Pasal 1
Yesus Niangkat Nasurgawo Kawar Mai Si Rohkudus
1
Witu mbuk nyaiku patik riorako, teofilus, kumura waya siniwo ni Yesus wo nyaina ajar.
2
Makar tunenoo nisia niangkat, kawewehe namaku prenta limalanei si roh kudus, mako witu serasul - rasul sinisirena.
3
Wia nisea, sia kahai mapailek nawak - ena sandiri si timou, taan siminendame kasusaan, kaampit laker bukti, wo sia mapaturu nawakena sandiri si timou mei sumaup nia nisea makr epat ngapulu ngaendo, wo masirita kumura kerajaan ni empung.
4
Si mawali - walipe o nisea, sia merenta mako tia matetelau yerusalem taan enaan nyai kawar ni bapa, tanu nyai na lila:nikau luminga wia nyaku.
5
Ka si yohanes malendem, malendem ondano, taan nikau, kau lendem kaampit roh kudus, ndaai ure tumuur tarekan
Yesus Niangkat Mange Na Surga
6
Niitumong, kaenur neate waya mawali - wali, sea moi wia nisia:empung, sapa tarekan nong nikou sumiwo sumaup kerajaan wia se israel?".
7
Sia lumila wia nisea ndaai wia nikau makailek kumura nendona, tinantumei ni bapa tunggorem kuasa na.
8
Taan nikau, kau tumerima kuasa, sa sia maimong si roh kudus wianikau, woalikau mamuali saksi - saksiku witu mberen nea.
9
Wo kalililaana niitu, se meloho lohope, osia kaangkat, wo linahak mali nisia makar kaliong witu mberen nea.
10
Wo semeloho - lohope na langin, witu sia mange, kalohoanako serua tuama pinutian, timoorou witu liilik nea.
11
Wo lumila:ei kau tou galilie, kaakau timuur witu wo meloho - loho na langit? Yesus yaai si niangkatou wia nantara niu, siminangemong na surga, wo sia mai sumaup tanu linoho niu sia mang na surga.
Sumibir Si Tou Mamuali Rasul Weru
12
Tumonoong niitu, sea mareng tu yerusalem, witu kuntung pailaan zaitun, witu ntawi yerusalem, karoowana kelangana tanu ka roouan sabat.
13
Kauntep nea mako, sea su meret witu pores atas, witu mbale pahanaan nea, petrus wp si yohanes, kaampit si yakobus wo si andreas, filupus, tomas, bartolomeus wo si matius, yakobus oki ni alfius, wo si si mon tou zelot wo yudas oki ni yakobus.
14
Nisea waya seminaesaan ate, se timekun witu sombayang, mawali wali o se wewene kaampit si maria mama ni Yesus wo se patuari - patuari na.
15
Se esa iman (setou witu se woo sangaatus rua ngapulu kalakeran nea) wo lumila.
16
patuari - patuari, buk suci palele kepen, nyainong lila witu katare - tare ni roh kudus limalan tu suma ni daud, kumura si yudas, si tou minalimei se matitimboi si Yesus.
17
Kanisea nyaine kareken wia nikita wo makaindo wewetengan tunggorem palayanan yaai.
18
Tarekan, si tou tiin sitemelesou nesa tana, niitu nyaai gaji witu kelewoana wo kanawu ute sia rookos rimior, nuner nawak - ena minapete, wo pakasaan witu gorem pootena mino ndolei.
19
wo nyaai waya kaile kanong ne tou pakasaan, semahana tu yerusalem, makar tana tiin witu bahasa nea pailaan hakal - oama masuat wo "tana raha".
20
Ka nyainong patiik, witu buk mazmur,: maanong pahanaan na mamuali penes, wo maanong waname ndaai wana si esa tou mena witu goremena, wo maanong tabatana nindon ne tou walina.(maz.109:8)
21
niitumong, sitou wia nisea si paar memali - mali nikita, kaurem se empung Yesus muntep wo mondolei tu nantarata.
22
tumuurei witu si yohanes malendem makar witu nendo nisia niangkat witu natara nikita, si esa wia nisea, si mamuali saksi witu katotoor namei mawali - wali nikita.
23
wo sea musu lako serua tou, nisia si yusuf patowaan barsabas, si patuwaan kan kahai yustus, wo si matius
24
wo sea sumombayang "niikou, empung, kou makailek nate ne pakasaan tou, turuumei wia nikai, sa sei sewia serua tou yaai, se sinisir emu.
25
ka mate terima palayanan yaai, kaampit jabatan rasul witu si yudas, si nyai kaselok mako tuntampana sandiri.
26
wo se rasul - rasul tiin tu mia mako nunoi tunantara nea wo nundian tiin kanawa witu si matias wo sia kareken mawali - wali wo se maplo esa rasul.