¹ Mukutendeka, Lesa alengele imyulu necalo. ² Pa calo pali icimfundawila kabili apabula akantu nangu kamo. Imfifi yali pa mulu wamenshi. Umupashi wakwa Lesa waleenda pamulu wa menshi. ³ Lesa alandile, ''Napabe ulubuto,'' kabili kwali ulubuto. ⁴ Lesa amwene ulubuto, ukuti naluwama. Apatwile ulubuto kumfimfi. ⁵ Lesa ainike ulubuto ''akasuba,'' nemfimfi' ''ubushiku.'' Kwali ne cungulo nolucelo, ubushiku ubwantanshi. ⁶ Lesa alandile. ''Napabe iulu pamulu wamenshi, kabili kalipatukanye amenshi ku menshi yabiye.'' ⁷ Lesa apangile iulu nokupatukanya amenshi ayali pesamba lya iulu kumenshi ayali pamulu we ulu. Elyo cali ifyo fine. ⁸ Lesa ainike iulu ''umulu.'' Kwali icungulo nolucelo, ubushiku ubwalenga shibili. ⁹ Lesa alandile, ''Amenshi yonse mwisamba lya muulu kayalongane pamo pancende imo, kabili kakube impanga iyauma.'' Elyo cali ifyo. ¹⁰ Lesa ainike impanga iyauma'' icaalo,'' na menshi ayakolongene pamo ayenike ba bemba.'' Elyo amwene ukuti naciwama. ¹¹ Lesa alandile, '''Napamene ifimenwa pesonde: ifisabo ifitwala inseke nefimuti ifitwala ifisabo ifyo inseke shisangwa mufitwalo, fyonse ukulinganano musango wa ciko.'' Elyo cali ifyo. ¹² Icaalo cameseshe ifimenwa, ifimuti ifikwata inseke mumusango wafiko nefimuti ifikwata ifitwalo fya nseke, fyonse mu musango wafiko. Lesa amwene ukuti naciwama. ¹³ Kwali icungulo nolucelo ubushiku bwalenga shitatu. ¹⁴ Lesa alandile, ''kakube ifyakupeela ulubuuto mu mulu ifyakulekanya akasuba kubushiku kabili fibe ifishibili, ifya nshita, inshiku ne myaka. ¹⁵ Kafibe ifyaksanika mu mulu ukupeela ulubuto pesonde.'' Elyo cali ifyo. ¹⁶ Lesa alengele ifyakupela ulubuto fibili icakubutulusha icakulishepo kusanika akasuba, icalepeleko kusanika ubushiku. Alipangile nentanda pamo pene. ¹⁷ Lesa afibikile mumulu ukulapeleela ulubuto pe sonde, ¹⁸ Ukutungulula akasuba nobushiku no kulekanya ulubuto ku mfinfi. Lesa amwene ukuti naciwama, ¹⁹ Kwali icungulo no lucelo, ubushiku bwalenga cine. ²⁰ Lesa alandile, ''Mu menshi namube impendwa ikalamba iya fibumbwa fya mweo nefyuni kafipupuke pa muulu we sonde mwi iulu.'' ²¹ Lesa apangile ifibumbwa ifi kalamba ifya muli bemba, pamo pene ne cibumbwa ca mweo mu musango waciko, ifibumbwa ifikulika kabili ifisangwa mu menshi konse, ne cuni conse icipupuka mumusango waciko. Lesa amwene ukuti naci wama. ²² Lesa alifipalile, alandile, ''fyaleni no kusanda kabili isuleni mu menshi yonse na muli ba bemba. Ifyuni kafisande pe sonde.'' ²³ Kwali icungulo no luceelo, ubushiku bwa lenga cisano. ²⁴ Lesa alandile, ''Pesonde napabe ifibumbwa fya mweo conse ukulingana no musango waciko, Ifitekwa, ifikulika, inama shamu mpanga conse ukulingana no musango waciko.'' Cali ifyo fine. ²⁵ Lesa alengele inama sha mu mpanga mumusango washiko, nefitekwa mumusango wa fiko ne fikulika pa mulu wa mushili mumusango wa fiko. Amwene ukuti naciwama. ²⁶ Lesa alandile, ''Katupange umuntu mu cipasha cesu, uwapalana naifwe. Nabobabe nabu kateeka pe sabi lya muli bemba, ifyuni fya mulwele, ifitekwa, isonde lyonse na conse icikulika pe sonde. ²⁷ Lesa abumbile umuntu mu cimpasho cakwe. Mucimpasho cakwe emo amubumbile. Umwaume no mwanakashi emo aba bumbile. ²⁸ Lesa alipalile no kulanda kuli bena, ''Fyaleni, kabili fuleni, kumaneni pe sonde, no kupanasha. Beni nabukateeka pe sabi lya muli bemba, Ifyuni fyamulwele, neca mweo conse icende mwi sonde.'' ²⁹ Lesa alandile, ''Moneni, namipeela icimuti conse icikwate nseke pe sonde lyonse, ne cimuti conse icitwale ifisabo fya nseke. Fikabe ifyakulya kuli imweo. ³⁰ Na kunama shonse ishapesonde, ne cuni conse ica mu lwelele, na conse icikulika pesonde, neca mweo conse umuli umweo na mipeela no musaalu onse muteku icakulya.'' Eico cali ifyo. ³¹ Lesa amwene conse ico abumbile. Monenei, caliweme saana. Kwali icungulo no lucelo, ubushuku bwalenga mutanda.