¹ Panuma yaifi fyonse ilyo icipyu ca mfumu Asuelusi capwa, aibukisha Fashiti paco acitile nefyo bamupingwile. ² Elyo ababomfi ba mfumu abaleitumika basaso abati, ''Fwaileni imfumu abakashana banacisungu abasuma. ³ Imfumu isalre bacilolo mu fintungu fyonse ifya calo cakwe abakulonganika abakashana banacisungu nokubaleta ku ng'anda ya banakashi ba mfumu iyaba mu musumba wa Susa. Aba bakashana bakalasungwa na Hegai mutungwi umubomfi wa kwisano uwaleangalila abanakashi ba mfumu. Babapela na mafuta na tumbi utwakuti bamoneka bwino. ⁴ Pali aba bakashana, uukasekesha imfumu eukapyana na mfumu Fashiti.'' Ici casansamwishe imfumu, no kucita efyo yacitile. ⁵ Kanshi mu musumba wa Sasu mwali umu Yuda umo ishina lyakwe ni Modekai umwana wakwa Yairi, umwana wakwa Shimei, umwana wakwa Kishi, umwina Benjamini, ⁶ uwali pabasha basendele ukufuma ku Yerusalemu pamo na Yekoniya imfumu ya ku Yuda uo Nebukadinesa imfumu ya ku Babiloni asendele. ⁷ Modekai alesunga Hadasa, umufyala wakwe, pantu takwete wishi na nyina. Umukashana uwaishibikwa ne shina Esta, alikwete icata icisuma nganshi kabili uwaemba, ne cinso cakwe icisuma. Ilyo wishi na nyina bafwile, Modekai amubula alamusunga ngo mwana wakwe. ⁸ Kanshi ilyo babilile imbila ne cebo ca mfumu, abakashana abengi balonganika mu musumba wa Susa, balasungwa na Hegai. Esta nao balimusendele kwisano lya mfumu no kumubika mu minwe yakwa Hegai, uwaleangalila abaleikala ku ng'anda ya banakashi ba mfumu. ⁹ Esta awamina Hegai, nao amutemwa. Ecalengele ukuti mukwangufyanya amupele ifyakumuyemfya ne fyakulya ali nokupoka. Kabili amupele na bakashana abatumishi cine lubali abo asalile ukufuma mwisano lya mfumu, atwala Esta na bakashana bakwe ku muputule uusuma mu ng'anda ya banakashi ba mfumu. ¹⁰ Esta tasoskolwele abantu bakwe anangu ulupwa lwakwe pantu Modekai alibakonkomeshe ukukana sokolola. ¹¹ Cilabushibu Modekai aleendauka mupepi no lubansa lwa ng'anda ya banakashi ba mfumu pakuti eshibe efilecitika kuli Esta. ¹² Kanshi inshita yafika iyakuti cilamukashana aye ku mfumu Asuelusi. Ici cacitike panuma ya mwenshi ikumi limo na iibili ukulingana ne cebo cabanamayo. Imyenshi yakuipekanya yali ngefi: Imyenshi mutanda abakashana balesuba amafuta aya cinyamuti icanunka ubusaka muri, elyo imyenshi imbi mutanda mafuta yambi ayacena icisuma na fimbi ifyo banamayo balebombfya pakuiwamya. ¹³ Ilyo umukashana aleya ku mfumu ukufuma mu ng'anda ya banakashi ba mfumu, bali nokumupela fyonse ifyo alefwaya ukusenda pakuya kwisano lya mfumu. ¹⁴ Afwile ukwingila icungulo elyo akacelo afuma aya mu ng'anda iyabubili iyo balesungilamo abanakashi ba mfumu. Uwalesunga iyi ng'anda ni Sha Ashigai, mutugwi uwaleangalila abakashi ba mfumu abashaupilwe mu bwinga. Umukashana teti abwele ku mfumu nakabili kanofye imfumu nga yamutemwa lyena kuti yamwita mwishina. ¹⁵ Elyo cafikile Esta umwana umwanakashi wakwa Abihaili nalume wakwa Modekai, uwalemusunga ngo mwana wakwefye, ukuya ku mfumu. Esta talombele nangu cimo kanofye ifyo Hegai mutungwi wa mfumu, uwaleangalila banamayo amwebele. Kanshi Esta aletemwikwa kuli bonse abalemumona. ¹⁶ Kanshi ilyo batwele Esta ku mfumu Asuelusi mwisano lyakwe mu mwenshi walenga ikumi limo, umwenshi wa Tebeti mu mwakwa walenga cine lubali uwa bufumu bakwe. ¹⁷ Imfumu yatemenwe Esta ukucila bonse abanakashi bambi. Amona ukusekelelwa no luse ku mfumu ukucila banacisungu bambi bonse. Kanshi yamufwika icisote cabunamfumu ku muwte, yamucita na mfumu pamalo yakwa Fashiti. ¹⁸ Elyo Imfumu yacitile bacilolo na babomfi bakwe imitebeto iyikalamba. Kwena yali mitebeto yakwa Esta. Apeele ku fitungu fya calo cakwe ubushiku Modekai apususha Asuelusi. ¹⁹ Kanshi ilyo ba;longanike abakashana umuku wabubili, Modekai ena aikele pa mpongolo ya mfumu. ²⁰ Esta tasokolwele ulupwa lwakwe nangu abantu bakwe ukulingana nefyo bamukonkomeshe kuli Modekai. Esta abeela Modekai ngefyo alemubela ilyo alemusunga. ²¹ Munshiku shilya lilya Modekai aleikala pa mpongolo ya mfumu, Bigitani na Tereshi bamutungwi babili ba mfumu abalonda pa mpongolo bafulilwa imfumu, bafwaya nokwipaya imfumu Asuelusi. ²² Kanshi Modekai aumfwa uyu mulandu. Kabili aeba namfumu Esta. Esta nao aeba imfumu mwishina lyakwa Modekai. ²³ Elyo bafwailisha pali uyu mulandu, basanga nokuti cishinka. Aba baume bonse babili babakulika ku fimuti. Nefi fyonse fyalilembelwe mu citabo camilandu pa cinso ca mfumu.