¹ Elyo twayalulwike no kutola ubulendo ukwingila mu matololo munshila ya bemba wakashika, nge fyo Yawe asosele kuli ine; twaileshinguluka ulupili lwa Seiri pa nshiku ishingi. ² Yawe asosele kuli ine, ukutila, ³ 'Mwashingulwike ulupili panshita itali; alukileni ku kapinda kakukuso. ⁴ Konkomesha abantu, ukuti, ''Muli nokupita ukupitila mu mupaka waba muninenwe, ulupwa lwa kwa Esau, uwaikala mu Seiri; bakamitina imwe. Eico mu cenjele ⁵ tekulwa na bena, pantu nshakamipele icaloicili conse mu calo cabo, awe, nangu apakunyanta amakasa; pantu ni mpela ulupili lwa Seiri kuli Esau ukuba nge cikwatwa. ⁶ Mukashita ifya kulya ukufuma kuli bena pa ndalama, pakuti mukalye; mukashita na menshi ukufuma kuli bena mu ndalama, pakuti mukanwe. ⁷ Pantu Yawe Lesa wenu napala imwe muli yonse imilimo iya maboko yenu; naishiba imilimo yenu ukupitila muli aya amatololo aya kalamba. Pali iyi imyaka amakumi yane Yawe Lesa wenu akaba naimwe, kabili tamwakabulwe nangu cimo.'' ⁸ Eico twapitile pali bamuninane, ulupwa lwakwa Esau uwaleikala mu Seiri, ukutaluka ukufuma munshila ya Araba, ukufuma ku Elati no kufuma ku Esione Gebere. Elyo twayalulwike nokupita munshila iya mu matololo ya Moabu. ⁹ Yawe alandile kuli ine, 'Wikacusha Moabu, kabili wikalwa na bena mu bulwi. Pantu nshakakupele impanga yakwe ukuba icikwatwa cobe, pantu napele Ari kulupwa lwa kwa Lote, kukuba icikwatwa cabo.' ¹⁰ (Aba Emite ebaikelemo mulyakale, abantu abamaka, nga bengi, kabili abatali nga ba Anaki; ¹¹ ifi nafyena fyalemonwa ukuba nga Refa, nga ba Anaki; leelo abena Moabu balebeta aba Emite. ¹² Abena Hore nabo baikele mu Seiri kale, leelo ulupwa lwakwa Esau lwali bapyene. Leelo balibonawile bena ukufuma kuntanshi yabo nokwikala mu ncende yabo, ngafilya fine abena Israeli bacitile mu mpanga yabo iyo Yawe apele kuli bena.) ¹³ '''Nomba imeni no kuya mucilinganye umupoka poka wa Serede.' Efyo twailecilinganya umupoka poka wa Serede. ¹⁴ Nomba inshiku ukufuma ilyo twafumine ku Kadesha Barnea mpaka twa ciluka umupoka poka wa Seredi, shali imyaka amakumi yatatu na cine konse konse, cali ni ilyanshita iyo inkulo yonse iya bantu abaiteyenye pa bulwi abaile ukufuma kubantu, nga filya fine Yaw alapile kuli bena. ¹⁵ Nokucilamo, ifyo ukuboko kwa kwa Yawe kwali pali ilya nkulo kuku bonaula ukufuma ku bantu mpaka baya. ¹⁶ Eico fyacitike, ilyo abantu bonse abaiteyenye pa bulwi bafwile nokuya ukufuma mubantu, ¹⁷ nge fyo Yawe asosele kuli ine, ukutila, ¹⁸ 'Leelo mwalapita mu Ari, mu mipaka ya bena Moabu. ¹⁹ Ilyo mukapalama ku lubali lwa bantu bakwa Amoni, wikabacusha nangu ukulwa nabo; pantu nshakakupele icalo icili conse mu bantu bakwa Amoni ngecikwatwa, pantu naipele ku lupwa lwa kwa Lote ngecikwatwa.'' ²⁰ (Naco caishibikwe ukuba icalo