¹ Paterang kumetanaai, sa si ahli waris tiin si okiipe, sia simasuate osi budak, maane sia si makataintu pakasaan mbia. ² sia si witupe mbawa ni usinehas kuasa meloho-loho wo si maurus sangawale makar witu nendo tinantumome ni papana. ³ Taintukan kahai nikita, witu nikita oki - ipe, ta pabudake ne roh - roh kodatan yaai. ⁴ Taan saitu minai mong nendo mawuwutul, si empung rumehomei si anak - ena, si nyai tou mei n wewene, wo siminatou tumbawa hukum taurat. ⁵ Ka si matutubus nisea se tumbawa hukum taurat, rior nikita toro makaindo, angkaten mamuali oki - oki ina. ⁶ Ka nikau, kau oki - oki ina si empung si rimeho momei roh ni anak - ena muntep tunggorem nateta, se matowa ''Abba, Bapa". ⁷ Nitumong, nikau ndaaimong pailaan budak taan oki, si empung sumiwo nikau ahli waris lu malan tu si kristus, ti - among, pa bubudakenne ne roh - roh kaoatan. ⁸ Rior, nikau raaipe kumenal si empung, nikau kau budak - ke witu pakasaan pasandarete witu si raai empung. ⁹ Taan tarekan, nikau kimenalou si empung kaapa terangako kau kenalenong ni empung, kumurape sa nikau mutare sumaup kumiir roh - roh kaoatan se raai wana si keter wo raai si kaaraan? sapa kahai kau paare ako budaken? ¹⁰ Nikau masiwo parayaan witu nendo - nendo, serap wo noras kaampir taon - taon! ¹¹ ku mainde katia pemendu - menduangku yaai ndaimong pasiwon niu mamuali raai si kaaraan. ¹² Nyaku makinehe wia nikau, patuari - patuari, mamualimong nikau tanu nyaku ka nyaku kahai ku minamualimong tanu nikau, nikau kau raa simelok wia nyaku. ¹³ Rior tu kaikan niu, witu katare nyaku mahabar injil wia nikau, ku minendam sinakitan ¹⁴ Maane nawakeku ndai pe leos, nyaku tanu mauji nyaku wia nikau, nikau ndaai masesero ' kaapa tiak tumerima nyaku. Kamurianei nikau timerima nyaku, tanu si malaekat, wo kahai tanu nikau cimoho si Yesus Kristus sandiri. ¹⁵ Kumura kaampir kamang pinendam niu tarekan? ka nyaku toro sumairi, kumura nikau rior, nikau wona simogel beren niu wehe nyaku kau mapaarete. ¹⁶ Sapa tarekan nyaku minamualimong musu niu ka nyaku timuru kaulitan wia nikau? ¹⁷ Se tou - tou tiin semaulit maindo nikau? taan se raai mahalimei geleos, sea se paar sumeengket nikau, semaarap nikau sumero nisea. ¹⁸ Nitu geleos sa kaampir semangat masiwo tu matoro witu kaleosan wo ndaaite ka nyaku mawali - wali nikau. ¹⁹ Anakanak - eku, ka nikau, nyaku toro makasape kahai tumanggong rumara patotowan, makar si Kristus palohomei tunggorem niu. ²⁰ Nyaku maarap, nyaku torope mawali - wali nikau, tarekan, wo sumawel lengku - una sa nyaku maila, ka nyaku ku kinaapuanong akal masaru nikau. ²¹ Lilaamei nyaku, ei kau paare tumou, tumbawa Hukum Taurat, sapa nikau raai liminga Hukum Taurat tiin? ²² Ka nyai patik, Abraham minakaindo rua ok, si oki esa si nyai dumei ni budak wewene, wo si esa kahai si nyai dumei ni wewene merdeka ²³ Taan si oki nyai dumei ni wewene budak tiin, nyai toumei kimiir leona, taan si esa nyai dumei ni wewene merdeka, minatou limalan witu kakawaren. ²⁴ Lohone sirita yaai minamuali lambang ka serua wewene tiin li mambang rua kakawaren, siesa si nyai kawar witu kuntung sinai si esa nyai dumei seoki - oki budak, siamong si hagar. ²⁵ Tarekan, si hagar tiin limambang kuntung sinai witu tana' arab, tanu Yerusalem tarekan ka nisia timou witu gorem pabudaken mawa - wali se okiina. ²⁶ Taan Yerusalem wana natas siamong si wewene merdeka, wo nisia siminamuali mama - ata. ²⁷ Ka nyai patik ''mapaa - paarou kou wewene pesel, nyaai katouan oki, ka lebe laker se oki wehemei ni wewene sandiri, taan si wewene wewehan kaawu ²⁸ Patuari - patuari, nikau kau oki - oki kakawaren tanu si ishak ²⁹ nendo niitu seoki nyai toumei kimiit leona, se sumusa se oki nyai toumei kimiit roh, tanu minamualimong tarekan yaai. ³⁰ Taan sapa nyai lila witu buk suci? "ure mako si budak wewene tiin wosi okiina, ka si oki ni wewene tiin si raai mamuali ahliwaris mawali si oki ni wewene merdeka ³¹ Niitumong patuari - patuari nikita ta raai oki - oki witu si budak wewene taan nikita ta oki ni wewene merdeka.