¹ Moneni, mu nshiku shilya na mu nshita ilya, iyo nkavwesesha ba nkole bakwa Yuda na Yerusalemu, ² nkalonganika inko shonse, no kubatentemusha kumupoka poka wakwa Yehoshafati. Nkapingula bena kulya, pamulandu wa bantu bandi nobupyani bwandi Israel, abo nasalangenye mu nko, kabili pamulandu wa kwabanya icalo. ³ Baposele icipendwilo pa bantu bandi, kukukabula umulumendo pa bucende, no kushitisha, umukashana pa bwalwa ukuti benga nwa. ⁴ Nomba, cinshi mufulilwe ine, Turi, Sidone ne fitungu fyonse ifya ba Pelishiti? Bushe mukambwesesha amalipilo? Nangu mukambwesesha amalipilo, ine nkangufyanya ukubwesesha amalipilo yenu pa mitwe yenu mwebene. ⁵ Pantu mwa sendele silfere wandi na golde wandi, kabili mwaleta ifya bupe ifyawama mu matempele yenu. ⁶ Mwa shitile abantu bakwa Yuda na Yerusalemu kuba Greek, pakutila mubafumye ukutali ukufuma mu ncende shabo. ⁷ Moneni, naba pakubakumba, ukunafumya mu ncende iyo mwaba shitishemo, nokubwesha amalipilo yenu pa mitwe yenufye. ⁸ Ine nkashitisha abana benu abaume nabana benu abanakashi, pa minwe ya bantu bakwa Yuda. Bakabashitisha kubena Sheba ku luko lwa Kutali, pantu Yawe na sosa.'' ⁹ Bilisha ici mukati ka nko: ''Ipekanyeni mwebene mweka kubulwi; imyeni abaume impalume; lekeni bena bese mupepi; lekeni bonse abaume babulwi bese. ¹⁰ Fuleni ifyakuliminako ukufisangulula impanga ne myele yakutungwilako amafumo. Lekeni abanaka abatile, 'Ndi lamba.' ¹¹ Angufyanyeni nokwisa, bonse imwe mwe nko ishatupalamina; kolonganeni mwebene capamo kulya. Yawe, atentemusha umulalo wa mpalume shenu isha bulwi. ¹² Lekeni inko shime ishine sheka kwisa ku mupoka poka wakwa Yehoshafati. Pantu kulya eko nkekala kukupingula shonse inko ishashinguluka. ¹³ Bikenimo ifi kwakwa, pantu ubusomboshi na butendeka. Iseni tweni ingano, pantu ifya kukaminamo umwangashi na fisula. Ifi kunkubiti fya palala, pantu ububifi bwabo bukalamba.'' ¹⁴ Kuli icongo, icongo mu mupoka poka wa kupingwilamo. Pantu ubushiku bwakwa Yawe bwa palama mu mupoka poka wa kupingwilamo. ¹⁵ Akasuba no mwenshi nafifita, intanda na sho nashiwesha ulubuto lwa shiko. ¹⁶ Yawe akabuluma ukufuma ku Sione, no kwimya ishiwi lyakwe ukufuma ku Yerusalemu. Imyulu ne sonde fikasunkana, lelo Yawe akaba icintelelwe pa bantu bakwe, kabili icakucingilila pa bantu bakwa Israel. ¹⁷ ''Elyo mukeshiba ukuti nine Yawe Lesa wenu uwikala mu Sioni, ulwamushilo ulupili lwandi. Elyo Yerusalemu akaba uwa shila, nabena fyalo tabakapite muli ena nakabili. ¹⁸ Cikaba ifyo pali bulya bushiku ukutila ati ulupili lukalaswa umwangashi walowa, utupili tukakonkolola umukaka, imilonga yonse iyakwa Yuda iketulula amenshi, na kafunku mfuku kakufuma mu ng'anda yakwa Yawe no kutapilisha umupoka poka waku Shitimu. ¹⁹ Egypti akaba uwa butukwa kukonaulwa, na Edomu akaba amatololo yabutukwamo, pamulandu wa fimfulunganya fya pakutila ba sumishe umulopa wakaele mu calo cabo. ²⁰ Lelo Yuda akekalwamo umuyayaya, na Yerusalemu akekalwamo ukufuma ku nkulo ne nkulo. ²¹ Ine nkabwesha umulopa wabo uo shatalile mbwesha, pantu Yawe ekala mu Sioni.''