caba Refa. Abena Refa baleikalamo akale mulya leelo abena Amone balebeta ati Samusumimu- ²¹ Abantu abakula, abengi kabili abatali kwati fye ba Anaki. Leelo Yawe alibonawile pa cinso cabwna Amoni, kabili balibapokele nokwikala mu ncende yabo. ²² Ifi efyo Yawe akacita ku bantu bakwa Esau, abaleikala mu seiri, ilyo akonaula abena Hori ukufuma kuli bena, kabili ulupwa lwa kwa Esau lukaba poka no kwikala mu ncende yabo ukufika ku bwa leelo. ²³ Ifwe nga aba abi abaleikala mu mishi ukufika ku Gasa, aba Kafitore, abafumine ku Kafitore, balibonawile no kwikala mu ncende yabo. ²⁴ '''Nomba imeni, kabiyeni mu bulendo bwenu, nokucilinganya umukonko wa Anone, moneni ni mpela mu minwe yenu Sihone Amore, imfumu ya Heshebone, ne calo cakwe. Ukutampa ukukwata ici, nokulwa na ena mu bulwi. ²⁵ Leelo ndetampa ukubika mwenso no kutinya pali imwe mu bantu abali mwisamba lya makumbi; bakomfwa ilyashi palwa imwe nokumutina nokuba mukupelelwa pa mulandu wa imwe.' ²⁶ Natumine amashiwi ukufuma mu matololo ya Kedemote kuli Sihone, imfumu ya Hashebone, pamo na mashiwi ya mutende, ukutila, ²⁷ 'Lekeni ine impite mu calo cenu; nkapita mu nshila iikalamba; nshakalikile ku kuboko kwa ku kulyo nelyo ku kuso. ²⁸ Ukanshitisha ifyakulya mu ndalama, pakuti nkalye; ukapela amenshi pa ndalama, pakutila ninganwa, lekafye ine impitile ukupitila mumakasa yandi; ²⁹ nge imfyalwa yakwa Esau uwaleikala mu Seiri, kabili nga bena Moabu abaleikala mu Ari, bacitile kuli ine; mpaka nkapite ukuciluka Yodani ukwingila mu calo ico Yawe Lesa wesu atupela.' ³⁰ Leelo Sihone, imfumu ya Heshabone, tekuti aleke ifwe ukupita pali ena; pantu Yawe Lesa wenu na kosha amatontonkanyo yakwe no kulenga umutima wakwe ukutalama, pakuti amucimfye mu maka yenu nge fyo nomba acita leelo. ³¹ Yawe atile kuli ine, ''Mona, nintendeka ukupoka Sihone ne calo cakwe kuntashi yobe, ukutendeka ukucipoka, pakutila mukapyane icalo cakwe.' ³² Elyo Sihone atwimine, ena na bantu bakwe, ku kulwa pa Yahasi. ³³ Yawe Lesa wesu akamupeele kuli ifwe kabili twalimucimfya ena na bana bakwe abaume na bantu bakwe bonse. ³⁴ Twapokele imisumba yakwe yonse pali ilyanshita nokupwisha ukonaula umusumba onse- abaume na banakashi nabanono; ta twashilepo nangu umo uwapuswike. ³⁵ Fyekafye ifitekwa efyo twapokele nge fya tapwa pali fwe bene, pamo pene ne fyatapwa ifya misumba ifyo twapokele. ³⁶ Ukufuma ku Aroere, uwaba pa mpela ya mu konkowa Anone, no kufuma mu musumba uwali mu umukonko, ukufika ku Gileadi, takwali umusumba uwalepeshe kuli ifwe. Yawe Lesa wesu apeele bena mu maboko yesu. ³⁷ Califye ni mucalo calupwa lwakwa Amoni nkuti tamwakaye, pamopene ne mbali shonse isha mumana wa yokoke, ne misumba ya mucalo ca mpili- na konse uko Yawe Lesa wesu atubindile ukuya.