¹ Aya amashiwi yakwa amose, uwali pali bakacema ukufuma ku Tekco, uwamwene ifya bena Israeli mu nshiku sha Ussiah imfumu ya Yuda, kabili namunshiku sha Jeroboam umwana mwaume wakwa Joash imfumu ya Israeli, panuma yamyaka ibili ilyo icinkukuma tacilaisa. ² Atile, ''Yawe akabuluma ukufuma mu Sion, akasansula ishiwi lyakwe ukufuma mu Yerusalemu. Imilemfwe yaba cemi ikalosha, napamulu wa pamele pakoma.'' ³ Ifi efyo yawe atila, ''pali fitatu ifya lubembu lwa Damascus, nangu pali fine, Nsha katelulule ukupanikwa, pantu nabupula Gilead ku fyakupulikamo fya songoka ifya cela. ⁴ Natuma umulilo mungànda yakwa Hazael, kabili ukoca amakule ayakankala aya Beni Hadadi. ⁵ Nkafunaula amapindo ya mpongolo ya Damascus na ukwipaya umuntu uutungulula pabena Aveni, na uwaikata umulundu mu Beti Edeni. Abantu bamu Aramu bakaya mubunkole kuli Kiri'' efyatila Yawe. ⁶ Ifi efyo Yawe atila, ''Pafya lubembu fitatu fya Gaza, nangu pali fine, Nshakatelulule ukupanikwa, Pantu nabasenda bunkole abantu bonse, ukufisha kuli Edomu. ⁷ Nkatuma umulilo pafikulwa fya Gaza, kabili akoca amakule yakwe ayakankala. ⁸ Nkepaya onse umuntu uwa ikala mu Ashidodi na umuntu uwaikata umulumbu wa ku Ashkeloni. Nkapilibwila ukuboko kwandi pa Ekroni, nabonse aba Falistine bakaloba,'' efyatila Yawe. ⁹ Ifi efyo Yawe atila, ''Pafyalubembu fitatu fyaku Turi, nangu pali fine, Nshakatelulule ukupanikwa, pantu nabalundulwila abantu bonse kuli Edomu, kabili nabatoba icipangano cabo ica bwana nyina. ¹⁰ Nkatuma umulilo pafikulwa fyaku Turi, kabili ukoca fyonse ifyakwe ifikankala.'' ¹¹ Ifi efyo Yawe atila, '' pafyalubembu fitatu ifya Edomu, nangu pali fine, Nshakatelulule ukupanukwa, pamulandu asupile munyina nolupanga na ukuposa inkumbu shakwe. Ubukali bwakwe ubutalilile pe, na ukukosa kwa mutima umuyayaya. ¹² Nkatuma umulilo pali Tenami, kabili ukoca ifipango fyonse fya Bozrah.'' ¹³ Ifi efyo Yawe atila, ''pafya lubembu fitatu ifya bantu ba Amoni, nangu pali fine, Nshakatelulule ukupanikwa, pantu bapangula banamayo abaimita abaku Gileadi, ukuti bengakusha imipaka yabo. ¹⁴ Nkasha umulilo mufikulwa fya Rabbah, kabili ukoca ifipango, kukuwelesha mubushiku bwabulwi, kunkuka yamubushiku bwa cikuku ca mwela. ¹⁵ Basha mfumu babo bakaya muli bunkole, ena nabafilolo bons pamo,'' efyatila Yawe.