6
1
Озьыен, мар вералом? Сьӧлыкын улыса а асьмелы кылёно, благодать уноян понна? Озьы луы кулэ ӧвӧл!
2
Ми кулӥмы сьӧлыклы: кызьы ми уломы на соин?
3
Уд шат тодӥське, ми ваньмы, Иисус Христос пушкы крестится кариським, Солэн кулоназ креститься кариськимы?
4
Озьыен, ми, креститься кариськыса, ватӥмы асьмедыз Христосэн ӵош кулонэ, кызьы Христос, Атаезлэн данэныз кулэмысь улӟыса султӥз, озьы ик ми но ветломы выльдэм улонын.
5
Ми Соин герӟамын ке Солэн кулонэныз, соку герӟамын луыны кулэ улӟыса султэменыз но,
6
тодыса, асьмелэн вашкала адямимы Иисусэн ӵошен кортӵогамын шуыса, сьӧлыко мугормы медаз ни кузёяськы миленым но ми медаз ни луэ сьолыклы рабен,
7
малыке шуоно кулэмез мозмытскоз сьӧлыклэсь.
8
Нош ми оскиськомы ке Христосэн ӵош кулэммылы, соку оскиськомы Соин ӵош уломы шуыса,
9
тодыса, Христослэсь кулэмысь улӟыса султэмезлэсь, но тодыса, Со уз ни кулы шуыса: кулон уз нӥ быгаты кузёяськы Соин.
10
Уго, Со кулӥз ке, кулӥз одӥг пол сьӧлык сэрен, нош улэ ке, улэ Инмар понна
11
Озьы тӥ но лыдъялэ асьтэосты кулэмен сьӧлык понна, нош улэпен Инмар понна асьмелэн Кузёмы Иисус Христос пушкын.
12
Сьӧлык медаз кузёяськы тӥляд кулоно мугорады, солэсь мылпотонъёссэ быдэсъяса,
13
но эн сётэ мугордылэсь люкетъёссэ сьӧлык лэсьтыны, медам соос луэ шонертэмлэн тӥрлыкез, нош кулонлэсь мозмытскыса сётэ асьтэды Инмарлы, нош мугор люкетъёстэс шонерлыклы тӥрлык карыса сётэ.
14
Сьӧлык кузёяськыны кулэ ӧвӧл тӥледын, уго тӥ закон улын ӧвӧл нош благодать улын.
15
Мар бен? Сьӧлык лэсьтомы шат асьмеос закон улын ӧвӧл, нош благодать улын шуыса? Ноку но уз луы озьы!
16
Тӥ уд тодӥське шат кин улэ ти сётиськоды асьтэды рабез кадь, солы ик тӥ рабъёс: яке сьӧлыклэн рабъёсыз мынӥськоды кулонэ, яке кылзиськиськоды Инмарлэсь, кудыз шонерлыко улонэ нуоз?
17
Тау Инмарлы, куке но тӥ вал сьӧлыклэн рабъёсыз, нош али вань сюлэмыныды кылзӥськоды Христослэсь дышетонзэ, кудызлы асьтэды сӥзиды.
18
Но али, мозмытскыса сьӧлыклэсь, тӥ шонерлыклэн рабъёсыз луиды.
19
Верало валан кылъёсын: кызьы ти сётчалляды мугордылэсь люкетъёссэ законлы ярантэм кырсь ужъёслы рабствое, нош али сётэлэ мугордылэсь люкетъёссэ святой ужъёслы шонерлыклэн рабъёсыз луон понна.
20
Уго, куке тӥ вал сьӧлыклэн рабъёсыз, шонер улонлэсь палэнын вал.
21
Кыӵе емышты тӥляд соку? Сыӵе ужъёслэсь тӥледлы али возьыт, уго соослэн пумзы - кулон.
22
Нош али, куке тӥ мозмытскимы сьӧлыклэсь но Инмарлы рабъёс луиды, тӥляд емышты луиз святость, нош пумыз - пумтэм дауръёс ӵоже улон.
23
Уго сьӧлык понна расплата - кулон, нош Инмарлэн кузьымез - асьмелэн Кузёенымы Иисус Христосэн пумтэм дауръёс ӵоже улон.