¹ Tarekan katotou temei ni Yesus witu Betlehem tu Yudea, lohone se tou-tou majus witu sendangan o mai semaako tu Yerusalem. ² Nisea moi, "wisa sia kinatouana, Raja ne tou Yahudi tiin? ka nikai limohomong si tototiin-ena witu sendangan, wo kai mai ma kukundu wia nisia". ³ Kalingaan temako ni Raja Herodes nahabar yaai, si balisa mong sia o se pakasaan Yerusalem mawali-wali nisia. ⁴ Wo erurena pakasa se kapala-kapala imam wo se tou sia taurat bangsa niitu. Wo sia menero habar wia nisea sewisa tampana kinatouan ni Kristus. ⁵ Wo sea lumila wia nisia, "witu Betlehem wilayah Yudea, katanaai nyai patik ne nabi-nabi: ⁶ Wo nikou Betlehem, tana Yehuda, ndaai nikou si kasa oki witu nantara semakuasa Yehuda, ka wia nikou si mondo lei si esa kapala nisia si gumembala se tou-touku. ⁷ Wo memene-menes si Herodes tumowa se tou-tou majus tiin, si kumiwehe kualitan wia nisea kumura wo kawisa si tototiin timerang. ⁸ Wo sia rumeho nisea mako tum Betlehem wolumila, "mako wo lohonei leos kumura si oki tiin luo sakau minailekanong o si oki tiin, ai lila wia nyaku rior nyaku kahai ku toro mai wia nisia mai kumundu wia nisia." ⁹ Kalilinga neate si raja maila, o sea mange. Wo lohone, si tototiin linoho nea witu sendangan tiin si manali nisea, makar sea kaayo, wo mena witu tampa kinatouan ni anak tiin. ¹⁰ Kalolohote si tototiin sea memela-mela karengan. ¹¹ Muntep te mako sea witu nggorem mbale, lohonea si oki tiin mawali-wali si Maria mama na. Wo sea kumundu wia nisia, wo itu wukaan neamei pahali-alin nea tinampaan harta nea wo tu wehe neamako si oki tiin tanu pereseng, niitu mas, karimenga wo mur. ¹² Nisia se linila momei witu nipi, tia mawawareng mitu si Herodes, sasea mareng witu mbanua nea kumiitou lalan walina. ¹³ Kawawarengete ne tou-tou majus tiin, lohonako si malaikat Empung mai wia si Yusuf tu nipina wo lumila, "Tumoorow, alin si oki tiin wo si mama na, lenteng sea mako tu Mesir mena'waname makar nyaku mai lumila sumaup wia nikou, ka si Herodes paar masesero si oki tiin mawuwunu nisia." ¹⁴ Wo tumdo rei si Yusuf, mali si oki wo si mamana mawengi-wengi kumelang roow makar witu Mesir, ¹⁵ Wo sea mena waname makar si Herodes mate. Rior sumampet sapa nyai firman ni Empung limalan tu se nabi: "Witu Mesir Si Towaangku Si Oki Iku." ¹⁶ Tumondong niitu Herodes lumoho sia si tinowoanong ne tou majus, wo sia si maupi karengan. Wo sia merentamei wunuun waya se oki-oki tuama witu pakasaan Betlehem wo witu mbanua-wanua kalendongena tumuur siumur rua ngataon wo mawa, tanu nendo nyai lila ne tou majus tiin. ¹⁷ Wo le kepou sapa nyai lila ni nabi Yermia: ¹⁸ "Wewehanlengku palilingan witu Rama, se mahame marekei wo makaaripen, Rahel mahame wia se oki-oki na, wo si tia paiburen ka nisea se raai mong wia." ¹⁹ Kapapate ni Herodes, lohone si mailakar Empung mapaturu witu nipi wia si Yusuf tu Mesir, wolumila: ²⁰ "Tumoorow, alinong si oki o si mamana witu tana Israel kase tou-tou maindakut mawuwunu si oki tiin se manatemong waya." ²¹ Tumdorei sia wo alina si oki o si mamana mareng witu tana Israel. ²² Taan kalingaana ka si arkhelaus maperenta witu Yudea simawel si Herodes, papana, si Yusuf kinaindean mange waname. Taan si nilaamei witu nipi, si mako witu mbanua Galilea. ²³ Yusuf nyai kaayo witu nesa kota makangaran Nasaret. Rior sumampet sapa nyai lila ne nabi, sia si pailaan tou Nasaret.