¹ "Pakasaan nyaai, nyai kumong lila wia nikau rior nikau raai kaleeleran. ² Nisea se mure nikau tu sinagoge, wo mangemai nendona ka setou se mawuwunu nikau, se mikir nisea se mabakti wia si Empung. ³ Wo nyaai waya, siwon nea ka nisea se raai kumenal si Bapa kaapa nyaku. ⁴ Taan pakasaan nyaai, nyai kumong lila wia nikau, rior saitu mangemai nendona. Genangen niu, ka nyaai, nyai kumong lila wia nikau, wo nyaai waya ndaai nyai ku lila katare-tare wia nikau ka nyaku, mawali-wali pe nikau. ⁵ Taan tarekan ku mangemong wana nisia si rimehomei nyaku, wo ndaai wana si esa tou wia nikou, moi nyaku, "Wisa nakoang ku?" ⁶ Taan ka nyai kumong lila wia nikau, kasusaan minuta nate niu. ⁷ Wo nyaku lumilaame wia nikau witu kaulitan, geleosou wia nikau sa nyaku mange, ka sa aku raai mange, si menawang tiin si raai mai wia nikau, taan sa aku mange, nisia si rehokumei mai wia nikau. ⁸ Sasia wiamong si menawang tiin, nisia si sumadar kaoatan witu ndosa, kaulitan wo paakiman, ⁹ kumura ndosa ka nisea se raai maeman wia nyaku, ¹⁰ kumura kaulitan, ka nyaku mange na si Bapa, wo nikau, kauraai mong lumoho nyaku kahai, ¹¹ wo kumura paakiman, kase makuasa kaoatan yaai, se niakim mong. ¹² Lakere palililaaku wia nikau, taan nikau raai tumanggong tarekan. ¹³ Taan sa sia si Roh kaulitan, mangemai, nisia si mali nikau witu gorem kaulitan, ka nisia si raai maila witu kapaaranate taan pakasaan lininga namei, niitu lilaana wia nikau, wo nisia lumila wia nikau sapa-sapa mamuali. ¹⁴ Nisia si mamulia nyaku ka nisia si tumerima tanu tinerimaku wo nako lilaana wia nikau. ¹⁵ Sapate niitu taintu ni Bapa, niitu taintuku. Niitumong nyaku lumila kasi Roh kaulitan si mehe nahabar wia nikau sasapa tinerima namei wia nyaku. Kasusaan Mamuali Kasenangan ¹⁶ Moki-oki mokanei nikau raai mong lumoho nyaku, saup kume, ndaai mong ure nikau meloho-loho nyaku. ¹⁷ Se woo pira murid-ena ma wo-woyan, sapa patoroan pailana wia nikita, "Moki-oki mo kanei, nikau raai mong lumoho nyaku kahai, ndaai mong ure wo kau raai mong lumoho nyaku, saupeeme ndaai mong ure nikau meloho-loho nyaku? Ka nyaku mangemong na si Bapa? ¹⁸ Niitumong nisea moi, sapa patoroan, ndai mong ure? Ndaai kailekanta pailaana tiin. ¹⁹ Kailekan ni Yesus, semurid-ena mawowoi wia nisia, wo sia lumila wia nisea sapa kau ma wo-woyan witu nantara niu sasapa patoroan nyai ku lila: ndaai mong ure wo nikau raamong lumoho nyaku saupe eme ndaai mong ure nikau meloho-loho nyaku? ²⁰ Kasa ulit lila kume wia nikau, nikau, kau mame, wo masusa, taan si kaoatan si mapaa-paar, nikau masusa, taan kasusaan niu sawelanei mapela-pela. ²¹ Sa si wewene katouanei oki, sia si mendam rumapa ka nendona katouan mbitu mong, taan sasia kinatouanomei oki, kaliuran na pi nendam namei rumara, karengan, ka pela'ana ka si oki nyai na tou mei si limohomong kaoatan. ²² Taintukan kahai nikau, kau mendam kasusaan tarekan, taan nyaku ku sumero nikau kahai, wo nate niu memela-mela, wo ndaai wana si esa tou mindo kasenangan niu. ²³ Tu nendo niitu nikau, kau raai moi sapa-sapa wia nyaku. Kasa ulit lila kume wia nikau, sapate ki wehen niu wani si Bapa-Eku witu gorem ngaran-eku, Nisia si mehemei wia nikau. ²⁴ Akar tarekan nikau raaipe mina kiwehe-kiwehe sapa-sapa witu gorem ngaran-eku. Kiwehen nong wo kau makaindo, rior kapaaran niu mamuali wuta ²⁵ Nyaku kulimilaamong pakasaan nyaai wia nikou, kaampit naandean nendona mangemong mai wo nyaku ndaaimong maila o nikau kaampit naandean, taan mai sumirita o nikau tu kaulitan kumura Bapa. ²⁶ Tu nendo niitu nikau, kau kumiwehe witu gorem ngaran-eku wo nyaku ndaai lumila wia nikau ka nyaku simombayangako witu si Bapa ka nikau. ²⁷ Ka si Bapa te si maupus nikau, ka nikau maupus nyaku, wo maeman, ka nyaku wana si Bapa o mai. ²⁸ Nyaku wana si Bapa o mai, wo minai wia kaoatan, tarekan, ku tumelaaumong kaoatan yaai mareng wana si Bapa. ²⁹ Semurid-ena lumila: "Tarekan nikou mailaamong karengan wo raai mong maaindomei naandean kahai. ³⁰ Tarekan kailekanai ka nikou makailek pakasaan, wo ndaai mong tumowaamei tou moi wia nikou. Niitumong nikai maeman ka nikou wana si Empung wo mai." ³¹ Yesus mingkot nisea: "Sapa nikau maeman, tarekan? ³² Lohone! Nendona mbiamong wo minaimong wia nikau, kau ure nea, wo nikau esa wo sia mareng witu tampa ni ai yan niu katare wo ku telau niu mako nyakute maesa-esa. Taan ku raai te maesa-esa ka si Bapa mawali-wali nyaku. ³³ Nyaai waya lila kume wia nikau rior wia gorem eku, nikou makaindo kaleosan wo kasenangan. Wia kaoatan, nikau kau mendam pawantian, taan enteen nate niu! Nyaku ku kimalamong kaoatan!"