¹ Kumazuba alya, kwakeza alimwi mbunga abantu, amane kabaina cakulya. Jesu wakaita bashisiiya amane wamba kulimbabo, ² ''Ndaifwila nkumbu eyi imbunga ya bantu, nkaambo bazumanana kuba andime kwamazuba otatwe amane baina cakulya. ³ Nakuti mbambile baye mumaanda abo kuina kulya, inga bakuwizuka muzhila. Bamwi bavwila kulaamfu.'' ⁴ Bashiciiya bakwe bakaingula kuli nguwe,''nkuli nkwiinga twayana zhinkwa zhinji mucimpayuma mbuli omuno kuti bantu aba bakute?'' ⁵ Wakababuzha,'' mulikwete zhinkwa zyongaye?'' bakaamba,''ifuka.'' ⁶ Ngoona wakabambila bantu ati bakale anshi. Wakabweza zhinkwa zhili ifuka akulumba amane wakakomauna. Wakazhipa kuli bashiciiya ati babanye bantu, amane bakababanya bantu. ⁷ Bakakukwete alimwi atuswi tushonto, amane nakamana kulumba, wakabila bashiciiya ati babile atwalo. ⁸ Bakalya amane bakakuta, amane bakabwezaula tupazhipazhi twakashalila, bakazuzha mintaanga ili ifuka. ⁹ Bakali bantu bashika kuhyuulu zhone. Kuvwa awo wakabamwaya. ¹⁰ Ngoona awo wakanjila mubwato abashiciiya bakwe, amane bakaya kubusena bwa Dalmanuta. ¹¹ Amane kwakeza ba Falisi batalika kuzumanazhana anguwe. bakakuzanda chitondezho kulinguwe civwa kuzeulu, ati bamusole. ¹² Amane wakazoza mumuuya wati,'' ino aba bamusela wenu balandila zhi chitondenzho? coobeni ndamwambila kwina chitondezho chiika pewa kumusela uuyu.'' ¹³ Mpoona wakabashiya, wanjila mubwato alimwi, amane waya kumutala. ¹⁴ Ano bashiciiya bakaluba kunyamuna zhinkwa. Kabaina naciba chomwi chinkwa mubwato. ¹⁵ Wakamba kuli mbabo ati,'' Amucenjele kumamena aba Falisi amamena a Heloda.'' ¹⁶ Ono bashiciiya bakatelezhanya umwi aumwi,'' nkaambo twabula chinkwa.'' ¹⁷ Jesu wakacibwene eeci, amane wamba kulimbabo,'' chizhi chomupengela akubula chinkwa? Sa tamuna kubona? Sa tamuna kutelela? Sa myooyo yanu yaba mizumu? ¹⁸ Mulikwete menso, tamubuni? Mulikwete matwi, tamuteleli? ¹⁹ Nibdakakomauna zhinkwa zha bantu baali zhuulu zhuulu, ili yongaye mintanga ya zhinkwa zhikomauninwe zhimwakatola?'' Bakamba kulinguwe,'' kumi atobilo.'' ²⁰ ''Nindakakomauna zhinkwa zhili chisambomwe akati kabantu bali zhuulu zhone ili yongaye mintanga zhimwakatola? Bakamba kuli nguwe ati ''ifuka.'' ²¹ Wakamba,'' sa tamuna kutelela?'' ²² Bakaza ku Betisaia. Bantu okuya bakaleta kuli nguwe mulombwana moofu akulomba Jesu kuti amugume. ²³ Jesu wakamujata mulombwana moofu kulitashi, akumutola kunze amuzhi. Nakamushipila mate amenso akwe akubika litashi alinguwe, wakamubuzha,'' wabona chilicoonse?'' ²⁴ Wakalanga muzeulu, amane wamba,'' Ndabona balombwana baboneka azhisamu zheenda.'' ²⁵ Alimwi wakabika matashi akwe amenso akwe, amane mulombwana wakajalila menso akwe, watalika kubona, amane wakabona zhintu zhoonse kabotu. ²⁶ Jesu wakamwambila ati koya kumaanda akwamba ati,''utanjili mu dolopo.'' ²⁷ Jesu wakaya abashiciiya bakwe kumuzhi wa Caesalaphilipi. Muzhila wakababuzha bashiciya bakwe,'' ino bantu baamba ati ndime ni?'' ²⁸ Bakaingula kuli nguwe ati,'' Johani mubbabbatizhi.Bamwi bamba ati, 'Elijah,' abamwi ati, 'umwi wa bashishimi.'' ²⁹ Wakababuzha,'' ino imwe mwamba ati ndime ni?'' Petulo wakamba kulinguwe,'' Ndiwe Klistu.'' ³⁰ Jesu wakabacenjezha ati batakambili muntu uliwoonse aliinguwe. ³¹ Wakatalika kubayisha ati mwana muntu welele kupenga zhintu zhiinji, amane ulakakwa abamaalu abapaizhi bapati abamai bamilawo, amane uyojaiwa, kwaiinda mazuba otatwe ulabuka. ³² Wakacaamba eeci cakululamika. Amane Petulo wakamutola ambali watalika kumukalalila. ³³ Jesu wakacebuka akulanga bashiciya amane wamukalalila Petulo wamba,''koinda kunze lyangu, satani! Tobikile maano aku zhintu zha Leza, pele azhintu zha bantu.'' ³⁴ Amane wakaita imbunga yabantu abashiciya atomwi, akubambila ati,'' na kuli omwi uyanda kundicilila, welele kulikaka mukamwini, anyamune chicingano chakwe, akundicilila. ³⁵ Uuyo oonse uyanda kubamba buumi bwakwe ulabusowekelwa, awooyo woonse usowekelwa buumi bwakwe mukaambo kangu uyoofutuka. ³⁶ Ino chilapa impindu zhi kumuntu kuvuba inyika yoonse akusowekelwa buumi bwakwe? ³⁷ Ino chizhi muntu cganga wapa kuchicana abuumi bwakwe? ³⁸ Muntu oonse ufwila insoni ime amalembe angu omu mumusela, wamamambe acibi, mwana muntu uyakubafwila insoni akuza mubulemu bwabaushi abangelo basalala.''