¹ Yawe alandile kuli Mose, ukutila, ² ''Landa ku bantu bakwa Israele, nangu umutulatulafye uli onse uwikala iyo upela abana bakwe kuli moleke, afwile lilya line ukwipaiwa. Abantu ba mumpanga bamupole ena ku mabwe. ³ Ine nkalosha icnso candi pali ulya muntu kabili no kufumamya ena mukati ka bantu pantu iwe pamulandu wakuti ena apela umwana wakwe kuli Moleke, mukukowesha icifulo candi icamushilo nokususha ishina lyandi ilya mushilo. ⁴ Nga abantu bamumpanga ilya ngabaisala amenso yabo pali ulya muntu ilyo alepela umwana wakwe kuli Moleke, nokukana mwipaya ena, ⁵ elyo ine nemwine nkalosha icinso candi pali ulya muntu no mukowa wakwe, kabili ine nkamuputulako ukufuma kuli bonse abakacita ubutangani nankwe pamo na Moleke. ⁶ Ku muntu uwayalukila kuli abo nokulanda nabafwa, nakuli abo abalnda nemipashi pakuti batalangane abene na bena, ine nkalosha icinso candi pali ulya muntu; ine nkamupulako ukufuma mukati kabalya bantu bakwe. ⁷ Eico muleisangulula mwebene nokuba no mushilo, pantu nine Yawe Lesa wenu. ⁸ Iwe ulesunga ifipope fyandi nokufisenda. Nine Yawe uwakupatwililako ngo wamushilo. ⁹ Uyo onse uwatipa wishi nangu nina icine fye afwile ukubikwa kukwipaiwa. Ena ngatipa bawishi nangu banyina wakwe, kabili ena uwamulandu nalinga ukufwa. ¹⁰ umwaume uwacita ubucende no mukashi wa mwaume umbi, uyo, uli onse nga cita ubucende no mukashi wamwina mupalamano-umucende no mwaume bonse babili bepaiwe. ¹¹ Nga umwaume alala nomukashi wakwa wishi, wene afimbula pabwamba bwakwa wishi. Bonse babili umwana no mukashi wakwa wishi balingile ukubikwa kukwipaiwa. Umulopa wabo ukabe pali bena. ¹² Nga umwaume alala nanafyala, bonse babili bena bafwile ukubikwa kukwipaiwa. Nabacita icishili cacifyalilwa. Bli abamulandu bonse balingile kukwipaiwa. ¹³ Nga umwaume alala no mwaume munkwe, ngefyo kumwanakashi, bonse babili nabacita icabunani. Bafwile mucine babikwa kukwipaiwa. Bali abamulandu balingile ukufwa. ¹⁴ Nga umwaume aupa umwanakashi pamo nanina wa uyo mwanakashi, cena bubifi. Balingile ukocewa, bonse ena no mwanakashi, pakuti pekabau bubifi pakati kabo. ¹⁵ Nga umuntu alala ne nama, afwile icine ukubikwa kukwipaiwa, iwe ufwile ukwipaya inama. ¹⁶ Nga umwanakashi apalama kunama nokulala nayo, mukepaye uyo mwanakashi ne nama ine. Bafwile ilyo line babikwa kukwipaiwa. ¹⁷ Nga umwaume abula nkashi yakwe, umwanakashi wakwa wishi nangu umwana mwanakashi wakwa nyina, nokufimbula pabwamba bwakwe, ayo no kumona ubwamba bwakwe, cintu icansoni. Bafwile ukuputulwako ku cinso cabana babntu babo. Ena nafimbula pa bwamba bwa kwankashi, eco afwile ukusenda umulandu wakwe. ¹⁸ Nga umwaume alala no mwanakashi ulikuntambi nokufimbula babwamba bwakwe, nafimbula pakuswa, na pakufumfumuka kwa mulopa wakwe. Bonse umwaume nomwanakashi ba putulwako mukati kabantu babo. ¹⁹ Iwe taufwile ukufimbula pa bwa kwa nkashi mbiye yakwa noko, nangu nkashi ya kwa wiso, pantu iwe uli nokonaula ulupwa lwa mupepi. Iwe ulingile ukuisendela umulandu obe. ²⁰ Nga umwaume alala namukanalume, ninshi nasebanya nalume, bakashingwana na mampulu yabo aya lubemb u, kabili bakafwa ukwabula abana. ²¹ Nga umwaume aupa muka munyina ilyo munyina acili no bumi, cabunani, ena nasebanya munyina, elyo naine nkabafumya kubana babo icili conse icikwatwa ico cakuti pengapyaninina ukufuma kubafyashi babo. ²² Eico iwe ufwile ukusunga ifipope elyo nefyapampamikwa fyonse; iwe ufwile ukubacindika bena pakuti impanga iyo ndekuletela iwe ukwikalamo tacikulukile iwe. ²³ Iwe taufwile ukwenda mu ntambi sha nko isho ndetamfya ukufuma ku cinso cenu, pantu bena nabacita ififyonse, naine nkabapata bena. ²⁴ Ine ndetile kuli iwe, ''Iwe uli nokupyana impanga yabo; ine nkapela kuli iwe icikwata, impanga iyakamfukumfuku ka mukaka no buci. Nine Yawe lesa wenu, uwaipatwile ku bantu na bantu. ²⁵ Eico mulelekanya pakati ka nama shasanguluka neshishasanguluka, na pakati kafyoni ifyasanguluka nefisha sanguluka. Iwe wilaikowesha we mwine kunama ishisshasanguluka nangu ifyoni nangu fyonse ifisenya panshi, ico napatula nge cisanguluka kuli iwe. ²⁶ Iwe ufwile ukuba uwa mushilo, pantu ine, Yawe ndi wamushilo, elyo ine nakupatwile iwe ukufuma ku bantu bambi, pantu iwe waba kuli ine. ²⁷ Umwaume nangu umwanakashi ulnda nabafwa nangu uulanda ne mipashi afwile ilyo line ukubikwa kukwipaiwa. Abantu bafwile babpola amabwe. Bali no mulandu balingile ukufwa.