Ninife, nakwisa uwakwata amapange yabubifi kuli Yawe, mpandamano wa bubi. ¹² Ifi efyo Yawe asosa, ''Nangu bengaba no bulanda shani no kuba abengi nganshi, kwena bakalofiwa; abantu babo bakapita. Leelo iwe, Yuda: Nangu nakucushishe, nshakakucushe na limbi. ¹³ Nomba nkaputula lilya ikoli lya bantu balya ukulifumya pali webo; nkaputula iminyololo yobe.'' ¹⁴ Yawe napela ifunde palwa iwe, Ninife: ''Takwakabe nakabili abana abakwinikwa ishina lyobe. Nkaputulako ifilubi fyabaswa ne filubi fya engululwa ne fyela ukufuma muma yanda yatulesa tobe. Nkakupekanishisha inshishi, pantu walisuulwa.'' ¹⁵ Moneni pa mpili pali amakasa yauleleta imbila nsuma uulebila umutende! Sefya inshikunkulu shonbe, Yuda, kabili fikilisha imilapo yobe. Pantu uwabipa takakutebelele nakabili; na putulwako umupwilapo.