Kristus siminehe mendeka tu se tou percaya

¹ Ka kamerdekaan, si Kristus manebasou nikita, niitumo tumoorou rendai , wo tia - among kahai pawuwuteran onkuk pabudaken. ² Lingane nyaku Paulus,maila wia nikau, ka sakau tumerimape sunat tiin, si Kristus raai mong si kaaraan, wia nikau. ³ Saup ku peeme, nyaku maila witu se tou - tou, se timerima mong sunat tiin, sia si pakiwehen lingan wo siwon waya nyai lila witu Hukum Taurat. ⁴ Sa kau maulit karengan uliten makelang Hukum taurat, penou - nouan niu, nyai nong roowmei witu si Kristus wo nikau timelaau mong anugerah. ⁵ Limalan witu roh, kaampit iman kita mengena - ngena pangharapan witu kaulitan. ⁶ Ka witu gorem ni Yesus Kristus sinunat kaapa raai, ndaai wana si kaaraan, wayate iman mapaayang lumalan witu kaleosan wewehan nartina. ⁷ Nikau limentengou geleos karengan, sei si turo mapa nikau witu makiit kaulitan? ⁸ Ragi okiite sumiwo pahumel rumeis. ⁹ Pasaandag tiin ndaai minai witu nisia sitimowaamei nikau. ¹⁰ Nyaku kuwewehan kayakinani wia nikau, tung gorem ni empung ka nikau raai wana si gegenangen walina, taan seitesia simai maraung nikau, situmerima hukumana. ¹¹ Niitumong patuari - patuari, sa nyaku mahabare sunat, raaku papeeniusen ne? sataintu batu kasuusuan tusinaru salib nyainong piipik ¹² Nyaku maarap sei se mengelu - ngelur nikau tiin se kumabiri nawaknea sandiri. ¹³ Patuari - patuari, kau tinowaamong mamuali merdeka. taan tia paindon kemendekaan tiin mawuali kesempatan tumou witu gorem leona, ¹⁴ taan selewirenako esa wosi esa tou kaampit kaleosan witu sekasua tou tanu nawakema sandiri ¹⁵ Sa kau makiki - kikian wo maloloombotan, mileilek tiak kau mawuwu nuari. ¹⁶ Niitumong, lila kume, tumoumong witu gorem roh, wo kau raai masiwo sapa kapaaran leona - mu. ¹⁷ Kapaaran leona minapasui - an o kapaaranroh, wo kapaaran roh,minapasui - an ongkaaran leona, ka rua - rua tiin minapasui - an rior nikau raai masiwo sapa kapaaran niu. ¹⁸ Taan, sa kau papimpinen roh, nikau raai witu mbawa Hukum Taurat. ¹⁹ Paayangen witu kapaaran leona, nitu palolohon karengan niitumong ndosa saparuni, ngaran lewo, pahange - angean paar, ²⁰ Masembah se opo, meniwo, maseso, mapeipet, mateir, tongkoupiin paarete nawak sandiri, mengindo - ngidom wo mapete se tou. ²¹ Tanteiren, tetelewen, mengeru - ngerur, wo walina - walina genangkume wia nikau tarekan, tanu nyaiku mong genangako katare - tare, seite sia sisumiwo taintusi raai mamuali waris karajaan sorga. ²² Taan mbuana roh niitumong: kaleosan, kasenangan, damai wo sejahtera tou sabar, rinda, kaupusan, kasatiaan, ²³ Kasabaran, makuasa nawak, ndaai wana si hukum si lumawang pakasaan niitu. ²⁴ Nisea se minamualimong, taintu ni Yesus Kristus sisimalipou kapaaran leona, wo pakasaan kapaaran na. ²⁵ Sakita tumou witu roh, geleos karengannikita kumelang kumiit kapaaran ni roh. ²⁶ Tia kita mamuali penombongan, kaapa masiwo patotokolan, kaapa madedengkia.