¹ Munshiku sha kwa Ahasuerusi (uyu Ahasuerusi ewleteka ukufuma ku India ukufika ku Cushi, mu fitungu fya bulashi ukucila 127), ² muli shilya nshiku imfumu Ahasuerusi yalikele pa cipuna caiko ica bufumu icali mwisano ilya Shushani. ³ Mu mwaka w citatu ukufuma apo yatampile ukuteka, yapele umutebeto kuli bonse ba cilolo baiko na kubabomfi baiko. Na bashilika baku Persia na Madai, na bashimucindikwa naba lashi abali ku cinso caiko. ⁴ Yalengele ifyuma fya bufumu bwaiko ubwabukata no mucinshi no kupalama kwa bucindami bwakwe pa nshiku ishingi, inshiku 180. ⁵ Ilyo shapwile ishi nshiku, imfumu yapele umutebeto uwalindile inshiku cine lubali. Wali wa bantu bonse abasangilwe mwi sano lya Shushani, ukufuma pa bacindami ukufika paushalikisheko. Watekelwe mulubansa lwebala lya kwi sano lya mfumu. ⁶ Ulubansa lwe bala lwapangilwe ulusuma ne nsalu isha tonge wabuta ne cifufya, isho bacingilileko ishaleselela. Bashikulikile ku tumyando twa nsalu ishatelela, isha kolokondwe wa buta no wakashikila, bakofya ku tumipeto twa silfere uo bakakile ku ncenshi sha marbele. Ifyakutekapo ifya golde na silfere fyali apakakatikwa amabwe ya porfri na ya marbele naya magariti na yafita. ⁷ Ifyakunwa fya pekanishiwe mu makapu ya golde. Na cila kapu yali iya cindama no mwangashi wa mfumu uyo waishile pamulandu wa bukapekape ubwa mfumu. ⁸ Takwali uyo balepimina ukunwa ukulingana necapampamikwa, ''Takufwile kwaba ukupatikisha,'' pantu muli ii nshila imfumu yapele amakambisho kuli bonse bacilolo abamwisano lyaiko ukucita ukulinganya nokukabila kwa cila muntu. ⁹ Kabili na mfumu Vashti apele umutebeto wa banakashi mu cipango ca mfumu Ahasuerusi. ¹⁰ Pa bushiku ubwalenga cine lubali, ilyo umutima wa mfumu wa sansamwike pa mulandu wa mwangashi, yaebele Mehumani, Basta, Haribona, Bigta, Abigta, Setari, na Karikasi, ba cilolo abo abatekele panuma ya ena), ¹¹ ukuleta na mfumu Bashti ku mfumu ninshi natwala icilongwe cabufumu. Alefwaya ukulanga abantu na bacilolo bamone ukuyemba kwakwe, pantu alemoneka bwino. ¹² Lelo na mfumu Bashti alikene ukwisa ukumfwa ishiwi lya mfumu ilyo lyaile kuli ena na ukufuma kufilolo. Elyo imfumu ya fulilwe nganshi; ne cipyu caiko capile muli wena. ¹³ Eico imfumu yaipwishe abaume abaishibikwe aba mano, abaishiba inshita (pantu efyo imfumu yalecita, nga kwaba umulandu uukumine imfumu, yaleipusha bonse abaishibisha amafunde ne milandu ya bupingushi). ¹⁴ Lelo impanda mano shapalamishe kuli wena bali ni Karishena, Shetari, Adimata, Tarshishi, Merese, Marsena, na Memukani, ba shamfumu cine lubali aba ku Persia na ku Madai. Abaleingila ku mfumu, abaleikala mu fifulo fya ntanshi mu bufumu. ¹⁵ ''Ukulingana ne funde, cinshi cingacitwa kuli na mfumu Bashti pamulandu wa kukana konka icipope ca mfumu Ahasuerusi, ica citwalwa kuli ena naba cilolo?'' ¹⁶ Memukani atile pa menso ya mfumu naba cilolo, ''Tekumfumu kweka na mfumu Bashti acitile icilubo, lelo kabili na kuli bacilolo bonse, naku bantu bonse aba mu fitungu fya bulashi fyonse ifya mfumu Ahasuerusi. ¹⁷ Pantu umulandu wakwa na mfumu bukeshibikwa kubanakashi bonse. Cikalenga kuli bena ukulakalifya abaume babo mu ficitwa. Bakalatila, 'Imfumu Ahasuerusi akonkomeshe Bashti na mfumu ukwisa kuli ena, nomba alikene.' ¹⁸ Panumafye no bushiku ubu tabulapwa cilembwe ne funde ku banakashi baku Pesha na ku Madai abalaumfwa ku mulandu wakwa na mfumu balesosa ifyo fine kuli bacilolo ba mfumu. Kuili nokuba imisula no bukali. ¹⁹ Nga casekesha imfumu, pafume icebo ca pampamikwa citumwe ukufuma kuli ena, nokuti cilembwe mu mafunde yabena Persia na ku Madai, icakuti Bashti ekesa ku cinso cakwe. Lekeni imfumu ipele umucinshi wabu na mfumu kumunankwe uwamucila ubusuma. ²⁰ Ilyo imfumu ikafumya icipope icapampamikwa cikabilishiwa monse mubufumu bwakwe abanakashi bonse bakacindika abalume babo, ukufuma kumukalamba ukufika kuba nono.'' ²¹ Imfumu nabana baiko cabawamine ico, ne mfumu yacitile ukusosa kwa kwa Memukani. ²² Atumine amakalata kuli bonse aba mu fitungu fya bulashi, ku citungu cabulashi cimo na cimo mu musango waciko uwa milembele, naku bantu na bantu mululimi lwabo. Apingwile ukuti cila muntu onse abe cibinda pa ng'anda yakwe umwine. Ici cipope capelwe mu ndimi shacila bantu umo bekala.