¹ ifi efyo shikulu Yawe andangile moneni, aebele ibumba lyaba makanta pa kutendeka kwa kumena kwa filimwa, kabili, moneni, fyali ifilimwa fyakulekelesha panuma imfumu yasombola. ² Ilyo bapwile ukulya ifimenwa fya mumushili, eico natile, ''shikulu Yawe, shibabeleleni uluse, Bushe Yakobo akeminina shani? pantu alicepesha.'' ³ Yawe alangulwike palwaici. ''Tacakacitike iyo,'' atile. ⁴ Ifi efyo shikulu Yawe anangile, moneni, shikulu Yawe aleita umulilo ku bupingushi. Nao wakamya, amenshi ayengi panshi ye sonde no kulya impanga pamo. ⁵ Lelo natile, ''shikulu Yawe, napapaata lekeni, Yakobo akemanina shani? pantu alicepesha.'' ⁶ Yawe alangulwike palwa ici, ''ici naco tacakacitike iyo,'' efyo shikulu Yawe asosele. ⁷ Ifi efyo anangile, moneni shikulu aiminine mupepi ne cibumba ne ntambo ya kupiminako neminwe yakwe. ⁸ Yawe atile kuli ine, '' Amosi, cinshi ulemona?'' Naine natile, ''intambo yakupiminako.'' Elyo shikulu atile, ''mona, ndebika intambo yakupiminako mukati kabantu bandi abena Israele. Nshakabashepo nakabili. ⁹ Nencende ishasansama ishakwa Isaki shika tobaulwa, nomwa mushilo mwakwa Israele mukonaulwa, Yeroboamu ku lupanga.'' ¹⁰ Elyo Amasia, shimapepo waku Betele, atumine anashiwi kuli Yeroboamu, imfumu yakwa Israele, ''amosi nakupangila mukati nankati kaba mu ng`anda yakwa Israele. Icalo nacifulwa ukushipikisha amashiwi yakwe yonse. <sup>11</sup> Pantu ifi efya sosele Amosi, ''kulupanga eko Yeroboamu akafwila, kabili Israele mucishinka akaya muli bunkole ukufuma mucalo cakwe.'' <sup>12</sup> Amosia atile kuli Amosi, ''we umona ifimonwa, kabiye, kucalo cakwa Yuda, nokulya umukate kabili eko usesemene. <sup>13</sup> Lelo wisesemenamo nakabili muno mu Betele, pantu mwamushilo mwamfumu kabili e ng`anda yamfumu.'' ¹⁴ Efyo Amosi atile kuli Amosia, ''nshili kasesema nagu umwana mwaume wakwa kasesema. Nine kacema, kabili nsunga ifimuti fya mukunyu. ¹⁵ Lelo Yawe ambulile uko nalecema umukuni wampanga kabili atile kuli ine, kabiye kaseseme kubantu bandi abena Israeli.'' ¹⁶ Nomba umfwa ishiwi lyakwa Yawe. watila, 'wisesema pali Israele, kabili wisosa icabipa pa ng`anda yakwa Isaki.' ¹⁷ Eico ifi efyo Yawe atila, 'umukashi obe akaba cilenda mumusumba; Abana baume bobe nabana banakashi bobe bakawa kulipanga; Icalo cobe bakacipima nokucakanya; ukafwila mucalo cakowela, na Israele mucishinka akasendwa muli bunkole ukufuma mucalo cakwe.'''