¹ Nyaai mong pataranakan ni Yesus Kristus, oki ni Daud, oki ni Abraham ² Abraham si papa ni Ishak o ni Yakub, Yakub papa ni Yahuda wo se patuari-patuari na. ³ Yahuda tiin si papa ni Peres o ni Zerah, mama nea makangaran tamar. ⁴ Peres tiin si papa ni Hezron, wo si Herzon papa ni Ram. ⁵ Ram papa ni Aminadab. Aminadab papa ni Nahason. Nahason papa ni Salmon, Salmon papa ni Boaz, mama na ngaran Rahab. Boaz papa ni Obed, mama na ngaran Rut. Obed papa ni Isai. ⁶ Isai tiin si papa ni Raja Daud. Daud papa ni Salomo, si mama na si kaawu woan ni Uria. ⁷ Salomo si papa ni Rehabeam. Rehabeam papa ni Abia. Abia papa ni Asa. ⁸ Asa papa ni Yosafat. Yosafat papa ni Yoram. Yoram papa ni Uzia. ⁹ Uzia papa ni Yotam. Yotam papa ni Ahas. Ahas si papa ni Hiskia. ¹⁰ Hiskia si papa ni Manasye. Manasye papa ni Amon. Amon si papa ni Yosia. ¹¹ Yosia tiin si papa ni Yekhonya wo sepatuari-patuari na. Niitu se pateterekou witu Babel. ¹² Terek teme sea wana Babel si Yekhonya si papa ni Sealtiel. Sealtiel papa ni Zerubabel. ¹³ Zerubabel papa ni Abihud. Abihud papa ni Elyakim. Elyakim papa ni Azor. ¹⁴ Azor papa ni Zadok, Zadok papa ni Akhim. Akhim papa ni Eliud. ¹⁵ Eliud papa ni Eliazer. Eliazer papa ni Matan. Matan papa ni Yakub. ¹⁶ Yakub papa ni Yusuf kaawu ni Maria. Witu si Maria sia katowanei si Yesus si paicaan Kristus. ¹⁷ Niitumong pakasaan se taranak Abraham makar si Daud se mapulu epat taranak, wo tumuur tu si Daud makar nisea terek witu Babel se mapulu epat taranak kahai wo tumuur witu nisek terek witu Babel makar si Kristus se mapulu epat taranak kahai ¹⁸ Tarekao nyaai mong katotou ni Kristus Yesus tanu nyaai. Niitu si Maria mamana patunanganong ni Yusuf, seandua se raaipe matekel mawali-wali, taan lohone sia si mahali-hali mong nawak wia si Roh Kudus. ¹⁹ Taan ka si Yusuf, kaawuna si tou makiit nulit wo si tia mehe nirang wia si Maria wia se tou, nisia si genangou matetelau si Maria memene-menes. ²⁰ Taan taremote magenang niitu, lohone wewehanong si malaikat timoor tu sinaruna witu nipi, wo lumila, "Yusuf oki ni Daud tia mainde-inde maaindomei si Maria mamuali kaawumu, ka si oki witu pootena si wia ni Roh Kudus. ²¹ Sia si Katouanei si oki tuama wo kou mehe ngaranena Yesus ka nisia si lumempot setouna witu ndosa-dosa nea." ²² Nyaai waya mamuali ka malelekep sapa nyainong lila ni Empung limalanei witu se nabi-nabi na. ²³ "Lohone si wewene si taan si maha-halimong nawak wo sia tumou mei si esa tuama. Wo sia si paialaan nea Imanuel," saitu selokako masuki "si Empung mawali-wali nikita". ²⁴ Mawongke temei si Yusuf witu tekelena, wo itu siwona tanu nyai lilaamei ni malaikat ni Empung wia nisia, wo sia indonamei si kaawuna Maria, ²⁵ taan si raai simiwo sapa-sapa wia nawakena makar nisia katouanei si oki tuama. Wo si Yusuf Ngumaranako so oki tiin Yesus.