¹ Efyo yawe atila: ''Pa membu shitatu ishabena Moabu, napashili shine, nshakafumyepo kukandwa, pantu aoca amafupa ya mfumu Edomu yasunguka imito. ² Nkatuma umulilo kuli Moabu, kabili ukoca ifikankala fya mu Keriyote. Moabu akafwila kumpupilisho, kukupundisha kwi shiwi lya cipesha amano. ³ Nkonaula kapingula muli bena, kabili nkepaya na bacilolo bonse pamo nakwe,'' efyatila Yawe. ⁴ Efyo Yawe atila: ''Pa membu shitatu ishabena Yuda, napashili shine, nshakafumyepo ukukandwa pantu balikana ifunde lyakwa Yawe kabili tabasunga fipope fyakwe. Ifyabufi fyabo fyabalubanga, panuma nabashibo emo baleondela. ⁵ Nkatuma umulilo pali Yuda, kabili ukoca ifikankala fya mu Yerusalemu.'' ⁶ Efyo Yawe atila: ''Pa membu shitatu isha mu Israele, napashili shine, nshakafumyepo ukukandwa, pantu bashintula uwakaele na Silfele no mubusu pa nsapato. ⁷ Banyata pa mitwe yabalanda nge fyo abantu banyata palukungu lwa panshi; basunkila ababulwa ukutali. Umwaume na wishi baya kumukashana umo no kusha ishina lyandi ilyamushilo. ⁸ Balala pa fyakufwala ku cipailo conse pa fyakufwala fyamalayo, na mu ng'anda yakwa Lesa wabo banwa umwangashi uyo uo babalipila. ⁹ Cacine ine naonawile umwina Amore pa cinso cabo, ubutali bwakwe bwali ngo butali bwa Makedari; ali uwakosa nge Mioke. Eee ine naonawile icisabo cakwe pa muulu ne mishila shaciko panshi. ¹⁰ Kabili, nine namininike ukumifumya ku calo ca Egyputo no myensha imyaka amakumi yane mu matololo ku kukwata icalo cabena Amore. ¹¹ Naimike bakasesema ukufuma mu bana benu abaume na bena Nazareti ukufuma mu baume imisepela. Bushe tefyo cali, mwe bantu ba Israele? Uku kubilikisha kwakwa Yawe. ¹² Lelo imwe mwapatikishe abena Nazareti ukunwa umwangashi kabili mwakambishe bakasesema ukuti belasesema. ¹³ Moneni, nkamupela ngefyo iceleta lyaisulamo imyangashi lingapela umo. ¹⁴ Uuluba ukuluba kukamubula, nowakosa takalundeko kukukosa kwakwe; nangula uwamaka ukuipususha umwine. ¹⁵ Ubuta tabwakeminine; uubutukisha takalube; no wapali bakafwalo takaipusushe umwine. ¹⁶ Nangula nimpalume yakosesha ikabutuka ubwamba pali bulya bushiku- uku kubilikisha kwakwa Yawe.''