¹ Aya emashiwi yakwa Yawe ayaishile kuli Yoele umwana mwaume wakwa Petueli. ² Umfweni kuno, imwe mwebakalamba, kutikeni kuno, naimwe bonse mwebaikala mu calo. Bushe kwalitala akumoneka icintu icauyu musango apo mwafyalilwa, nangu bushe calitalile acimoneka ilyo bashinwe baliko? ³ Muleshimikilako abana benu, pakuti nabo bashimikilako abana babo, abana babo nabo bakashimikileko abana babo. ⁴ Ala ifintu fyonse makanta ulya aputaula ashileko, efyo makanta ulya atebelela aishilelyako. Ifyo makanta ulya atebelela ashileko, ifyo makanta ulya atolauka aishilelyako. Ifyo makanta ulya atolauka ashileko, efyo makanta ulya apwishishisha aishilelya. ⁵ Shibukeni, imwe mwebacakolwa, nokulila! Pumenipo imisowa, imwe mwebanwa umwangashi, pantu nomba uyu mwangashi uwalowa tauli nokubako nakabili kumilomo yenu. ⁶ Pantu makanta uwingi nakupa icalo candi kwati fita fya nkondo. Elyo uyu wine makanta tepamaka, kabili tewakupenda kubwingi. Ameno yakwe yaba kwati meno yankalamo, nameno yakusuminako kwati yankalamo iikota. ⁷ Uyu makanta naonaula imishila yandi iyamyangashi nakontaula imikunyu yandi. Nashetaula ifipande fya miti nokuiwisha panshi, nemisambo yaiko ishelefye tutu. ⁸ Losha nga filya umukashana uushabala opwa afwala insalu shabulanda pakulosha imfwa yamulumendo uwamukobekela. ⁹ Takushele umutulo wacabunga nangu uwafyakunwa, uwakutula mu ng'anda yakwa Yawe, eico bashimapepo ababomfi bakwa Yawe balelosesha. ¹⁰ Pantu mumabala tamushe nelyo kamo umushili nao ulelosha, pantu inganu nashonaika. Umwangashi uupyanaukama, nemiti wakwengako amafuta nayo nayuma. ¹¹ Kwateni insoni, imwe mwebalimi, naimwe balima imyangashi. Pumenipo imisowa pamulandu wa nganu na barle. Pantu ifisabo fyakulobololako nafyonaika. ¹² Imishila yamyanga nayuma, imikunyu naibonsa, elyo imiteke, utuncindu na mapo, ne miti yonse iyamwibala nayuma. Ne nsansa kuabana babantu nasho nashipwa. ¹³ Mwe bashimapepo fwaleni insalu shabulanda, mwe babomfi abatula amalambo pabulambo bwakwa Lesa mulilishefye. Kengileni mu ng'anda yakwa Lesa nokubucesha emo mubuceshe, ninshi namufwala ne nsalu shabulanda, mwe babomfi bakwa Lesa, pantu umutulo wacabunga nowafyakunwa tafilemoneka ifyakutula mu ng'anda yakwa Lesa wenu. ¹⁴ Konkomesheni abantu ukuti bafunge ukulya, iteni ulukuta lonse lwise lukwate ukulongana kwa mushilo. Longanikeni abakalamba nabonmse abaikala mu calo, ukuti baye mu ng'anda yakwa Lesa wenu, emo baye mukulilila kuli Yawe. ¹⁵ Alas pabushiku bulya! pantu ubushiku bwakwa Yawe nabapalama kabili bukeshila ubonaushi ukufuma kuwamaka yonse. ¹⁶ Tatwakwate ifya kulya ifya putwileko ukufuma ku menso yesu, nokusekelela no kwanga ukufuma mu ng'anda yakwa Lesa wesu? ¹⁷ Imbuto shibola mwisamba lya mushili wa iko, na mayanda yakutwalamo yali ifibolya, elyo na matata nayatobaulwa panshi pantu ingano na shuma. ¹⁸ Cinshi ing'ombe shiletusaila! Imikuni yashiko shilelulumba mu cimfulunganya pa mulandu wakutakwata umulemfwe. Nomukuni wa mpaanga uleculilamo. ¹⁹ Yawe, ndelilila kuli imwe. Pantu umulilo naoca umulemfwe wa mumatololo, nolubingu naloca imiti yonse iya mwibala. ²⁰ Nenama sha mumpanga shilefuluka imwe, pantu umupita amenshi na muma, nomulilo naoca umulemfwe wa mumatololo.