Masasawangan ¹ ei patuari - patuari, sa wewehan si tou tuumberen niu wasiwo ndosa nikau mina rohanimong, mako tusi tou tiin pauliten sia, rior toro mareng sumaup, mako kaampiten roh kasabaran, tu mega - tegam rior nikau sandiri raai kagodaan, ² Masawa - sawanganong nikau mawuleng kawuteran rior nikau makiit karengan Hukum ni Kristus ³ Sa wewehan tou se mengila - ngila nawak nea kasa peneron, taan ndaai ulit, nisia si malihu nawakena sandiri. ⁴ Maimong, esa wo si esa tou, ujin peniwo - niwona sandiri. tare niitu sia toro lumoor nawakena lumoho kaadaana sandiri wo ndaai pasuatena wo se tou walina. ⁵ Ka si tou esa wo siesa, sia simendam kawuterana sandiri. meniwo niwomong sapa geleos ⁶ Seimong sia si mindakaindo mong najaran witu Firman ni empung wetenganako pakasaan geleos tiin witu se tou minajar tiin. ⁷ Tia kau katowoan, si empung si raaitoro peleo - leongan ka sitou si mupu sapa nyai na tanem ⁸ Sitou timanem witu kapaaran leona si mupu kawuulan witu leona sandiri. taan si tou timanem wia roh, nisia si mupu katotowan kaure - ure witu roh. ⁹ tik nikita mawendu, masiwo geleos, saitu minaimong norasena kita mupu, sa kita raai sumerakan. ¹⁰ Niitumong, sa kita makaindo nendo leos, maimong nikita masiwote geleos witu sepakasaan tou. tampasako witu se patuari tunggorem iman ¹¹ Lohone, kasa sela hurup - hurup nyaiku patik wehe nikau kaampit lawaseku sandiri, ¹² Nisea se paar mapa loloho kaleosan nea witu nawak nea se maksa nikau ako sunaten. nisea se masiwo niitu rior nisea se raai ako peendisen ka salib Kristus. ¹³ Nisea se si sunaten taan se raai makiit Hukum Taurat taan nisea paar nikan ako sunaten, nisea se mapaa - paar wo masombong nawak nea ka kou sinunatou. ¹⁴ Paindon nyaku raai masosombong nawak sandiri, wayate tunggorem salib niempung - eta Yesus Kristus. ka witumong salib ena tiin, kaoatan yaai sinalib pou wehe nyaku, wo nyaku wehe kaoatan. ¹⁵ Sinunat kaapa raai sinunat ndaai wana si kalooran. paindon karengan nikita siniwomong weru ¹⁶ Wik se pakasaan tou, se makelang natoran yaai, maanong leos wokasengan wo rahmat tumumpamei wia nisea wo witu natas irael taintu ni empung ¹⁷ Kamurian, tia'k wewehan tou, si ma sususa nyaku ka nyaku minalimei tanda - tanda ni Yesus wia gorem nawak - eku ¹⁸ Panuari - panuari, satoro anugerah ni empung Yesus Kristus mawali - wali kaampit roh - emu, nulit.